ازاي اقدم كهربة العربية
هي فليشيا 95
يا ريت لو فيه صور مساعدة
انا بتعبكم كل شوية بس اعذروني انا فليشاوي جديد
عرض للطباعة
ازاي اقدم كهربة العربية
هي فليشيا 95
يا ريت لو فيه صور مساعدة
انا بتعبكم كل شوية بس اعذروني انا فليشاوي جديد
ياعم مفيش تعب ولا حاجه احنا كلنا اخوات .. بس انت عايز تقدم الكهربا ليه .. خلى بالك التقديم زياده عن اللزوم غلط على الموتور .. على العموم شوف الرابط ده وادعى لعم صبحى الله يكرمه .
http://www.nilemotors.net/Nile/339710-a.html
تقديم الكهرباء عن طريق لف الاسبراتير عكس عقارب الساعة الأول هوي مسمار عشرة اللي في الاسبراتير وخلي بالك وانت بتهوي من سير الدينمو - دور العربيه ولف الاسبراتير عكس عقارب الساعة للتقديم ومع عقارب الساعة للتاخير لحد ما تلاقي صوت الموتور منتظم وما تزودش كتير وبعدين اربط علي المسمار لو الكهربا واطية حاتحس ان الموتور بيعتل والسحب ضعيف ولو عالية الموتور حيسقف وارجو التوفيق
متشكر جدا يا شباب وربنا يباركلكو
وخلي بالك والعربيه دايره من سير الدينمو لحسن بعد الشر ايدك تيجي عليه
خلى ايدك خفيفة وانت بتظبط الكهربة يعنى تلف بشويش مش لفة جامدة الغاية ماتوصل لصوت موتور منتظم
بالتوفيق
بالتوفيق ان شاء الله
انصحك اول حاجة تعملها تقفل مسمار الهوا على الاخر وبعدين تفكة بمقدار لفتين ونصف وتبتدي تظبط الكهربا وخلي حركة الاسبراتير محكومة يعني متفكش وتخليه سايب ..... ومنتظرين تقرير بعد الانتهاء