تأخير في دوارة سيراتو 2013

**m_darwesh** · 16-06-2014 05:08 AM

السلام عليكم ورحمة الله وبركاته

محتاج مساعدتكم في مشكلة عندي
معايا سيراتو 2013 (الشكل اللي من 2009 الى 2013)
عامل تقريبا 20 الف كم

احيانا لما بشغل العربية ما بتدورش من اول مرة فاضطر اقفل الكونتاكنت وارجع ادور تاني فتدور
(بسمع صوت المارش وكله تمام بس العربية ما بتدورش)

الموضوع دا كان بيحصل مرة كل فترة طويلة وبعدين بدأ يزداد وبقى تقريبا يوم بعد يوم

الغريب في الموضوع انو ممكن اركن العربية يومين كاملين واجي ادور الصبح تدور عادي
ومكن في يوم تاني اروح اعمل مشوار واركن العربية ساعتين ولما اجي ادور تتأخر في الدوارة

ملحوظة تاني بردو : كانت في بداية المشكلة العربية بتدور من تاني مرة بس دلوقتي لما بتحصل المشكلة دي العرية بتدور من تالت او رابع مرة ... مع ملاحظة انو انا مابدوسش على دواسة البنزين وانا بدور العربية لانه المفروض الطرمبة بتضخ بنزين اول ما اجي ادور لوحدها

وفي حاجة غربية حصلت معايا مرتين بس
مرة كنت واقف بالعربية ومشغلها فلقيتها طفت لوحدها بدون ما آجي جنبها... قفلت الكونتكت وفتحت تاني فاشتغلت عادي خالص

ومرة كنت ماشي ومهدي خالص (تقريبا ماشي على 10 كم بس) علشان كان الشارع فاضي وكنت بتكلم في الموبيل ولما خلصت مكالمة وجيت ازود السرعة دوست على دواسة البنزين ... بس المفاجأة انو ولا كاني عملت حاجة ... مالقيتش سحب خالص ... لدرجة انتي اتخضيت لأن التابلوه كان كل الانوار اللي فيه عادية وكأن العربية شغالة وكله تمام
قفلت العربية بسرعة ودورت تاني ... اشتغلت وبقت تمام ومتكررتش تاني الحكاية دي.

ارجو المساعدة ضروري ....
شكرا

**baherhassan30** · 16-06-2014 07:55 AM

غير بوجيهات يا كينج وحط منظف الرشاشات في التانك وبالمرة غير فلتر المكيف وفلتر الهواء
وانت هتلاقي العربية رجعت زي الاول
دي اللي بيعملوه في السعودية في صيانة الـ 20.000 كيلو

**Moratoz** · 16-06-2014 11:03 AM

شوف فلتر البنزين والهواء والبوجيهات مع وضع منظف رشاشات

**moha4tec** · 16-06-2014 11:53 AM

اطلع على التوكيل يكشفلك اعطال بالكمبيوتر و يفحصها .و ربنا يكرم و تبقى بسيطه .و متلعبش فى حاجه مع نفسك عشان متبوظش شىء
الاعراض اللى انت بتقولها دى غريبه شكلها فى حاجه فى الكهربا او الايمويلايزر .
انت عربيتك بصمه و الا مفتاح عادى؟؟؟؟؟
عشان تفرق

**spidars** · 17-06-2014 01:20 AM

غير البوجيهات لازم وبتفرق في السحب واستهلاك البنزين

**m_darwesh** · 17-06-2014 01:34 AM

المشاركة الأصلية كتبت بواسطة moha4tec

اطلع على التوكيل يكشفلك اعطال بالكمبيوتر و يفحصها .و ربنا يكرم و تبقى بسيطه .و متلعبش فى حاجه مع نفسك عشان متبوظش شىء
الاعراض اللى انت بتقولها دى غريبه شكلها فى حاجه فى الكهربا او الايمويلايزر .
انت عربيتك بصمه و الا مفتاح عادى؟؟؟؟؟
عشان تفرق

للاسف العربية ضمان خليحي مش ضمان وكيل

بس ايه علاقة الايموبلايزر بالموضوع ... هيا العربية بصمة فعلا وفيها ايموبلايزر ... قلقتني :(

طب هوا في مركز كويس ممكن اكشف عنده على العربية ؟

**baherhassan30** · 17-06-2014 07:36 AM

ان سألت في توكيل الوعلان في السعودية .. قالولي ان البوجيهات بنغيرها كل 20 ألف كيلو
فيه ناس بتقول 40 ألف .. بس انا شايف ان كده كتير ..
تغييرها هيظبط العربية كسحب واستهلاك بنزين

واحسن نوع ليكي مولي ده الماني .. وده اللي بيستعمله التوكيل في السعودية
دي صورته