عرض للطباعة
السلام عليكم ورحمة الله و بركاته
ارجو من السادة الاعضاء المحترمين في هذا المنتدى العظيم ترشيح افضل سيارة من الاتي
1- رينو لوجان P2 2014 كاملة
2- شيفرولية لانوس 2014
3- جيلي E.M Grand 2014
4- BYD F3 2014
وذلك من حيث الاتي
1- توافر وسعر قطع الغيار
2- التعامل مع مراكز صيانة الوكيل
3- اعتمادية العفشة و الماتور
4- اعادة البيع
مع العلم بان السيارة سوف اشتريها قسط على 5 سنوات وارجو من سيادتكم ترشيح الافضل
بص يا باشاز انت كده كده شريها قسط على 5 سنين وده معناه انك مش هتبع غير بعد على الأقل 5 سنين.
1- الوحيده الى ممكن تكون سعر اعاده بيعها كويس بس اللنوس و ده طبعا متجرب و كويس وممكن بعدها اللوجان الباقي كله غير مجرب لسه
2- قطع الغيار متوافره و رخيصه طبعا للانوس . واللوجان متوافر جدا بس طبعا غاليه نوعا عن اللانوس بس بالطبع معمره عنها كتييييير. و البنسبه للأيمي جراند مع بنت عمي و اتخبطت منها بقالها شهر فالتوكيل مستنيه قطع الغيار الى هى عبار عن تنك بنزبن و البايد صييني . وجهه نظري ابعد عنها اليمي جراند صيني بس فاخمه جدا.
3- العفشه انا كان معيا لانوس بتاعت الشغل و بعدها الوجان بتاعت الشغل و ايمي جراند بتاع بنت عمى كلهم حلوين جدا فى السحب لحد 160 وده اخري مبجبش اكتر من كده.
4- عفشه اللوجان حلوه جدا بس التسارع بطئ فالاول بس العربيه اللوجان اقوى وحده فيهيم على الاطلاق من حيث قدره التحمل. معانا 7 عربيات لوجان فالشغل منهم الى معدي 350الف كيلو مغيروش غير الطانبير و المساعدين بسبب الطرق الزقت والتكييف باظ فى معظمهم بعد ال120 ألف الانوس فى الصيانه كل قطع الغيار رخيصه و مضروبه جدا جدا جدا.
5- اللانوس و الوجان من حيث الصيانه و شعل الكنترول و الكمبيوتر موجوده كتير و ممكن تستعين ب جبريل فى قسم اللوجان.
اخيرا انا برشحلك اللوجان الشكل القديم هى تقريبا 77 ألف جنية و الشكل الجيد نازل بكنترول يونت جديده و لسه متجربش كتير انما بالطبع شكلها ااحلى بكتييييييييير اوى من القديمه بس القديمه متوفر فى قطع الغيار لانها باعت كتير جدا.
الله يباركلك شكرا على هذا الراي بس المشكلة في اللوجان ان فيها حاجات مش لذيذة زي الكلاكس في دراع النور و الازاز الخلفي في التابلوة ونور الصالون في الامام فقط وكان اللي ورا ده مش بني ادم من حقه ينور لو فيه حاجة وقعت منه وحاجات كتير من هذا القبيلاقتباس:
المشاركة الأصلية كتبت بواسطة ramadan kader
اين الخبراء
اين انتم
انا سألت النهارده على الشكل القديم تقريبا مش موجود. انت لاقيت منها اصلا فالسوق.
