بس الحقيقة أنا عايز فردة واحدة بس اللي هي الإستبن وعشان كده عايزها تكون زي باقي الفرد،،،وكمان الكاوتش كله لسه جديد ،،عشان كده بدور على نفس النوع
عرض للطباعة
بس الحقيقة أنا عايز فردة واحدة بس اللي هي الإستبن وعشان كده عايزها تكون زي باقي الفرد،،،وكمان الكاوتش كله لسه جديد ،،عشان كده بدور على نفس النوع
بص انا هسال لك واحد صاحبي النهاردة عن الكاوتش ده بس غالبا مش هتلاقي ياباني
انا ان شاء الله هرد لك خبر النهاردة او بكرة بالكتير
ياباشا وبعدين انت عربيتك لسه عاملة 500 كيلو ؟؟؟ ده انا مستلم بعدك وعامل 2100 كيلو
عموما ربنا يعوض عليك ويجازي اللي عمل لك الكاوتش
KEMoOo باشا ،،ربنا يبارك فيك شكرا لاهتمامك ،،،الحقيقة أنا كنت مسافر عشان كده العربية عاملة 500 كيلو ،،ومبروك عليك عربيتك ربنا يحفظهالك ويباركلك فيها ،،،وأحييك على اللون :)
يا جماعة الراجل مش عايز يشتري اربع فرد
عايز يشتري فردة واحدة بدلا من اللي اتقطعت
فعشان كده بيسأل علي نفس النوع و النقشة
عشان ميحصلشي اختلال بالعربية مينفعشي يشتري بريدجستون
غالبا هتلف عليها يا أ / ابو عبد الرحمن في محلات الكاوتش
و لو مالقيتهاش بالضبط نزل الاستبن مع اخواته و اشتري اي نوع خليها استبن
و ربنا يعوض عليك و يجعله في ميزان حسناتك
جبت المفيد يا أحمد باشا ،،ربنا يبارك فيك أنا فعلا نزلت الاستبن وماشي بيها وكده الأربع فرد زي بعض بس طبعا عايز أجيب الخامسة اللي هي هاتبقى الإستبن زيهم ،،وماخبيش عليك كنت فاكر الموضوع أسهل من كده بكتيير يعني كنت فاكر هاسأل والناس هاتدلني على كذا مكان بس الحمد لله على كل حال،،عموما هادور وربنا يسهل
اولا يا ابوعبد الرحمن ربنا يعوض عليك و طبعا لازم تحتسب عند الله
ثانيا اللى اعرفه ان انتاج الدانلوب الياباني كله بيروح للمصانع الياباني (هوندا و تويوتا و سوزوكي)
فطبعا احسن حل ليك زي مانت عامل شغل الاستبن و هات بريدجستون مثلا خليه استبن
وماتضايقش نفسك الحمد لله انها جت على قد كده
جزاك الله خير يا أستاذ إسلام،،، وكلامك مظبوط فعلا ،،، حتى التوكيل ماعندوش الكاوتشات دي !!!! ولا توكيل دانلوب ولا أي حد بتاع كاوتش !!!!! ولا حول ولا قوة إلا بالله !!!!! وشكلي فعلا هاجيب بريدجستون أحطها استبن بحيث إن شاء الله لما أغير العجل تبقى نفس النقشة والنوع ،، جزاكم الله خيرا جميعا ....
بالظبط كدة هات بريدجستون خليها استبن وانت الحمد لله لسه يا دوب ماشي 500 فا مش فرق كبير في النقشات وعمقها
ولما تجيب بريدجستون هات من مراكز بيردجيستون نفسها زي اللي في بنزينة كالتكس عباس العقاد
لانهم افضل كتير حتى لو اغلى حاجة بسيطة
بص يا استاذنا انا بعد لما سالت كتير واخيرا صاحبي دلني على محل في المعادي وعنده كاوتشات ياباني وقاللي هتلاقي عنده الدانلوب وممكن يجيبلك اللي انت عاوزه
المحل اسمه " أولاد شاهين " في ميدان مش فاكر اسمه كده في المعادي تقريبا اسمه " الفونتانا " او حاجة شبه مده وان شاء الله انا هنزل يوم السبت ادور لحضرتك برضه
اسف على التاخير فى الرد اخى ابو عبد الرحمن
الناس وفو اللى كنت عايز اقوله بصراحه بس اللى ممكن ازوده
1) انا حصل معايا نفس الموقف ده برضه
2) لفيت مصر كلها انا واخونا فى المنتدى عمرو فراج الله يجازيه خير
3) مالقيتش الدانلوب اليابانى الا عند واحد اسمه علامكو عند كةبرى الجامعه كانت ب 580 الفرده واللى خلانى ماشتريهاش انه مش عايز يبيع فرده واحده مابيبيعهومش الا فردتين او اربعه
4) انا جبت البريدجستون وخليتها هى الاستبن
اتمنى اكون افدتك وجزى الله الاخوه خير عننا جميعا