فكرة عجيبة و غريبة و بفكر اعملها كمان 5 سنين ايه رأيكم ؟

السلام عليكم يا رجالة كل عام و انتم بخير جاتلي فكرة في دماغي حلوة بعد نزول الانسجنيا بمحرك التربو ففكرت ليه بعد 5 سنين مسقطش محرك الانسجنيا ال 1600 تربو بالفتيس عندي على الفيكترا سي محرك الانسجنيا ميزته انه قوي فعلا و قطع غيارها ارخص من الفيكترا عدا البوجيهات و كمان الكاتينة بتاعته جنزير فمش هوجع دماغي بيها و كمان مش هبقى قلقان على الفتيس زي الايزي ترونك و هقفل العداد عادي و العربية هتبقى مستريحة على السرعات العالية و استنتجت كده ان الموتور ده راكب على الاسترا j اللي كانت بتنزل بالمحرك ال 180 حصان اللي كان بيركب برضه على الاسترا h و الاسترا h تعتبر زي الفيكتترا الى حد ما فليه ميركبش عندي و كمان موتور ال opc بتاع الفيكترا راكب على الانسجنيا opc عادي برضه فأيه رأيكم في الفكرة دي عايز ارائكم

ازيك ياعبده عامل ايه ؟؟؟

اول حاجه عايز اقولها :- مش انت عندك امتحانات اليومين دول ؟؟؟؟ خش ذاكر عشان الدعوات اللى بندعيهالك تجيب نتيجه :-))

تانى حاجه :- فكره فوق الممتازة بس يارب الموتور ينزل سريعا ومايغيبش ومايبقاش غالى ... ولكن أتوقع ان الموضوع ده هيفرق جداً فى العربيه وهيريحها اوى طبعا

اقتباس:

---

المشاركة الأصلية كتبت بواسطة haisam ali

ازيك ياعبده عامل ايه ؟؟؟

اول حاجه عايز اقولها :- مش انت عندك امتحانات اليومين دول ؟؟؟؟ خش ذاكر عشان الدعوات اللى بندعيهالك تجيب نتيجه :-))

تانى حاجه :- فكره فوق الممتازة بس يارب الموتور ينزل سريعا ومايغيبش ومايبقاش غالى ... ولكن أتوقع ان الموضوع ده هيفرق جداً فى العربيه وهيريحها اوى طبعا

---

ازيك يا هيثم باشا ربنا يخليك

انا عندي امتحانات فعلا و خلصت الجزء الصعب يعتبر كان عندي فيزياء الناهردة و بفضل ربنا و دعواتكم الامتحان اللي كنت متوقع يكون اصعب واحد كان احلاهم و لوووووز كمان فالحمدلله فعلا و انا النهاردة مريح شوية لسة قدامي 4 ايام على الامتحان الجاي و هيبقى تربية وطنية فلسة راجع من شوية قلت بقى اريح ساعتين اخد نفسي فيهم بعد الاسبوع الطحن ده و بعد كده الاسبوع الجاي هيبقى عندي كله رياضيات و ده اخف شوية و حلوة يعني و بعد كده اسهل جزء فرنساوي و كيمياء و اخلص

بالنسبة للفكرة هتتكلف شوية بس لو بعت الفيكترا هخسر فيها فعلا فليه ابيعها و اجددها اسقط موتور الانسجنيا و تكون الانصاص بدأت تنزل ووديها مركز تعديل يظبطهالي شوية و نظام عادم مزدوج و تظبيط عفشة و لو هتبقى احلى فيكترا في مصر لأن لو جبت برضه محرك ال opc مش هلاقيله قطع غيار و التوكيل كده كده بيبيع قطع غيار الانسجنيا و هتبقى بتتباع بره برضه فهتبقى فكرة حلوة بس عايزة شغل و ناوي اعملها بس بعد الجامعة بسنة و اكون جمعتلي قرشين حلوين

بالتوفيق ياعبد الرحمن وبأذن الله ترفع رأسنا فى النتيجة وتعزمنا عزومه من الاصلييين

وبالنسبه الفكره بتاعت الموتور .... هيا فكره فوق الممتازة وانا من اكتر الناس اللى بتأيد موضوع تسقيط الموتور خصوصا لو جبت نص كامل ووديتها عند حد فاهم اوى وعملت كل حاجه ع ايديك وانا متاكد منك ومن اللى انت هتعمله باذن الله ... وكمان دى عربيتك وانت حافظها وصاينها ومش مزعلاك فى حاجه ولو جيت تبيعها ولا هتجيب لم اى حاجه يبقى تظبطها تمام لنفسك وبأذن الله خير

عملت ايه في الامتحانات؟؟؟
الفكرة دي لو نفعت يبقي كويس اوي

فكره جامده كنت عند صابر من فتره و شفت واحد مسقط مكنه 2200 سي سي بالكنسوله و العدادات و الفتيس الاتوماتك بتاعها بصراحه سوقتها منه العربيه سلسه جدا في المشي و العزم ما شاء الله بيقولي كلفته فرق 15000 و الحاجه القديمه بياخودها صابر

اقتباس:

---

المشاركة الأصلية كتبت بواسطة omar mahmoud

عملت ايه في الامتحانات؟؟؟
الفكرة دي لو نفعت يبقي كويس اوي

---

زي الفل الحمدلله امتحان الانجليزي اللي كان فيه شوية مشاكل بس مش كله عشان كده انا مطمأن لأن الجزئيات اللي لغوها هى دي اللي كنت وقعت فيها و مش كلها كمان دي حتة منها فربنا كرمنا من وسعة عقبال الباقي بأذن الله

الحوار ده عشان يتعمل هيبقى عايز حد بيفهم في فيكترا سي و انسجنيا مع بعض ان خوفي الوحيد هو الكنترول الرئيسي و الكهرباء بتاعة العربية هل هتتماشى معاه و لا لأ ؟

اقتباس:

---

المشاركة الأصلية كتبت بواسطة verna

فكره جامده كنت عند صابر من فتره و شفت واحد مسقط مكنه 2200 سي سي بالكنسوله و العدادات و الفتيس الاتوماتك بتاعها بصراحه سوقتها منه العربيه سلسه جدا في المشي و العزم ما شاء الله بيقولي كلفته فرق 15000 و الحاجه القديمه بياخودها صابر

---

سمعت عن حوار ال 2200 ده كثييير بس المحرك ده قديم جدا و بيطلع 147 حصان بس و بصراحة العدادات و الكنسول اللي عندنا احلى فعشان كده هلجأ لحوار التربو ده و يبقى اسمي راكب عربية 1600 بس طيارة و كمان وزن الفيكترا اخف من الانسجنيا بحوالي 250 كجم فده في صالحي كمان

سؤال يا جماعه العربيه المتسقط لها موتور عالى بتتعامل فى الترخيص بالسى سى العالى ولا بتتعامل فى الترخيص بموديلها السابق.

بالسى سى العالى