الدينمو بيموت وعايز آرائكم فى الدفنة .. إبيزا 94

السلام عليكم ورحمة الله وبركاته

ازيكم يا شباب يا رب تكونو بكل خير

بعد تظبيط التكييف وتشغيله وتشغيل المروحة على الدرجة التانية وتشغيل المروحة بتاعة التكييف والكاست والسنتر والإزاز الكهرباء

الدينمو بيموت :crying1:

لمبة الدينمو بتنور منى ولما ادوس بنزين بتطفى وطول مانا ماشى سلانسيه الاقيها منوره، وبطلت منى على المحور وفضلت واقف لحد ماجربت وربنا اكرمنى ودارت ، لما اجى ادور ساعتها كأن البطارية نايمة، وده كان بعد مشوار طويل والطريق كله واقف ومشغل فيه التكييف والكاست ومظبط الدنيا !!

الدينمو عندى الأسبانى ال 55 امبير ، ايه رأيكم اغير كتاوت ولا اشترى دينمو استيراد 70 امبير؟ وهل ال80امبير بتاع الموتور 1400 كويس ولا هيبقى عالى

وسؤال مهم هل تركيب دينمو اعلى هيتطلب تغيير فى الضفيرة ولا اى تغيير فالعربية ؟

وفكركم يكون بكام واجيبه منين ؟ فى كهربائى فولكس قالى ممكن اجبلك واحد وممكن اشوف عند عصام وممكن اروح لبتوع قطع الغيار ..

ارجوا الرد على الاسئلة عشان حيران ولو ليكم اى اراء تانية قولوا

الاول اكشف على الى عندك وشوف الخارج بتاعه وهل بيتاثر جامد عند تشغيل جميع انوار العربيه ( عند التحميل )
70 امبير كويس وهوا عندى وشغال تمام على بطاريه 55 أمبير وزى الفل
ولا هتغير حاجه
هتجيبو من عند اى حد إستيراد ولو خلعو من مكنه يبقى تمام أوى وفيه ناس فى عابدين متخصصه بيع مارشات ودينموهات لجميع المركات
سعره من 250ج ل 350 ج

ارفع السلانسية شوية و اكشف على البطارية لو سليمة يبقى غير كتاوت الشحن بتاعت الدينمو****

اقتباس:

---

المشاركة الأصلية كتبت بواسطة mohammad isdf

السلام عليكم ورحمة الله وبركاته

ازيكم يا شباب يا رب تكونو بكل خير

بعد تظبيط التكييف وتشغيله وتشغيل المروحة على الدرجة التانية وتشغيل المروحة بتاعة التكييف والكاست والسنتر والإزاز الكهرباء

الدينمو بيموت :crying1:

لمبة الدينمو بتنور منى ولما ادوس بنزين بتطفى وطول مانا ماشى سلانسيه الاقيها منوره، وبطلت منى على المحور وفضلت واقف لحد ماجربت وربنا اكرمنى ودارت ، لما اجى ادور ساعتها كأن البطارية نايمة، وده كان بعد مشوار طويل والطريق كله واقف ومشغل فيه التكييف والكاست ومظبط الدنيا !!

الدينمو عندى الأسبانى ال 55 امبير ، ايه رأيكم اغير كتاوت ولا اشترى دينمو استيراد 70 امبير؟ وهل ال80امبير بتاع الموتور 1400 كويس ولا هيبقى عالى

وسؤال مهم هل تركيب دينمو اعلى هيتطلب تغيير فى الضفيرة ولا اى تغيير فالعربية ؟

وفكركم يكون بكام واجيبه منين ؟ فى كهربائى فولكس قالى ممكن اجبلك واحد وممكن اشوف عند عصام وممكن اروح لبتوع قطع الغيار ..