متهيالى اللوجان الشكل القديم مبقاش موجود والله اعلم
الفيرنا مناسبه
شكرا لمرورك الفيرنا ياباشا ماتور قوي جدا لكن العفشة ضايعة جدا وبالتالي الثبات على السرعات ضعيف جدا جدا انا سوقتها بنفسي وجبت بيها 160 كم لاحظت ان بعد ال120 العربية خفيفة جدا واي عربية عادية بتعدي من جنبها تلاقية تروح وتيجي ما بالك بقى لو مقطورة معدية من جنبك لما بشوف مقطورة جايه عليا من ورا بهدي السرعة لـ 100 عشان مانرحش في داهية المقصود من كلامي انها مش كويسة بالنسبة للثباتاقتباس:
المشاركة الأصلية كتبت بواسطة j a g u a r
انا قولتلك فيرنا على اساس الحاجات اللى حضرتك حددتها بخلاف العفشه اللى مش هاتبقى كويسهاقتباس:
المشاركة الأصلية كتبت بواسطة a7mdaly
انما توافر وسعر قطع الغيار والتعامل مع مراكز صيانة الوكيل و الماتور و اعادة البيع تبقى مناسبه جدا
اللوجان بتتقارن بالعربيات دي
Skoda Rapid, Citroen C-elysee, Peugeot 301 & Dacia Logan TopGear Bulgaria - YouTube
حاول تحط عامل الامان رقم واحد قبل اعادة البيع والصيانة وقطع الغيار ألخ
ونصيحة زود المبلغ حاجه بسيطه وهات الفئة التالته لانك هتندم علي الاوبشن اللي فيها اللي اهمهم طبعا الـ ABS
ويليه مثبت السرعه ومحدد السرعه والتكييف الاتوماتيك ونوع الفرش والنواكل
اللوجان واخده 3 نجوم في اوروبا ومنتشرة بأسم داتشيا لوجان أو سيمبول 2014
العربية فعلا اعتمادية بدرجة رهيبه ولولا الاتفاقية اللي بين مصر والمغرب العربية دي كانت عدت ال 140 الف جنيه
شكرا على رد حضرتك ، المشكلة في اللوجان ان فيها حاجات مش لذيذة زي الكلاكس في دراع النور و الازاز الخلفي في التابلوة ونور الصالون في الامام فقط وكان اللي ورا ده مش بني ادم من حقه ينور لو فيه حاجة وقعت منه و لما تيجي تدي اشارة يمين او شمال التابلوه ينور اللمبتين بتوع الاشارة زي 128 كده وحاجات كتير من هذا القبيلاقتباس:
المشاركة الأصلية كتبت بواسطة corsair
ولو حضرتك بتتكلم عن الامان يبقى الجيلي ام جراند ما هي واخدة 4 نجوم في اختبارات السلامة الاوربية.
لو حضرتك مقتنع ان الأيمو جراند اللي نازله أوروبا هيه هيه نفس الايمو جراند اللي عندنا يبقي كدا غبور نجح وعرف يضحك علي الشعب صحاقتباس:
المشاركة الأصلية كتبت بواسطة a7mdaly
أذا كان أدمن الجروب نفسه بتاع الايموجراند باعها وجاب لوجان عايز ايه اكتر من كدا
اماكن الاوبشن اللي في اللوجان كل الناس اللي ركبتها اتعودت عليها في ايام معدودة مش اللي تعيب عربية لكن اللي يعيب عربية ان العربية تنزل عليها شوية مايه تصدي وهيه لسه بشوكها وان قاعدتها تبقي اكنك قاعد مولة سرير والماستر بتاع الفرامل اللي بيضرب وتروح التوكيل يقولك ده بره الضمان ده طبعا غير الخسارة الرهيبه اللي بيخسرها صاحب العربية وهو بيبعها
حتى الان الرينو اللوجان افضلهم
لوجان طبعا
بى واى اتو 2014 طبعااااااااااااااااااا
لوجان او بي واي
بي واي دي
مفيش كلام
شكرا لكل الناس اللي اهتمت بالموضوع وإنشاء الله انا نويت على بي وأي دي مانويل بس مش عارف لسة محتار
توكل على الله وهات الوجان الجديده هى شكلا فوق الرائعه طبعا مقارنتا بالقديمه وهى عربيه هتعجبكز لازم تجرب الأوربي و بعدين تحكم الكوري و الصيني فى رأي مش عربيات و الدليل فين الأكسل ال95 فين اللانوس وان فين البرايد الهاتش باك الى كانت بتنافس الأبيزا و البيونتو ساعت لما نزلت دلوقتى بقت أسواء من 128. و فالمقابل شوف ال 128 الى بقالها 40 سنه شغاااااله شوف ال131 و 132 بالرغم من تقلهم موجودين وبشده شوف ال504 الى لحد الان ماشيه و بيتعمل بيها كل حاجه و ال 405 اإلى الأن تحس انها موديل خمس سنين فاتوا . شوف السكودا الفيليشا ال95 بالرغم من ان الناس عملوها معامله ال 128 بس الى الأن مازات كانها موديل حديث و زي ماهي. فكر مرتيين قبل ما تعمل كده..............
قبل اى حاجة اعمل استخارةاقتباس:
المشاركة الأصلية كتبت بواسطة a7mdaly
البى واى دى المانول الجديدة 1500 سى سى موتور بتكتولوجيا هوندا سيتى مشكلتها انهم شالو كماليات كتير منها بس ده فى مقابل السعر وسعرها حاليا 77000 وممكن تنزل عن كده شوية
شركة الامل بتحاول تحسن من مستواها
اللوجان الجديدة شكلها حلو بس قطع غيار هتلاقيها نار ... ده رايي الشخصى
تقبل تحياتى
طب ايه رايكم في افيو 2014 مانيوال