عرض للطباعة
السلام عليكم
انا بقالي قتره طويله بفكر في موضوع الحديد اللي في الشوارع و ان ده حاجه غلط , طيب بالنسبه للجراجات الخاصه ايه اللي ممكن يمنع الناس اللي بترمي عربياتها قدام الجراج و تمشي و يجي صاحب الجراج يخرج بعربيته ميعرفش يطلع و يتعطل ...
هل في عقوبه لموقف زي ده ؟
انا عملت حديدة قدام الجراج بتاعي البلدية شالتها و الكلام ده من 3 سنين
انا مشوفتش عقوبه للحته دى بس المفروض صاحب الجراج اللى يشوف حل
الحل الوحيد لصاحب الجراج ان يعمل حديده قدامه بس الحي بيشيله للأسف
وعليكم السلام ورحمة الله وبركاته
على حسب الشارع لو شارع رئيسى يبقى ممكن تدفع غرامه لو شارع جانبى يبقى احتمال كبير مفيش حاجه تحصل
فكرتني بواحد صاحبي عصبي جدا , كان كل لما عربية تقفل على الجراج وهو عاوز يطلع , ياخد واحده من الطاسات , ولو ملقاش طاسات بيكسرله المرايه .
ههههههههههههههه, بص بصراحه وقفة عربيه تقفلك الجراج تضايق جدا ...بلاش الجراج تخيل انت نفسك راكن عربيتك و تلاقي حد راكن جنبك صف تاني و قافل انك تخرج بعربيتك ده نفس الاحساس لما حد يقفل الجراج :)
كان زمان يكتب على الجراج ممنوع الوقوف جراج خاص وكانت الناس عنها ذوق ومحدش يوقف لكن الان زى ما حضرتك قولت (تكسرة المرياة او تاخد الطاسة او تنيملة العجلة علشان يتعطل زى ما حظرتك اتعطلت
طب يا جماعة بالنسبة للناس إلي بيحط سلاسل و بيمنعو الناس انها تركن في الشارع؟ دي مش بلطجة بردو؟ و نتصرف مع الوضع ده ازاي؟ معلش دي حاجة بفور دمي شخصياً و أكيد ناس كتير بردو.... شكراً للتجاوب. أحمد سامي
كان ليه اجراء ايام زمان
لو جراج ومكتوب عليه بخط واضح وواحد بارد جه ركن قدامة المفروض صاحب الجراش بيتصل بالنجدة ويبلغهم يبعتو ونش يسحب عربية الزبون علطول ويبقى يدور عليها فى المرور
للاسف الكلام ده معدش بيحصل ولا ونش بيجي ولا حد بيعبر الا لو كان صاحب الجراج حد مهم
وطبعا الحكمة بتقول : "من امن العقوبه أساء الادب"
للأسف الناس زمان كان عندها ذوق و احترام اكتر من دلوقتى
كان الواحد بيتكسف يركن قدام جراج دلوقتى يبقى مكتوب جراج خاص و يركن عادى و يقفل مدخل الجراج و يعشق العربيه و يسيب العربيه و يمشى و مش مهم اى حاجه و اوقات كتير بيكون مش من الشارع خالص
فالبيت القديم كان عندنا جراج و كل يوم نلاقى عربيات قافله المدخل و نفضل ندور على صحاب العربيات ولا حد بيوصلهم و ممكن صاحب العربيه يجرى الساعه 11 ولا 12 ياخد العربيه و كتير بيطلع مش من الشارع خالص و اكتر من مره كنا بناخد تاكسى علشان نروح الشغل طيب ذنبنا ايه كل واحد يدفع 100 او 150 جنيه للتاكسى؟
و وصل قله الذوق من بعض الناس اننا كلمناهم 3 ايام و مفيش فايده و تلاقى اللى راكن مش هاين عليه حتى يحضن العربيه لا دا بيطلع نص العربيه فالشارع طيب قفلت الجراج سيب الناس تمشى بس فعلا الأخلاق و الأحترام مش بيتجزأ
و حتى لما عملنا الحديد كان فيه ناس بتركن غلاسه و كان فيه ناس فالعماره اللى قدامنا بيتخانقوا هم كمان مع اللى بيركن قدامنا لانهم مش بيعرفوا يطلعوا عربياتهم من الجارجات
للأسف الحل الوحيد اللى بينفع هو قله الأدب او احداث تلفيات فالعربيه يمكن صاحبها يحس بس احنا كنا بنستحرم نعمل كده
انت تعمل يافطة أن جراج خاص واللي هيقف قدام الجراج
هكتب على عربيته باسبراي وشكرا
+1اقتباس:
المشاركة الأصلية كتبت بواسطة egyptiandiver
طب وبالنسبه للى كاتب على الجراج وجاب الاقماع الى مكتوب عليها ممنوع الوقوف
