رأىى المتواضع فى رابيد 2015 هاى لاين بعد 1000كم

**nagy wassef** · 15-06-2014 02:28 PM

الزملاء الاعزاء
بعد 1000كم حبيت اشاركم التجربة قد اساعد شخص بالاقتناع بالعربية او بالعدول عن شرائها
و لكن طبعا ما سأكتبه هو رأيى الشخصى قد يختلف فى وصف السيارة من شخص للتانى
(اولا احب اوضح ان قبل الرابيد كان معايا فيكترا سى بعتها ماشية 36000 ثم فانتازيا بعتها ماشية 11000 كم لاسباب مادية)

ابدأ بالشكل الخارجى: بالنسبالى جميل و شيك و شكل جديد و جرىء
و هى مش اصغر من الفانتازيا كتير هما مجرد 10سم فقط فى الطول علما بأن كبوت الفانتازيا اطول من كبوت الرابيد ب8سم
قاعدة العجلات 260سم مقابل 258سم فى الفانتازيا
يعنى مش عربية صغيرة ولا حاجة
شنطتها 550 لتر مقابل 560 فى الفانتازيا (مش فارقة)
من الداخل: بلاستيك بلاستيك بلاستيك كل حاجة ماعدا الدريكسيون و الفيتيس بلاستيك
ازرار المالتى فانكشن كلها بتتحرك مع بعض (يعنى مش كل زرار مستقل بذاته)يعنى الوحدة كلها بتتحرك معاك لو انت بتدوس على زرار واحد و دا طبعا شىء سيىء جدا علشان انا حاسس انها هتتخلع مع كل ضغطه
الكلكس صوته حلو عشان هاى لاين الفئة الاولى الكلكس عيان (بيزمر لجوا مش لبرا)
الكاسيت صوته زباله و عايز احطه تحت العجل و اكسره ميت حته هو و السماعات
و الصوت واطى جدا حتى لو عليت على الاخر. بالذات فى البلوتوث بتعذب عشان اسمع اللى بيكلمنى
الصالون معقول من جوا مريح و و اسع
الصاج متين
الموتور Copy & paste موتور الرومستر كل حاجة فى الحوض هى هى بالظبط عدا ان الرابيد مافيهاش طلمبة زيت الباور
سينسور الباركينج صوت فقط
الكاوتش دانلوب بيلم ظلط عند فيا :)
جنوط 15 شكلها ظريف و معاها غطيان للمسامير
العفشة طبعا تورشن بيم طبعا الفرق واضح من اول خمس دقائق بينها و بين الفانتازيا او الفيكترا

لحد 120 او 130 تمام بعد كده ببقى خايف ازود بنزين و دا احساس اول مرة احسه فى عربية المانى
بحس بعد كدة انها هطير بيا خصوصا انها عالية عن الارض جدا ( طبعا المقارنة مع الفيكترا و الفانتازيا ظالمة للرابيد) بس ديه عربية من فولكس فاجن و ب170 الف جنيه يعنى المفروض تبقى احسن من كده

الفيتيس زى بتاع الفانتازيا بينقل بدرى قوى بس مش بتحس بالتقل اللى فى الفانتازيا خالص علشان الموتور 105 مش 102 و اخف طبعا فى الوزن كتير

صوت الموتور عالى نسبيا يمكن لما اعمل 10000كم الصوت يهدى
استهلاك البنزين معقول قريب جدا من الفانتازيا (رغم ان العربية لسة جديدة)
الفرامل ممتازة
البوية محترمة اتحكت مرة و دعكتها بأيدى طلعت
التكييف جميل مش زى اليابانى بس كويس

من الاخر لو انت مش بتاع جرى و سرعات هاتها هتتبسط لكن لو ليك فى الجرى و عايز تعدى 180 و 190كم يبقى شوفلك فانتازيا كسر زيرو احسن

اتمنى اكون كتبت اغلب المهم

اى استفسار انا تحت امركم

**SYD** · 15-06-2014 02:35 PM

شكراً لنقل التجربة
بس هي مش وحشة اوي للدرجادي
يمكن عشان حضرتك نازل من فيكترا وفنتازيا فبتقول كدة - دة تصوري الشخصي
لأن طبيعي لما الواحد ينزل من حاجة عالية (واكيد كان حاببها) هيتطلع اللي ممكن محدش ياخد باله منه لو بيركب لأول مرة او كان في حاجة اقل من الرابيد وطلع للرابيد فبالنسباله هي عربية جميلة وفخمة

تحياتي

**iUsef** · 15-06-2014 02:36 PM

تسلم ايدك تقرير مفيد ومختصر، وجايب من الاخر
بس بما انك كنت راكب فانتازيا الصالون اكبر ولا الرابيد؟؟؟

**J A G U A R** · 15-06-2014 02:43 PM

شكرا لنقل التجربه العادله

**EngAhmedSayed** · 15-06-2014 04:15 PM

مشكور عاى التقرير بدون اى تحفظ
وربنا يكفيك شرها وان شاء الله تاخد عليها و تعجبك
و منتظرين مزيد من التقرير
ربك المستعان

**ahmed.Elashy** · 15-06-2014 07:54 PM

المشاركة الأصلية كتبت بواسطة nagy wassef

الف شكر يا رجالة الله يبارك فيكوا
استاذ احمد انامعاك فى كل النقط اللى قلتها بس الصاج كويس مش ضعيف مقارنتا باللى فى السوق
و مبروك مقدما على العربية
مرة تانية انصح اى حد مقبل على شراء سيارة فى الرنج ده يدور على فانتازيا ماشية قليل

لا من ناحيه الصاج فهو احسن من الباقيين بس ضعيف بالنسبه للفانتازيا و الاوكتافيا
بس الفنتازيا بصراحه عربيه فلته

الموضوع: رأىى المتواضع فى رابيد 2015 هاى لاين بعد 1000كم

LinkBack

أدوات الموضوع

عرض

-

-

-

-

المواضيع المتشابهه

مقارنة تفصيلية مبين تويوتا كورولا 2015 و سكودا a7 2015

ريو 2015 هاى لاين هاتشباك خليجى

رابيد 2015 هاتش باك

حد عايز بيجو 301 هاى لاين موديل 2015

بيجو 301 هاى لاين موديل 2015

الكلمات الدلالية لهذا الموضوع

المفضلات

المفضلات

ضوابط المشاركة