للمره الثانيه عربيتى تتخبط

**ibrahimsaad** · 14-06-2014 07:56 PM

المره اللى فاتت من حوالى شهر او شهر ونصف واحد حمار خبط الشنطه من ورا وانا واقف وراكن وللاسف الخبطه لم تظهر الا بعد ماروحت لقيت الشنطه داخله لجوه ومش بتفتح

المره دى وانا ماشى فى حالى واخد يمينى الاقى واحد حمار تانى راكب موتوسيكل وماشى بسرعه جنونيه وفجاه اتزنق فى الطريق فقام ماسك فرامل طبعا مسعفتوش قام مخمس بيه ولافف وخابطنى من الناحيه اليمين فى الباب الخلفى وطبعا الباب اتطبق لجوه

نزلت طبعا شفت الخبطه اتضايقت وللاسف مااخدتش حق منه وفضل يقول لى انا غلبان وشغال على دراعى والكلام ده المهم سيبته ومشيت بس وانا فى حاله زفت كل شويه العربيه تتخبط من غيرى وانا مش غلطان بصراحه زهقت وقرفت من البلد واللى فيها وندمان انى جبت عربيه زيرو كان مالها الفيرنا كانت بتتخربش وتتخبط وماكنتش بازعل لكن دلوقت اى خبطه مكلفه جدا والعربيه زيرو ومش مامن عليها

ياترى لو عملتها عند سمكرى فيها مشكله ولا ممكن تخرجنى من الضمان

**D.Ahmed Ismail** · 14-06-2014 08:01 PM

لعلـــــــه خيــــــــــــر

**Adnfalcon** · 14-06-2014 08:18 PM

قول الحمدلله
تتخبط كده ارحم ان لا قدر الله تتسرق او تروح ف حادثه
دا قضاء و قدر .. طلع فلوس ب نيه ان ربنا يحفظهالك و يحميك من العين

**Zing0** · 14-06-2014 09:12 PM

عييييييييييييييييييييين
الناس دلوقتى فاضية للحسد و الحقد و بس
مفيش و فقر و عوز و ناس عايشة فى حرمان و نفوس ضعيفه

أولاً : ده قضاء و الحمد لله انها جت فى الصاج مجتش فى أنسان لا قدر الله
ثانياً : طلع حاجه لله, و بلاش شغل الدبح و خمسة و خميسه و الكلام الفاضى اللى مالوش أصل فى الدين
ثالثاً: سيب الخبطات شوية , أوعى تعملها دلوقتى, شهر و لا 2 , تأخذ العين و الشيطان يبعد عنك
و مش هأوصيك بالأذكار, و ربنا يحفظنا و يسلم طريقنا جميعاً

**john55** · 14-06-2014 09:20 PM

في مصر العربيه من الخارج ملك الشعب ومن داخلها ملكك ههههههههه ياباشا العربيات اغليها بتتخبط وهي واقفه او واحد معاه مسمار بيحب الرسم وحظك لو جيت معاه فمتزعلش كل الناس بتشتكي بس هتعمل ايه انت اكيد في مصر وشوارعها وشكرا

**midooo_119** · 14-06-2014 09:26 PM

السمكرة مالهاش علاقه بالضمان

**Msanad** · 14-06-2014 10:48 PM

ربنا يحفظك والحمد لله انها جت على قد كده
المهم انت سيبها شويه وبعدين بعد شهر ولا اتنين ابقى ردها ومعجنها ورشها - ما تقلقشى مش هتطلع بره ضمان ولا حاجه
ربنا يكفينا واياكم شر الحوادث والحسد والحقد

**hossam_elwani** · 14-06-2014 11:12 PM

حسبنا الله وكان الله فى العون

**Islam_klose** · 14-06-2014 11:26 PM

بص يا باشا الحل اول متركب العربيه شغل قرأن و ربنا يسترها علينا كلنا و بالنسبه للسمكره برا عادي بس متقلش انك عملت كذا

الموضوع: للمره الثانيه عربيتى تتخبط

LinkBack

أدوات الموضوع

عرض

للمره الثانيه عربيتى تتخبط - انشر الموضوع فى :

-

-

-

المواضيع المتشابهه

توكيل تويوتا بالأسكندريه للمره الثانيه

للمره الثانيه تسقيط فتيس 1.6 في فليشيا95

الكلمات الدلالية لهذا الموضوع

المفضلات

المفضلات

ضوابط المشاركة