ارجوا الرد على الاسئلة عشان حيران ولو ليكم اى اراء تانية قولوا

---

دة غالبا هايبقى الشربون بتاع الكتاوت سعرة 5 ج حاجة كدة
الكتاوت تغيرها كلها لما الشحن يبقى زيادة لكن لما تقطع بيبقى الشربون اتاكل

متشكر ليكم يا جماعة على النصيحة

هو فعلاً شحن الدينمو أصلاً كان ضعيف يعنى بيدى 13 بالعافية وانا مشغل الأنوار وبدون تكييف وأكيد مع التكييف هيبقى اقل لكن انا لسه مكشفتش حديثاً

مهندس حسام هل الناس بتوع عابدين دول بيبعو استيراد ولا بيبقى مهلوك هنا فى مصر ومفتوح ومتنضف يا دوبك ادام الزبون يبقى كويس ومع الإستخدام يبان على حقيقته ؟

الناس بتوع عابدين بيبعوا إستيراد وناشارى منهم من سنه وشغال تمام
http://www.nilemotors.net/Nile/34102...post3875072684
وكمان هما مش بيع بس صيانه لجميع انواع المرشات والدينموهات
وبيختبر الدينمو قبل ماتخدو ادامك على جهاز خاص به نسبة الشحن وكمان لمبه زى الى عندك فى الطبلوه

اقتباس:

---

المشاركة الأصلية كتبت بواسطة hossamalsadik

الناس بتوع عابدين بيبعوا إستيراد وناشارى منهم من أكتر سنه وشغال تمام
وكمان هما مش بيع بس صيانه لجميع انواع المرشات والدينموهات
وبيختبر الدينمو قبل ماتخدو ادامك على جهاز خاص به نسبة الشحن وكمان لمبه زى الى عندك فى الطبلوه الراجل كان اسمه محمد لطفى

---

فل جدا طب يا ريت لو فى العنوان او رقم التليفون واروح ازاى ويبقى جزاك الله خيراً :Ta_clap[1]:

للاسف معنديش تليفونه بس هوصفلك
هتوصل ميدان لاظوغلى عند التمثال وتخش شارع مجلس الامه من اوله وفى بديته اسأل اى ورشه او محل قطع غيار لان الشارع مليان منهم كتيير جدا أساله على ( محمد لطفى ) المتخصص المرشات والدينموهات لانه معروف جدا هناك

كشفت علي السير وبلية الشداد بتاعة سير الدينمو ؟؟

لو محتاج دينمو انا معايا واحد بتاع المكنه القديمه ال 1400 شوف عاوزه كلمنى
01144645241 \ 01026155230
ومش هنختلف فى السعر ياباشا

اقتباس:

---

المشاركة الأصلية كتبت بواسطة SYD

كشفت علي السير وبلية الشداد بتاعة سير الدينمو ؟؟

---

ايه السؤال المفاجئ ده ، السير جديد لكن مكشفتش على البلية .. :plusone2:

اقتباس:

---

المشاركة الأصلية كتبت بواسطة nesr6060

لو محتاج دينمو انا معايا واحد بتاع المكنه القديمه ال 1400 شوف عاوزه كلمنى
01144645241 \ 01026155230
ومش هنختلف فى السعر ياباشا

---

هو كام امبير وحالته اخبارها ايه :E_braces[1]:

معرفش والله هو كام امبير بس هو كان على مكنه 1400 و ماركه بوش صناعه اسبانى ده الى مكتوب عليه

حالته كان شغال ميه ميه بس انا غيرن المكنه وجاى معاها دينمو وده بتاع المكنه القديمه

اقتباس:

---

المشاركة الأصلية كتبت بواسطة nesr6060

معرفش والله هو كام امبير بس هو كان على مكنه 1400 و ماركه بوش صناعه اسبانى ده الى مكتوب عليه

حالته كان شغال ميه ميه بس انا غيرن المكنه وجاى معاها دينمو وده بتاع المكنه القديمه

---

اعتفد يبقى 80 أمبير بس ياريت لو تقولنا مكتوب عليه ايه تانى وهنعرف كام امبير :Ta_clap[1]:

