المشاركة الأصلية كتبت بواسطة mwanted
انا كنت شاركت بموضوع غوايش الفتيس دي قبل كدة لاكن التفاعل كان محدود عشان كدة عملتوا في موضوع تاني وضميت لية تغيير ماستر الدبرياج السفلي ... ودة بناء علي ارشادات الاستاذ طارق وبصراحة هو عاوز موضوع لوحدة منفصل لاني موش عارف اشكرة ازاي انسان في قمة الاخلاق والزوق :_alshmokh22[1]:لان اتصلت بية اكثر من مرة تقريبا بصفة يومية في عز الشغل وكانت الاستشارات متنوعة والموضوعين دول من اهمهم وبصراحة من وصفي للمشكلة تم تحديد العيب بالضبط من خلالة
1-اعراض ماستر الدبرياج :
ثقل في بدال الدبرياج (تحجير) البدال وان نزل لتحت ممكن ميطلعش لفوق الا بالخبط علية كانة لازق
ناس قالت دسك لاكن الاستاذ طارق قالي اكيد مليون في المية ماستر سفلي كمان
2-اعراض غوايش الفتيس:
نعرة في الغيار الاول والتاني
بصراحة ربنا كارمني بميكانيكي محترم حل الفتيس وكشف علي الاسطوانة والدسك لاقاهم كويسين لاكن الماستر ضارب زيت انا اشتريت نوع الماني اسمة dat تقريبا بيجي بالجلدة بتاعتة وسعرة 85 جنية والكوري 80 جنية بصراحة انا استقربت لاني الفتيس كان محلول وكان مشوار عليا وسط البلد
والميكانيكي وداني عند صنايعي فتيسات ملوش حل لاكن يحسسك انة دكتور فتيسكو المهم
قولتلو اجيب استيراد واريح دماغي قالي هنفوك ونشوف حالت الفتيس المهم فك الفتيس قالي حالتو كويسة هما غوايش الاول والتاني وكان في واحد عندة جايب فتيس اوبل يصلحة قالة روح ارمية وهات واحد غيرة كلة مصدي وحالتة زفت قالوة دا انا لسة شارية استيراد من شهر:_alshmokh08[1]: قالو الاستيراد بطيخة.
المهم غير الغوايش وطقم اويلسيل وطقم جوانات وكلة تمام والواد اخد باقيت الفتيس في البنزينة رجع بيلمع كانة جديد وجمع الفتيس ووديتة للميكانيكي ركب وشبط وطلعت اجرب لاقيت الغيارات ثقيلة شوية قالي بعد يوم بالضبط هتلاقي كلة تمام
وفعلا زي الفل والحمد لله:verygood:
شكر خاص للاستاذ طارق والف مليون سلامة علية وفداك عنينا كلنا يا استاذ طارق