كوزولا 2004 ب 138 الف جنيه!

**M!SHO** · 16-06-2014 04:09 PM

الغريبة بقى
إن حتى العربيات اللي عمر ماكان ليها سوق وبتتباع بنص التمن ، اصحابها متعرفش اتجرأو ولا ايه

بقى بيطلب فيها أرقام غريبة

**تامر.محمد** · 16-06-2014 04:19 PM

السوق بيتحكم فيه التجار , و عربيات غريبة بتلاقي اللي يشتريها بأسعار خزعبلية

**Ahmed Saad** · 16-06-2014 04:29 PM

دي اسمها التويوتا ال byd عربيه كتيانه وخفيفة جدا على الطريق وموضوع انها اعطالها قليله ده صحيح لانها تكنولوجيا قديمه علشان كده اعطالها قليله وبرضه هرجع وأقول شوفوا السيفيك 2007 والكرولا 2007 فرق السما والارض والاثنين ياباني بس الهوندا طول عمرها سابقه التويوتا بسنين ضوئية ومع ذلك الكورولا 2007 أغلى من سيفيك 2007 واللي يحرق الدم اكتر أن الكرولا الجنوب افريقي المعيوبه بيبعوها ب اكتر من 100000 وفي ناس شوفتها طالبه 125000ج ويقوللك متعدله في التوكيل يعني اركب عربيه ب 125000 ج مغيره فتيس وقطع غيارها ناار ويقولك أصل الجديد على طب لما تبقى ال 2007 فيها اوبشنز الجديد أو حتى ربعها تبقى تعلى بس هنقول ايه ده الزمن اللي التويوتا فيه أغلى من البي أم

**amrelsaqqa** · 16-06-2014 06:13 PM

المشاركة الأصلية كتبت بواسطة minicooper20

٩٠ الف جنيه فى عربيه موديل ٢٠٠٢ و ١٣٠٠ سىس
و ماله مش عيب

اوعى تفهمنى صح ، انا بقول بسعر السوق دلوقتى مش انى مقتنع بكدة :d

**S O P H O S** · 20-06-2014 03:39 AM

السوق كله بقي اسعار كده
مش الكورولا بس

**houba85** · 21-06-2014 12:11 PM

المشاركة الأصلية كتبت بواسطة amrelsaqqa

لا ياباشا عربيتك زي ما بتقول تتكلم في 90 مستريح بظروف السوق دلوقتى
60 ده من انهى اتجاه

احنا شاريين 2001 من سنتين بـ 80 ، تخيل قبل ما الاسعار تغلى اصلا

اللي اتقال لي وقتها ان العربية قدمت دي من 14 سنة ومحدش حيشتريها منك ( دة كلام سمسار عربيات طلع كان بيشتغلني وشكله عاوز يوقعها مني وياخدها لحسابه )

اجي انا اسمع ان الكورولا بتتباع بسعر خزعبلي ازعل على عربيتي القديمة ال 84 اللي كانت خليجي برضه وعداد 90 الف كيلو وفابريكا جوة وراشة نظافة برة ( احنا اسرة بتعامل عربياتها على انها حتة الماظ لازم تتشال جوة الدولاب وكل يومين نطلعها نلمعها ) واتباعت ب 19 الف ليييييه عشان قدييمة .. والراجل الي اخدها مننا انا ووالدي ماشي بيها قدامنا اقسم بالله العربية قزحت قزح ماشوفتهوش .. بقى هو سابق عربيتي ال 2002 وعربية والدي التريوس ال 2008 بقينا مش عارفين نحصله في اللحظة دي طبعا والدي حس انه باعها برخص التراب بس في الاخر السوق حكم ان العربية دي تحفة بس مش حتكسر العشرين لما تتباع

برضه محدش فاهم حاجة !!!

**mcomics** · 21-06-2014 05:04 PM

فعلا محدش فاهم حاجة والأسعار دي كلها في الغالب بتتحدد على مزاج السماسرة والميكانيكية.
حد يديني سبب واحد يخلي عربيات كوري بقالها اكتر من ٨ سنين ولسة بتتباع بتمن اغلي من اوروبي و ياباني و احدث منها كمان !!!!!