كشفت امبارح على الدينمو قالى ان الدينمو مش بيشحن أصلاً

اديته كتاوت يركبها فبيبص بعد خلع الكتاوت القديمة لاقى ان الكوليكتور اللى بيركب عليه الشربون بايظ ولازم يتغير وتكلفته تقريباً 50 ج وده مش كهربائى فولكس

المهم ركب الكتاوت الصينى اللى جايبلهالو لاقى الشحن 13 من غير تشغيل الأنوار ولا التكييف، وان شاء الله اجيب الدينموو السبعين وربنا يسهل

اقتباس:

---

المشاركة الأصلية كتبت بواسطة mohammad isdf

اعتفد يبقى 80 أمبير بس ياريت لو تقولنا مكتوب عليه ايه تانى وهنعرف كام امبير :ta_clap[1]:

---

دينمو الأستوك للمكنة ال1.0 او ال1.4 بيبقي 70 أمبير بوش

تحياتي

اقتباس:

---

المشاركة الأصلية كتبت بواسطة mohammad isdf

ايه السؤال المفاجئ ده ، السير جديد لكن مكشفتش على البلية .. :plusone2:

---

اكشف عليها عشان تكون متطمن من الناحية دي لأنها لو مرخية او السير مرخي هيضعف الشحن جداً

تحياتي

فك المارش و روح بيه ل محمد لطفى و هو هيديك المفيد لو سيلكونات او شربون هيعملهولك و يظبتهالك وتبقى عملك الصح مع نفسك كده كده تبقى صينته لو فضل العيب ابقى بص على الكتاوت و السير و بالنسبه للأمبير العالي للدينامو مش بيأثر على اى حاجه علشان البطاريه مش بتاخد غير الامبير الى محتاجه بس و بتسيب الباقى و كمان الاجهزه فالتشغيل بتاخد برده الأمبير الى محتاجه بس و بتسيب الباقى

انا دورت بس مش لاقى مكتوب عليه كام امبير لو حد عاوزه قولولى هو ماركه بوش صناعه اسبانى
الدينمو 10 \ 10

مين محمد لطفي يارمضان؟

اقتباس:

---

المشاركة الأصلية كتبت بواسطة windofchange

مين محمد لطفي يارمضان؟

---

لطفى ده راجل بتاع مارشات و ديناموهات أستيراد و تصليح فى عابدين شارع متفرع من ميدان لازوغلى علشان كده قولتله فكه وروح بيه احسن هو مشهور أوي و كمان صلحلي قاعده الكمبورسور بتاع الكيف قبل كده

الحمد لله اشتريت دينامو من محمد لطفى فى شارع مجلس الأمة

وإن شاء الله جارى التجربة عشان اقيمه واعمل عليه تقرير

والدينامو ال 55 أمبير عندى للبيع اللى عاوزة ياخدو ولكن هو محتاج كوليكتور فى حدود 50 جنيه وممكن يحتاج كتاوت أو شربون للكتاوت ..

يعنى رسيت على محمد لطفى فى الاخر ألف مبروك يامحمود
أن شاء الله يكون تمام وبقى قلنا جبته بكام وعامل أيه معاك وكده

اقتباس:

---

المشاركة الأصلية كتبت بواسطة hossamalsadik

يعنى رسيت على محمد لطفى فى الاخر ألف مبروك يامحمود
أن شاء الله يكون تمام وبقى قلنا جبته بكام وعامل أيه معاك وكده

---

يا باشا انا مقدرش اكسر ليك كلمة لأنى بثق فى رأيك جدا شخصيا وجزاك الله خيراً نصايحك المستمرة معايا، وبالمناسبة انا اسمى محمد مش محمود :blabla:

الف مبروك حل مشكلتك
دلوقتي التكييف شغال تمام ولا ايه الأخبار
ربنا ييسرلك الحال ان شاء الله

تحياتي

اقتباس:

---

المشاركة الأصلية كتبت بواسطة mohammad isdf

يا باشا انا مقدرش اكسر ليك كلمة لأنى بثق فى رأيك جدا شخصيا وجزاك الله خيراً نصايحك المستمرة معايا، وبالمناسبة انا اسمى محمد مش محمود :blabla:

