الموضوع: ادخل وشوف الاداء الراااائع للجين 2

المشاركة الأصلية كتبت بواسطة amir

حبيبي مزجانجي باشا
فينك يا راجل غطسان فين؟؟
واحشنا كلنا و واحشانا مشاركاتك و دماغك العاليه
مفتقدينك يا باشا

شبيك لبيك الحساب عليك و الاكل على :D

ماهو لا جديد تحت الشمس ... و انت عارفني بحب الحاجة طازة بطازة

عموماً هي وجبت ان احنا نعمل لقاء جماعي .... أظبط نفسي اليومين اللى جيين
ابيع فيهم عزبي و أطيانى :ack2: و أشتري تذكرة السفر و تلاقونى فى البندر :D

هوكان فيه حتت خالية من المارة والسيارات وحتت في الاوتو كروس دي مافيهاش مشاكل الخطأ في الاماكن المزدحمة بالسيارات والمارة اكبر خطأ

فيديو متخلف بكل ما تعنية الكلمة ....

زى ما بقية الأعضاء أشاروا, فى الشوارع العامة

مش عارف اية ال drifting فى الموضوع....العربية دفع أمامى و معظم الشوارع اللى ماشى فيها مستقيمة.

شكلة معجب ببتوع الخليح: http://www.youtube.com/watch?v=m8L9KTSAEDQ

صح هو مودى جين2 مسمى نفسة كدة
1- فعلا الكليب خطير واى حد بتعجبة العربية مش هايعجبة الجرى فى وسط الناس كدة وانا كلمتة على الحتة دة من فترة ...هو عاوز يظهر امكانيات العربية
2- مودى جين2 مدعوم من عز العرب فى صيانة العربية وايضا من مجموعة جين2 على الفيس بوك لدخول سباقات اوتوكروس
3- لية كليب قديم اول واحد عملة بعد منزلت الجين2 تقريبا 6شهور وعجبنى من كل النواحى لانة كان فى شارع مفيهوش حد وتقريبا كان عاملة فى الفجر وفرحت جداا بية لانة هايبن العربية الى محدش عارفها كويس بس الواد ربنا يحمية هو اخلاق قوى بقى مجنون العربية وبيعمل الحاجات دة على طول
4- هو فعلا ماشا الله محترف لدرجة ان منافسينة فى الاتوكروس حطو لة زيت على الكاوتش عشان يتزحلق لانة جديد وداخل مع قدام عمالقة فى الاوتوكروس واكتسحهم كذا مرة فظبطوة ...
5- لية كليب على الفيس بوك بتاع الاوتوكروس بس مش فى الشارع خالص شوفو امكانيات الراجل دة والعربية فى طرق مش مستقيمة ...بس يعنى ....ممكن لو عندة امكانيات السعوديين اتنبىء لة بالعالمية مش بالعب والدرفتات... ودة الى بيحصل تقريبا يوميا فى اى حتة فى بلدنا الحبيب
كمان الى عاجبنى فية انة مهتم بالعربية بدون تعديلات رياضية او جوهرية بزيادة
ربنا يوفقة ويحمية ويحمينا جميعا :k49:

المشاركة الأصلية كتبت بواسطة khpopo

2- مودى جين2 مدعوم من عز العرب فى صيانة العربية وايضا من مجموعة جين2 على الفيس بوك لدخول سباقات اوتوكروس

4- هو فعلا ماشا الله محترف لدرجة ان منافسينة فى الاتوكروس حطو لة زيت على الكاوتش عشان يتزحلق لانة جديد وداخل مع قدام عمالقة فى الاوتوكروس واكتسحهم كذا مرة فظبطوة ...

تعليقيت صغننين دداً دداً :

1- مودي جين اترفع من صيانة عز العرب و ضمان السيارة .... نتيجة ادائة بالعربية ، هاتقولى ازاى و منين عز العرب بيدعمة فى اتوكروس ..... ها أقولك عادي عز العرب ، مفيش تفكير بيطرد واحد من الصيانة يعنيى بيقول للناس كلها انها غير مسئول عنه و من ناحية تانية بيرعاه فى الاتوكروس ( ما هي القصة فى الاخر انة مش دافع حاجة لمودي ، بالعكس أتصور معاه و حط لة كام بدج عز العرب ...... و شكراً ) .
2 - قصة الزيت و المنافسين ؟؟؟؟؟؟؟ أول مرة اسمع عنها ، و كمان زيت ع الكوتش .