ههههه بتحسد العربيه
عرض للطباعة
مفيش جديد فى موضوع ؟؟ الناس الى راحت التوكيل اه الاخبار هي على العموم رجة بسيطة وليست نتشة زى الشكل القديم او a5 هيا رجة خفيفة اثناء الزحمة والسرعات المنخفضة والى كان بيركب مانول عيحس بيها اكتر الرجة دى بتبان لما تكون العربية وقفة فى زحمة بس مش فى وضع السكون انما لو وقفت بالعربية خالص مش عتحس بحاجة وهيا ملهاش علاقة بالفتيس خاااالص ممكن بنزين او سوفت وير ونا اعتقد سوفت عشان اكيد الى عمل الكمبيوتر بتاع العربية مكنش عامل حسابة ان العربية بتدوس على الفرامل اكتر من البنزبن هوا بسراحة موضوع يخنق بس الناس متستبعدش موضوع البنزين عشان بيكون اوقات ظاهر جدا واوقات مفيش حاجة وعلى فكرة كل العربيات الفلوانس الفيس لفت كدا بس الناس الى كانت راكبة مانول هيا الى عتحس بيها اكتر اكنك بتقف ونتا على التانى بس قبل العربية متبطل بتوس دبرياش الى وصل لحاجة يا ريت يبلغنا
حضرتك أنا بقالى 24 سنة بسوق و ده رسمى
أتعلمت مانيوال و سوقت أول عربياتى مانيوال و معايا لغاية دلوقتى عربية المشواير مانيوال (كليو 2001)
و طبعاً سوقت أنوماتيك كتير من مركات مختلفة ده غير عربيات أجرتها لفترات طويلة وعربيات الشركة لإستخدام العمل
أنا بأكد لحضرتك أنى معنديش هفوة و لا رجة فى الفلوانس فيس ليفت لا فى زحمة و لا فى غير زحمة
العربية بقالها معايا من فبراير 2014 و عامل بيها 12 ألف كم حتى الأن...أنا من أسكندرية بزحمتها مع سفر شبه أسبوعى للقاهرة...يعنى تقريباً مريت بكل قرف السواقة فى مصر....مونت من بنزينات كتير بحكم السفر و كله بنزين 92
العربية و لله الحمد زى الساعة لا فيها نتشة و لا رجه
ده مش دفاع و لكن حضرتك جملت و قولت كل الفلوانس فيس لفت كده فأنا حابب أوضح الصورة
لو عربية حضرتك فيها رجة فى الزحمة يبقى لازم تروح بيها التوكيل
مش عارف هل فيه حد تانى من أعضاء القسم عنده شكوى من الرجه فى الزحمة و أنا اللى عربيتى مفهاش
برجاء الإفادة من الأعضاء
تحياتى
اللى انت بتقوله ده مينفعش
وانا بصراحه مشوفتش حد بيشتكى من الفلوانس الا فى الموضوع ده تحديدآ !
لو حد عنده الرجرجه دى يروح يحط العربيه على الجهاز فى التوكيل ويتعملها ريست وخاصة البوابه
ويكشف على القواعد بتاعة الماتور والفتيس والشداد كل ده بيعمل الرجرجه دى لو فيهم حاجه مش سليمه 100 %
انا معنديش نتشة وانا ماشي لا على السرعات القليلة او السرعات العالية
موضوع الرجرجة ده مش محسوس نهائي . هيه فعلا مش زي الاتوماتيك العادي . الفتيس السي في تي تحس فعلا على السرعات القليلة ان العربية واخدة غيار اعلى من المفروض فبتحس ان العربية فيها رجرجة بسبطة جدا وغير ملحوظة كمان نهائي.
انا المشكلة عندي وانا واقف على p او ال n الار بي ام بيعلى لوحده من 750 لي 1100 ( خصوصا لما تكون راجع من مشوار ) انا لاحظت الموضوع ده في عربيات فلوانس كتير.. بس المشكلة عند 1100ار بي ام بلاحظ صوت ونة خفيفة مزعجة خصوصا بالليل في السكوون.
روحت التوكيل كذا مرة واشتغلوا فيها كذا مرة ومفيش فايدة
فيه عربيات لما مروحة تبريد الموتور تشتغل ال ر بى ام بيعلى و لما تقف بينزل تانى .
كان فيه واحد فى قسم التيوتا كاتب برضه عنده على الملحوظه دى و اعتقد انها عادى مش شئ له تأثير او دلاله على حاجه . ﻻنهم اكيد لما رحت للتوكيل دخلوا العربيه على الكومبيوتر و كشفوا على نظام الكهربا فيها
انا صاحب المشكله واللي كنت كاتب الموضوع لحل المشكله. بعد عناء مع التوكيل و البحث في جميع المنتديات لحل المشكله. توصلت الي بيع السياره.فا علشان كده مرضتش ازعل الناس و اقول ان مفيش حل للمشكله. بس ده واقع.