---

ربنا يخليك ياأ/محمد واسف جدااا على اللخبطه فى الاسم
وكلنا بنتعلم من بعض
وربنا يستر طريقك وطرقنا

يا جماعة انا قيست شحن الدينمو فى 3 أماكن غير الكهربائى اللى ركبه

الأول فى فيصل وقالى وحش وجايب بالتكييف 12.5 ومعاه مقياس ديجيتال

وانا عارف ان السير مرخى خالص فروحت لكهربائى ومعايا سير اصغر منه وقاس الشحن وقالى كويس جايب 14 من غير تكييف و14 الا ربع بالتكييف والنور ومعاه مقياس اللى المؤشر بتاعه مش ديجيتال !!

الثالث فى زايد ومعاه المقياس الديجيتال وقالى وحش وجايب 12.5 بالتكييف والنور ومن غيرهم جايب 13.5

الرابع بردوا فى زايد ومعاه المقياس اللى بمؤشر وهو مبروك غطاطى، وقالى شغال بالتكييف والنور 13 ومن غيرهم 13.5.

فاشيروا عليا .. انا زهقت ومش عايز ادفع فلوس تانى اعمل ايه هل ده شربون مثلا ولا اعمل نفسى عبيط وامشى بيها كده ومش لازم بالليل اشغل التكييف واكتفى بالنور فقط ؟ ولا مثلا اخلى المروحة بتاعة الريدياتير ساعة تشغيل التكييف تشتغل درجة اولى مش تانية ؟

طب ماهو لحد 13 كويس مش وحش - انت ايه مشكلتك ؟؟

مشكلتى تضارب الآراء فى الكشف وفى منهم اللى قال ان مع التكييف 12.5 وده مش كويس لا يطلع كلامه هو اللى صح

ماتخفش كده كويس ممكن متكنش حالته 100%وهيا 80 % ( ده فرضاً )بس هيمشيك عادى جدا بالنسب الى وضحتها
أنا لما جبت الدينمو كان نفس النسب ديه بالظبط على مقياس عادى الى بمأشر وشغال زى الفل من يوم ما أشتريته من سنه حتى الأن

شكرا يا بشمهندس حسام على اهتمام وكلامك الطيب

بص يا محمد القياس الصح بيقى والعربيه فى السلانسه من غير ما اتشغل اي حجاه كهرباء خاااااااااااااالص فى العربيه والمفروض فالسلاسنه لو ده دينامو 100% 13 إلى 13.25 ومعاك لحد 13.50 القياس التاني بيبقى وانت مزود بنزين وده المفروض لو بردك الدينامو 100% يبقى مش هيزيد عن 13.75 و معاك لحد 14.25 وده هيحافظ على البطاريه و يبقى عمرها طويل وده ال100% و اكتر من 14.50 يبقى ومش حلو بس كل الياباني و الكوري كده و العيب الوحيد البطاريه عمرها مش هتجيب معاك غير سنه ونص.

اقتباس:

---

المشاركة الأصلية كتبت بواسطة ramadan kader

بص يا محمد القياس الصح بيقى والعربيه فى السلانسه من غير ما اتشغل اي حجاه كهرباء خاااااااااااااالص فى العربيه والمفروض فالسلاسنه لو ده دينامو 100% 13 إلى 13.25 ومعاك لحد 13.50 القياس التاني بيبقى وانت مزود بنزين وده المفروض لو بردك الدينامو 100% يبقى مش هيزيد عن 13.75 و معاك لحد 14.25 وده هيحافظ على البطاريه و يبقى عمرها طويل وده ال100% و اكتر من 14.50 يبقى ومش حلو بس كل الياباني و الكوري كده و العيب الوحيد البطاريه عمرها مش هتجيب معاك غير سنه ونص.

---

أِشكرك على اهتمامك والمعلومات المفيدة ربنا يباركلك يا رب