أرجو المساعدة فية أصوات بسمعها فى النيو صنى 2014 سوبر صالون

السلام عليكم ورحمة الله وبركاتة
يا شباب أنا عاوز مساعدتكم علشان أنا لسه جديد فى الأوتوماتيك ومش عارف الأصوات دى طبيعيه ولا لأ :
الأصوات دى بسمعها فى الجراج والدنيا هادية وفيه سكون :

الصوت الأول : العربية فى وضع الثبات على ال p لما آجى أدوس فرامل وأسيب الفرامل بسمع صوت تكه خفيفه كما لو كان سوسته بتفتح وتفقل جاية من ناحية عصاية الفتيس ..

الصوت الثانى : وأنا بركن العربيه فى الجراج وآجى أنقل من ال d إلى ال r بسمع صوت زى دبة كدا .
ولكن العكس لما بجيب من ال p لل r أو من ال n لل r مش بسمع حاجه ...


أرجو إن الناس الى معاها العربية تقولى هل الأصوات دى طبيعيه ...

إيه يا شباب ... كل دى مشاهدات ومفيش حد عاوز يطمنى :)

بالنسبه للصوت الاول فدا صوت سوستة لوك فعلا بتتاكد ان الفرامل مضغوطه و بالعربيه كدا بتكون واقفه و بالتالى ممكن تحرك عصايه الفتيس و دا عادى
الصوت التانى دا بردو عادى لان الزيت جوا الفتيس بيتعكس اتجاهه فجأة من ال d لل r اما بالنسبه لل p و n ف دى سرعه الدوران فى زيت الفتيس بتكون بطيئة و بالتالى مش بتسمع صوت الدبه دى و دا طبيعى جدا
و نصيحه للتعامل مع الفتيس دا لما تركن شد فرامل اليد الاول و انت دايس فرامل و هات الفتيس على n مش p و لما تبطل العربيه انقل الفتيس على p و انت دايس فرامل دا هيخلى حمل العربيه على فرامل اليد مش على الفتيس
و اتمنى اكون فدت حضرتك

شكرا ياباشا يعنى كدا الحمد لله أطمن .. نفس الأصوات دى بتحصل عند حضرتك ..؟

كل الاصوات دي طبيعية متقلقش و نفس الدبة دي عندي و في كل النيو صني لاني جربت كزا عربية

كل الأصوات دي طبيعيه وبتحصل معايا