حاول تشوف سلوك البوجيهات
عرض للطباعة
حاول تشوف سلوك البوجيهات
ما زلت ببحث عن سبب المشاكل
ذهبت للكهربائي اكثر من مرة (تامر رشاد) بالحرفيين
و كل ما اروحله ادفع ٥٠ جنيه بمجرد توصل اللاب توب .... و جرب موبينة تانية ... نفس المشكلة برده ..... جرب يغير الكتاوت الرئيسي رقم ٤٥٨ ... نفس المشكلة برده
و ذهبت كذا مرة ايضا للمهندس خالد اسماعيل .... الراجل مشكور جدا جدا علي طول باله .... لدرجة انه بيكشف باللاب بتاعه كذا مرة و مارديش ياخد مني جنيه واحد ... و جرب العربية كذا مرة و راجع علي حاجات كتير كان شاكك فيها .... كله تمام و برده مارديش ياخد جنيه
لدرجة انه قاللي اتصل ببتاع التكييف عايز اكلمه و اكد له ان الميكانيكا و الكهرباء مفهومش اي مشاكل نهائي
انا رايح لبتاع التكييف كمان ساعة ... سأوفيكم بالنتائج اول بأول إن شاء الله
متابع
ربنا معاك
ها أيه ألاخبار ياباشا ؟؟
أخر تطورات الأوضاع معايا في السيارة الأوكتافيا
ذهبت إلي شركة ساندن في المعادي
و العربية كانت كل شوية بتبطل لدرجة إنها كانت بتبطل و أنا علي سرعة عالية 80 مثلا أو 70
وللأسف كانت بتطل علي غيار الــ(d) و طبعا دة غلط إن تخلي العربية تجري علي هذا الغيار و العربية مبطلة
فكنت بضطر أنقل علي الـــ(n) لغاية ما احاول تدويرها ثم أنقل علي الـــ(d) مرة أخري
و بمجرد وصولي لشركة ساندن العربية بطلت و مش عايزة تدور خالص (يا دوب تسمع صوت المارش فقط) لكن تدوير لاء مفيش
المهم
الأخوة الأفاضل الصنايعية منهم لله و حسبنا الله و نعم الوكيل فيهم كل واحد عمال يرمي الحمل علي الكهربائي و الميكانيكي و يقول إنها مش مشكلتهم
المهم
تم توصيل اللاب توب علي السيارة و هنا ظهر بعض الأخطاء علي البرنامج (بسبب البرجلة و أخطاء ظهرت في التيس و أخطاء أخري)
تم مسحها بالكامل
و هنا بقي جيه أحد الصنايعية و قام بتوصيل جهاز قياس شحن الفريون و قام بفتح محبس الشحن و تفريغ القليل من الفريون من السيارة
و تم التدوير بنجاح و بدون أي مشاكل و التكييف إشتغل حلو جدا و درجة البرودة كانت قليلة شوية يعني التكييف مش ثلاجة بمعني الكلمة يعني ... مجرد هوا ساقع خارج و خلاص بس مش بالقوة المطلوبة
العربية ما بطلتش و لا برجلت زي الأول ... طبعا إستغربت من الموقف ... العربية هادية و كويسة
بالعقل كدة دة عيب إيه بقي
حسبنا الله و نعم الوكيل فيهم علي البهدلة دي كلها
و معاملتهم بعد البيع سيئة للغاية و ردودهم مش مقنعة خالص .. يقولك أصل عيب ميكانيكي و عيب كهربائي
و محدش منهم عايز يطلع نفسه غلطان
و بقوا مش طايقين وجودي بصراحة و لا طايقين العربية
المهم مشيت من عندهم و بقالي أهو أربع ايام العربية مضبوطة كويس و الحمد لله مفيش اي مشاكل
الخلاصة :
شركة ساندن (((حرامية و إستغلاليين))) حرام أدفع في كمبروسر صيني و سربنتينة الله أعلم نوعها و لا بلدها 3800 جنيه
و فلتر التكييف موجود في المحلات ب 90 جنيه ... للأسف إشتريته منهم ب 150 جنيه و يقوللي أصل أبو 90 دة بتاع أوكتافيا a4
دفعت 700 جنيه في خرطوم كان ناقص عندي و لحام خرطوم ألومنيوم كان مقطوع
شركة ساندن مش محترمين في خدمة ما بعد البيع و معاملتهم سيئة للغاية و أسلوب كلامهم إتغير عن الأول
الرجاء من الناس تسأل عن كذا واحد و ماتروحش للناس الغالية و تسأل علي الأنواع و الماركات
و دي مشكلتي إللي أنا وقعت فيها إني ما سألتش و لا لفيت
شركة ساندن عايزة عربيات من الأخر مايكونش فيها أي مشاكل حتي لو بسيطة
عايزين يركبوا و يشتغلوا علي طول و خلاص (((دول صنايعية ليسوا متخصصين)))) أخرهم يشحنوا و خلاص فريون و ياخدوا منك فلوس بأي وسيلة
____ التكييف شغال أه ... بيجيب هوا ساقع أه ..... لكن درجة البرودة قليلة جدا بالمقارنة بعربيات تانية .... ----------
حسبنا الله و نعم الوكيل في كل واحد بيستغل أي زبون مش فاهم
ربنا يعوض عليك
الحمدلله أن العربيه أتظبطت وخصوصاً أنها أوتوماتيك ربنا سترها عالفتيس والله
بص بقى حضرتك المشكله اللى عندك دلوقتى هى ضبط السوائل زيت وفريون
على مهلك كده دور على حد يكون محترم وروح له وظبط الدنيا
وربنا يباركلك فيها
ربنا يباركلك و يخليك ... مشكور عالرد
العربية الحمد لله مضبوطة تمام 100%
المشكلة فقط في درجة سقوعية التكييف في النهار مش جيدة
و أنا مش عارف أعمل إيه ... خايف اروح لحد يشتغلني
و في نفس الوقت كرهت الشركة دي (ساندن) و مش عايز أروحلها تاني
و مش عارف بقي هل لو روحت لحد غريب يكشف هل الضمان إللي انا واخده من ساندن هيتلغي و لا إيه
السؤال الأخير إيه موضوع الزيت مع الفريون دة
ناس بتقول بلاش زيت مع فريون
و في ناس بتقول عادي
و الله أعلم بصحة المعلومة
:00020191: :00020191:
محمد سعيد اخصائى تكيف درجة اولة ممتاز فعلا كما قال الزميل العضو ها يقول لك على العيب فور ان شاء الله هو بجوار شركة جابكو للبترول قى ش فلسطين بالمعادى