انا جوعت بالفعل والقول كمانالأخ الكريم،
عايز تاكل أكل مصري يرم العضم وتستمتع؟؟
1- عندك مطعم أبو شقرة في أبوظبي فرعين. فرع في الخالدية، وفرع صغير في شارع المرور. روح للفرع الكبير هناك (بجوار مسجد خليفة الكبير اللي بيرفع منه آذان الصلاة لإمارة أبوظبي) واطلب من أول الحمام المحشي والملوخية المصرية الأصلية اللي ريحتها تجوعك لو شبعان! فراخ وبط وعيش يتاكل حاف لوحده.. أي أكلة مصرية بتحلم بيها موجودة عندهم!
2- عندك كمان مطعم جاد يا سلاااااااام.. نار على علم في الخالدية ( ده رقمهم 026674544) والنادي السياحي (ده رقمهم 026450500).. أصل أنا كنت زبون دائم عندهم قبل الزواج.... بس روح بتاكسي لأن الباركنج هناك صعب جداً والغرامات رهيبة (500 درهم لو ركنت هناك دقيقة واحدة في أماكن اشتراكات السكان)
مطعم جاد عامل عرض غداء حتى الإشباع.. أكل من كل صنف ولون يومين في الأسبوع السبت وتقريبا الثلاثاء مقابل سعر موحد
3- عندك كمان مطعم القرية الفرعونية في أبوظبي خلف حمدان سنتر وبرجر كنج
بالنسبة للمطاعم اللبنانية والسورية والخليجية ففي كل ركن موجودة بص أنصحك روح الأول مطعم مصري وشم ريحة مصر، قصدي الملوخية مع طشة التوم اللي لسة معملوة! والعيش السخن اللي لسة طالع من الفرن!
جوعت ولا لسة؟
تمام كدة هرم العضمتين اللي فاضلين
المفضلات