السلام عليكم ورحمة الله
اولا كل عام وانتم بخير
انا معايا دايو ماتيز 99 وماشية حوالى 104000 كم ، اشتريتها من حوالى 5 شهور و بعد ما اتعلمت عليها (القصد يعنى ان اخوكم جديد فى السواقة و العربيات عموما) لقيت الماكينة بقت أخف اكتر من ما كنت اشتريها
المهم عملت 1/2 عمرة يعنى الميكانيكى وضب الوش و عمل طقم شنبر و من بعد الموضوع ده و انا بقابل مشكلة كبيرة وهى ان الميه بتنقص و لما جربت أعمل بيها مشوار طويل شويه (حوالى 40 كم) لقيت قربة المياه بتنفخ هوا و عاملة صوت جامد و المشكلة الاكبر ان مؤشر الحرارة كان فى مستواه الطبيعى !!!!
الحمد لله ربنا ستر و ركنت و بطلت العربية لحد ما هدأت و بعدين زودت ميه و رجعت ,,, الحمد لله
المهم أن مفيش أثر ميه على الموتور و لا على الارض (يعنى مفيش تسريب) و كمان زيت الموتور نظيف (يعنى مش عامل طحينة) و كمان رحت لبتاع الردياتير و نظفته و كمان غيرت حساس الحرارة اللى فى الموتور و كمات غيرت غطا قربة الميه و كل ده و لسة المية بتنقص !!!!
ياريت يا جماعة حد يفكر معايا عشان أنا تعبت من الموضوع ده جداااااااااااااااا
جزاكم الله خيرا
المفضلات