تنظيف مجموعة عدادات التابلوه للنيسان صنى
بدأت منذ اسبوع اعمل حملة تنظيف للسيارة واقصد هنا تنظيف الاماكن التى يصعب الوصول اليها مش النظافة المعتادة ...
بدأت السبت الماضى بتنظيف مروحة البلور (بداخل تابلوه السيارة ) الخاصة بتكييف السيارة وانتهيت منها .
اليوم كان ميعادى مع مجموعة العدادات وكان بها كمية تراب كل ما انظر اليها اتغاظ .
1- بدأت اولا بإنزال الدريكسيون من خلال الذراع اللى اسفل الدركسيون عشان يعطينى مساحة فى الفك .
2- بدأت بفك مسمارين موجودين فى الفبرة السوداء اللى قافلة على العدادات .
3- اصبحت الفبرة الان حرة .... وهنا بأه خدوا بالكم اذاى تطلعا من مكانها .. تجيبها ناحية ذراع المساحات ومن هنا حتخرج ومن هنا حترجع تركبها تانى .
4- ظهرت الان العدادات مثبتة بعدد 3 مسامير يتم فكهم ثم اخراج العدادات وفك الفبرة البلاستيكية الشفافة وابدأ عيش حياتك فى التنظيف ...
5- التركيب اعكس الخطوات السابقة .
بصراحة العدادات نورت من النظافة اكنها جديدة .. الموضوع يستاهل
ملحوظة : 1- صورت الموضوع ولكن للاسف كل ما احاول رفع الصور تعطينى رسالة .. ( جارى عمل صيانة ... برجاء اعادة تحميل الصفحة ) ... والموضوع ده قابلنى كتيررر
2- حاولت افك الفيش اللى اسفل العدادات ولكن بصراحة معرفتش او خفت اتعافى على الفيش تتكسر فنظفت والفيش راكبة .
3- عند تنظيف الفبرة البلاستيكية الشفافة بقماشة ناعمة عشان متتجرحش .