طب مش ممكن يعملوا upgrade للباركينج و يزودوه كام جيجا ؟؟
عرض للطباعة
طب مش ممكن يعملوا upgrade للباركينج و يزودوه كام جيجا ؟؟
انسى يا عمرو... احنا بنعمل الحاجة و و عمرنا ما بنتخيل كمية البشر اللي ممكن تملاها في يوم من الأيام... بالعكس داحنا بنقول كدا كتير كمان... و ايه كل المساحة اللي أخدناها في الباركينج ديه ...
أنا ساكن في مصر الجديدة... لو اتحركت من بيتنا 6:25 - 6:30 بوصل 7:00 (وسط البلد مش دائري) لو اتأخرت عن كدا يبقا سمعني أغنية ست الحبايب...
فعلا الباركينج الكبير بقى مشكلة ولسه كمان سنة كده لا اتنين
وبعدين هم مش واخدين بالهم ان العدد تضاعف ولازم المكان ده يكبر هم بيستهبلوا ولا ايه
والحي المالي لما يخلص
ده كل البنوك تقريبا هتنل فروعها الادارية هناك
اللي اهم من ده كله الطرق المؤدية للقرية الذكية
احنا بنتكلم في رقم قريب من 10000الى 20000 موظف بعربياتهم
ومافيش من القاهرة والجيزه غير المحور والصحراوي (يا بخت اللي في زايد واكتوبر :) )
والاتنين ألعن من بعض
انا بقيت اكره الشغل بسبب المشوار
لو عديت على ميدان الرماية يبقى يومك ضاع
ولو عديت على المحور يبقى يومك ضاع برضه (ده لو المحور مفتوح النهاردة كانوا قافلين مدخل المحور اللي على الدائري لسبب غير معلوم وتكدس عربيات من قبل المخرج بكيلو ولا اتين)
مافاضلش غير انك تروك اسكندرة وترجع :)
انا بقيت أكره نفسي بسبب التكدس اللي قبل نزلة المحور و ميدان لبنان عالدائري دي مش ممكن ! العربيات تبقي متكدسة في كل الحارات .. حتي حارة أقصي الشمال واقفة عشان الناس اللي نازلة المحور و ميدان لبنان ! طب انا خلاص إستعوضت ربنا في المحور و بروح أكتوبر من طريق الواحات .. عدوني يا ولاد ال .. !!! تلاقي واحد واقف في الحارة الشمال خالص و قدامه الدائري فضاااااااااااااااء ولا حاجة .. بس واقف عشان نازل النزلة من عالواسع أوي أوي
عامة اما تلاقيهم قافلين نزلة المحور هقولك علي لفة كدة تعملها تنزلك عليه (بس هتبقي زحمة زي نزلة المحور طبعا) .. بص إنت تنزل نزلة ميدان لبنان اللي بعد نزلة المحور .. هتلاقي طلعة تحت للدائري الناحية التانية ( إتجاه الوراق و الزراعي) .. تطلعه و تنزل نزلة المحور اللي الناحية التانية بتبقي مفتوحة .
قدرنا الحمد لله ننقل غبائنا في التخطيط و التنظيم للقرية الذكية كمان اللي هي اساسا زي ما الاستاذ قال World wide concept و موجود في اغلب الدول العظمي:D
هو المصري كده لازم يسيب بصمته في كل حاجة
المصري هيفضل مصري
النيل رواني و الخير جواني:D:D
عمار يا مصر