تجربتي في تغيير الاطارين الاماميين يوم ١٤/٦/٢٠١٤
بعد التحية
عربيتي كيا برايد هتشباك مو ٩٩
طبعا شاريها مستعملة و كان راكب لها بيريللي ايطالي
مقاس ١٣
١٦٥/٧٠
فوجئت ان الكاوتش اللي ورا انتاج ٢٠٠٣
يعني من ١١ سنة
و قدام ٢٠١٢
قررت التغيير الفوري
رحت ل اولاد بيومي في الدقي
قال لي فيه كومهو كوري ب ٣٠٠ ج
قلت له نتأكد من تاريخ الانتاج و يلا
المهم خلا الصنايعية يفكوا القديم و يركبوه مكان اللي ورا
و اخدوا اللي ورا فكوا الكاوتش من الجنوط استعداداً للجديد
طبعا الكاوتش كان بيتقطع و هو بيتفك
٢٠٠٣ بقى
لما وصل الكومهو الجديد فوجئت انه انتاج الاسبوع ٢٠
من سنة ٢٠١٣
يعني متخزن من سنة و شهرين
قلت له عاوز اي حاجة انتاج ٢٠١٤
قال لي مفيش و ده اللي عندي
قلت له شكراً
رجعلي القديم
و فعلاً رجع القديم بس بقى راكب قدام
مشيت بحذر و حيطة لحد ما وصلت لحد ناصية شارع السودن
محل اسمه فؤاد اسحق
قال لي عندي جينيرال تاير تابعة ل كونتنينتال
اوروبي
ب ٣٤٥ ج
و هتشوف الفرق
بصراحة فوجئت بنعومة الدركسيون معايا
كإني سايق عربية تانية
بقت ناعمة جداً
يارب يطلع كويس و ملهوش مشاكل
اسف على الطالة و شكراً