رأى الاعضاء فى c180 2010 مستعمل

**chaos00** · 15-06-2014 12:22 AM

انا بدور على c180 مستعمل فى قدامى c180 2010لون ابيض سقف بانوراما نتيجة الفحص فى الالمانية الموتور كفائته 80%عايزه مساعدين امامي العربية ماشية 70 الف كيلو هو طالب فيها 300 الف العربيه راشه اكسادمين ممكن اعرف رأيكو فى السعر وبالنسبة ان كفائة الموتور 80%ده عادى ياريت حد يفدني بسرعه لان مرتبط مع الراجل بعربون

**zangry** · 15-06-2014 12:26 AM

80% !! مش غريبة شوية خصوصا انها ماشية قليل وكمان محتاجة مساعدين !

رأيي بلاش منها شكلها متهانة

**chaos00** · 15-06-2014 12:38 AM

المشاركة الأصلية كتبت بواسطة zangry

80% !! مش غريبة شوية خصوصا انها ماشية قليل وكمان محتاجة مساعدين !

رأيي بلاش منها شكلها متهانة

هى فعلا باين عليها الاستعمال بس انا قلت عادى على انها 2010 بس اترددت بعد الفحص هو انا كتبت الحاجات المهمه الى طلعت فى الفحص انما الباقى انا شايفه عادى لعربية مستعمل زى جلب مقصات رشاشات فوانيس ريش تكيف الازاز الى قدام فيه شرخ بس انت رأيك بالنسبه للسعر والفحص بلاش اكيد

**zangry** · 15-06-2014 02:38 AM

مش خبير في اسعار المرسيدس بس الحالة نفسها شكلها مش حلوة .. شوف حالة احسن

تحياتي

**Adnfalcon** · 15-06-2014 02:48 AM

العربيه دي متهانه ع فكره

**chaos00** · 15-06-2014 03:16 AM

الاسعار فعلا غريبه تريبا اكتر من سعرها شفت c180 2013 بانوراما معروضه ب٤٨٠ الف في نفس الوقت ان ال٢٠١٥ ب كنت في الوطنيه نازله ب ٤٧٠ و في المستعمل بيغلي اليومين دول!!!!!!!!!!

**zangry** · 15-06-2014 03:54 AM

المشاركة الأصلية كتبت بواسطة chaos00

الاسعار فعلا غريبه تريبا اكتر من سعرها شفت c180 2013 بانوراما معروضه ب٤٨٠ الف في نفس الوقت ان ال٢٠١٥ ب كنت في الوطنيه نازله ب ٤٧٠ و في المستعمل بيغلي اليومين دول!!!!!!!!!!

2015 تسليم بعد سنة :d

**Batman372** · 15-06-2014 03:55 AM

المشاركة الأصلية كتبت بواسطة chaos00

الاسعار فعلا غريبه تريبا اكتر من سعرها شفت c180 2013 بانوراما معروضه ب٤٨٠ الف في نفس الوقت ان ال٢٠١٥ ب كنت في الوطنيه نازله ب ٤٧٠ و في المستعمل بيغلي اليومين دول!!!!!!!!!!

دى ناس مع احترامى بتستهبل !!!
لسه مقابل امس واحد بيحجز السى الجديده ... و بايع ١٨٠ مو ٢٠١٣ عامله ٩ الاف كم كسر زيرو و حاطط جنوط ١٨ ال amg الاصل و باعها ب ٣٢٠ الف ... هو كان شاريها اصلا ب ٣٤٠ و قول الجنط كلفه ١٨ الف ...
السى ١٨٠ القديمه حتى لو loaded full و تجهيز amg عمرها ما تنافس او تقارن سعريا بالسى الجديده الافنجارد الى ب ٤٢٠ الف ... مفروض تكون اقله ب ٥٠/٦٠ الف اقل ... لان السى الجديده دى قصه و موضوع تانى :)
و بخصوص موضوعك الاصلى مو ٢٠١٠ بالحاله المذكوره رنجها ٢٧٠ / ٢٦٠ ... و الموتور ٨٠٪ فى مرسيدس و بى ام دى غريبه ... غالبا الجهاز الكشف مش مظبوط ... لان لو سليم حتى لو ٧٠ الف كم مفترض انه يكون فوق ٩٥٪ ....
تحياتى ...

**ashmawe** · 15-06-2014 04:43 AM

عدى فكره العربيه دي غاليه مفيش الكلام ده دي رنجها 260 او 270 اخرها

**ahmzd** · 15-06-2014 11:03 PM

عندي تعليقين الصراحة:
أول تعليق : إن العربية دي كده فعلا متهانة .. ال 70 ألف دي في المرسيدس ولا حاجة .. دي كإنها بتليِّن !! مش مساعدين واكسدامين وريش ورشاشات وجلب .. فيه إيه يا عم ؟
التعليق التاني : مشورة حضرتك لينا جات متأخرة لأنك دفعت عربون خلاص .. والله أعلم.
وعموما ربنا ييسر لك الخير بإذن الله تعالى.