-
مشكلة بدهان السيارة
السلام عليكم و رحمة الله و بركاته
عندى سيارة بومه 2007 الورنيش بتاع الدهان فى السقف بدأ يقشر من الشمس و يعمل بقعه بيضاء و كانت عندى سيارة قبل كدا حصل فيها نفس المشكله ، استأذنكم حد عنده حل للمشكلة دى ؟ او وسيلة للحفاظ على دهان العربيه الفبريكه و الموضوع دا ميحصلش فيه؟
متشكر جدا و جزاكم الله خير
-
الحل ان حضرتك متركنش العربية فى الشمس حتى لو حضرتك هتركنها بعيد شوية عن المكان اللى حضرتك فيه ونصيحة مهما حصل متخليش حد يرش السقف عشان هتنزل من سعرها
-
حاول تغطى السقف او تركنها فى مكان مفيهوش شمس
-
انا عربيتي فيها نفس المشكلة بقع فاتحة في اجزاء من صاج العربية هتجيب واكس (شمع التلميع ) من هايبر او كارفور او اي مكان بنفس لون العربية وبتلمع بيه العربية او بتروح اي كار كير او محطة بنزين محترمة بيلمعها بالكمبوند والبولش وبعدين بالواكس بياخد حوالي ١٥٠ جنيه الميزة انه معاه صاروخ بيكون افضل في التلميع انا بلمعها كل كام شهر سعات بنفسي ولو مش فاضي بوديها محطة شل او توتال حاليا ومترحش لبتوع الدوكو هيقعد يفتي ويقولك ارشها على اللحم ومش هتبان والكلام ده
-
فين شل او توتال وهما بيعملو واكش وبولش وكل اللى انتا قلته
-
بص توتال اللى فى شارع الهرم اللى بعد الخزان المحطة اللى على اليمين لو انت رايح الجيزة وتوتال البحر الاعظم الى جنب القرية الفرعونية وفيه كار كير فى الشارع اللى بين فيصل والهرم فى المساحة الشارع اللى فيه مدرسة الجيزة الصناعية يعنى وانت داخل من شارع لافيصل فى الشارع اللى يطلعك على رادوبيس اول ناصية شمال
-
عندى نفس المشكلة و السبب ليس الشمس فقط لأن كل السيارات تركن فى الشمس و لا يحدث للجميع و أنا عرفت السبب و هو غباء العيال إللى بتغسل العربية أحيانا يغسل بصابون و لا يشطف بماء و إنتم عارفين إن الصابون يصنع من الصودا الكاوية (البوتاس) وطبعا مع الشمس بتاكل فى البوية, للأسف لاعلاج لها إلا الرش و أنا متردد.
-
المهم مترشش سقف نهائى وهتبيعها اغلى من لو رشيت !! سوق مصرى بعيد عنك
Content Relevant URLs by
vBSEO 3.6.0 PL2