مكنسة العربية

**عمرو عبيد** · 17-07-2007 01:13 PM

انا كنت فى كارفور من كام يوم و شفت مكنسة صغيرة ثمنها 70 او 80 جنية فلو سمحتم اليجرب المكنسة دى يقولى اذا كانت حلوة فعلا و بتنضف العربية و لا تعبانة

**ahmed1981** · 17-07-2007 06:35 PM

تعبانة خالص
والدي اشتراها مرة زمان وكانت فاشلة

يدوبك بتعرف تسحب نفسها :lol:

**جندى مجند** · 17-07-2007 06:52 PM

أنا عندى واحد من مكانس العربية دى ... شوف هى آخرها تشيل حبة التراب اللى بيتجمعوا فى الدواسات انما ما تتوقعش انها حتنضف الفرش من التراب الملتصق بيه ... دة لازم يتغسل عند السروجى أو تركب فرش جلد

**اسلام المصرى** · 17-07-2007 07:09 PM

أنا مع رأى الأخ جندى , وطبعا المكنسة الموجودة فى محطات البنزين بتقوم بالواجب , وطبعا لو حافظت على نظافة الدواسات و قمت بتنظيف السيارة مرة واحدة فى الشهر - على الأقل طبعا - و ريح نفسك من موضوع المكنسة اليدوية ديه لأنه أختراع فاشل و النتيجة غير مرضية.

وتقبل تحياتى :)

**amrnader** · 18-07-2007 03:04 AM

لو قصدك المكنسة الصفراء اللى فى كارفور يبقى ابعد عنها خالص، دية اصلا بتفك لوحدها و رديئة الى ابعد الحدود

**Mina W** · 18-07-2007 10:05 AM

بس هى مش حلوة بس مش وحشة برضه، انا قلت اى حاجة تساعد علشان الاولاد بيبهدلوا العربية و خصوصا بعد اللعب فى النادى و كمان ملاقتش حاجة احسن منها، كمان اهو بتنفع كمنفاخ للكرة و العوامة.
و يا ريت لو حد لقى حاجة افضل يقول عليها