تأخير في دوارة سيراتو 2013

**m_darwesh** · 17-08-2014 03:05 AM

أولا انا متأسف اوي على التأخير في الرد

أنا اكتشفت انو المشكلة فعلا في جزئية الايموبلايزر مش في البوجيهات ولا في فلتر البنزين

طبعا اشكر البشمهندس moha4tec انو لفت نظري للموضوع ده

الحكاية بدأت لما لاحظت انو لما العربية ما بتشغلش بتكون لمبة الايموبلايزر (اللي هيا رسمة عربية وجواها مفتاح) مش منورة ... (العربية بتعمل check على المفتاح وتتأكد انو أصلي ... في حالة انو أصلي ... اللمبة بتنور ... غير كده ... اللمبة تفضل مطفية والعربية لايمكن تدور)

جربت اقفل وافتح الكونتاكت من غير ما أدور كذا مرة لغاية لما اللمبة تنور
أول ما اللمبة بتنور واجي اشغل العربية بتشتغل تمام

العربية كانت بتعلق معايا كتير في التشغيل
بس جيت في مرة ةفكيت البطارية بتاعت الريموت وحطيتها تاني
ومن ساعتها العربية بطلت تعمل كدا معايا
الكلام دا كان من شهرين تقريبا
وافتكرت ساعتها انو المشكلة كانت انو الريموت مهنج او حاجة زي كدا

الغريب انو المشكلة رجعت تاني بقالها يومين تلاتة كده
جربت افك بطارية الريموت واحطها تاني ... بس المرة دي المشكلة ما اتحليتش
لمبة الايموبلايزر بتنور من المرة التالتة او الرابعة

علما بأنه العربية ممكن تدور حتى لو انا شايل البطارية من الربموت ... (واضح انو الشفرة مالهاش علاقة بالبطارية )
لأني جربت في مرة شيلت البطارية ودورت العربية فالمبة الايموبلايزر نورت والعربية اشتغلت

انا خايف تكون حاجة في جزئية الايموبلايزر في العربية نفسها ...
ملاحظة: العربية خليجي مش وكيل موديل 2013

أفيدوني
شكرا

**waleedelpiloot** · 17-08-2014 09:23 AM

انا عندى نفس الحاجات دى برضوا 2010 توكيل مفتاح عادى مفهاش ايموبلايزر
اجى ادور بعد كام يوم ركنه تدور عادى وممكن ابقى فى مشوار والعربيه دايره 5 ساعات وابطل انزل اجيب خاحه اجى ادور ما تدورش على طول الا لو فضلت معلق المفتاح وسامع صوت المارش
هوه فى اييييه ؟؟؟؟؟؟؟

**waleedelpiloot** · 17-08-2014 10:00 AM

انا عندى نفس الحاجات دى برضوا 2010 توكيل مفتاح عادى مفهاش ايموبلايزر
اجى ادور بعد كام يوم ركنه تدور عادى وممكن ابقى فى مشوار والعربيه دايره 5 ساعات وابطل انزل اجيب خاحه اجى ادور ما تدورش على طول الا لو فضلت معلق المفتاح وسامع صوت المارش
هوه فى اييييه ؟؟؟؟؟؟؟