وبيلاقى عربيات راكنه برده ويقوللك الجراج جوه البيت وده شارع الحكومه تعمل فيه ايه
انا كل محط حديده البلديه تشلهم مرتين عملوها معايا اخر مزهقت شيلت الحديد
مفيش غير انك تحط يفطه
نتكلم صح
الذوق و الأدب و الدين يقولوا : إماطة الأذى عن الطريق
يعنى مينفعش نحط حديد و لا نعمل مطبات عشوائية و لا شوية طوب و لا كاوتش قديم نحجز بيه مكان
حتى يافطة جراج خاص, لازم لها مواصفات محددة, و فى ترخيص من المجالس المحليه لأماكم محدده يمكن أن تكون (جراج خاص) زى تحت بعض الكبارى و غيرها دون أى أذى لمحل أو منزل أو غيره
أصحاب المنزل أحق بالشارع أمام بيتهم يركنوا فيه, و دى إسمها منافع, صاحب المنزل أو الساكن بيدفع قيمة أعلى فى الشراء و الإيجار لمنزل ليه منافع (مطل على شارع واسع) غير إلبيت إللى مالوش المنفعه دى. و بالتالى دى حقة كمنفعه (مش إحتكار ليه لواحده, يستعملها و يسمح لغيره بالعبور فيها و استخدامها مؤقتاً) - بمعنى لو حد عاوز يركن قدام بيتى طول النهار, براحته, و أركن أنا فى أى مكان, بس بالليل لازم عربيتى تبات أمام بيتى, و لو جراج يبقى الجراج أمامه فاضى طول اليوم (ليل و نهار) لإن ده يعامل معاملة المحلات (فيه حركه يعنى)
رغم إن الواحد بيستحرم يإذى حد , بس فيه ناس فعلاً لازم تتأذى, يعنى لما يكون الشارع كله فاضى ممكن يركن فى أى مكان, و تلاقى واحد راكن قافل جراج علشان الشمس, و مش همه لو حد خارج من الجراج بحالة طارئة يستنى سعادته, يبقى ساعتها تشتمه بزيت باكم على الكبوت و السقف على طول و حلال فيه.
و زى مقولنا : الموضوع أدب و إحترام و دين فى الأول و الآخر
مفيش دول يبقى العقوبه هى الحل (العقار تحت الإنشاء و الإدارة غير مسئولة عن إى تلفيات تحدث للسيارات أسفله) و شكراً
المشكله ان في ناس الادب مش ينفع معاهم , يعني لما واحد يركن اول مره قدام الجراج و تقوله ان ده جراج و بعدين تلاقيه مره تانيه ركنلك قدام الجراج و يقولك اصل مش لاقي مكان ساعتها يبقى لا ذوق و لا أدب و لا اخلاق ينفع معاه بصراحه
++++
متابع
عشان تمشي قانوني انت لازم تدفع رشوه
دورلك علي حد مرتشي يشيلك العربيات اللي بتركن قدام الجراج
شوفوا يا جماعة الموضوع معقد شوية و هانقول ليه
انا هاوضح لكم مثال : انا مقيم في السعودية
هنا ممنوع تقف امام بيت اي حد ، مش شرط اما جراج ، حتى لو على جنب الرصيف امام البيت ، و لو ركنت اما بيت حد ممكن جدا يبلغ الشرطة و تيجي تشيل عربيتك بالونش و تحرر ليك مخالفة ، او بكل بساطة تلاقي الاربع عجلات على الارض ، و ده حقه حتى لو كنت بتزور حد من سكان العمارة . طالما مش من سكان البيت ماتركنش امام البيت الا لو اصحاب البيت عارفينك و انت مش واقف مكان حد من سكان البيت
طيب الناس بتركن فين ؟؟؟
كل مكان عام سواء مستشفى او سوبرماركت او حديقة او سوق او مول او حتى مسجد ، لازم يكون فيه مكان لوقوف السيارات
المشكلة في مصر ان عدد شقق العمارات اصبح كبير مقارنة بمساحة العمارة و طبعا محيط العمارة مش بيكفي عدد سيارات اللي ساكنين فيها و هي ديه المشكلة ، بس بصراحة هي مش مشكلة و احنا اللي بنستهبل !!!
ازاي يعني ؟؟؟؟؟؟
لازم كل عمارة كبيرة يكون فيها جراج و ممكن جدا يتعمل في البدروم بتاع العمارة و يتقسم ثمنه على عدد الشقق و بالتالي هاتتحل المشكلة نهائيا
لا اعتقد في عقوبة
احنا بندفع تمن 30 سنة افساد
فى المحليات والمبانى والادوار المخالفة والمبانى اللى بتخرج فى الشارع والشوارع الضيقة وعدم وجود جراجات بالابراج وفساد الشرطة وانعدام الاخلاق
منه لله اللى فى بالى