من اسبوعين كده رحت جينز كار عن الحج احمد مشعل
راجل محترم ولا غبار عليه
اتكلمنا على العربيه والفرش المطلوب والسعر كان فى حدود 1600 جنيه لفرش الكراسي ووراني خامات وصور وحجزت ف يوم 27 نظرا لضغط الشغل اللى عليه

المهم اتفقنا انه لازم يشوف العربيه قبلها لانها مكنتش معايا فى وقتها

وبالفعل رحت امبارح واتكلمنا برضه وكنت عايز اكسي قماش الباب جلد لان القماش تهالك شويه

عشان مطولش عليكما...انا صدمت من الاسعار

الفرش بتاع العربيه اخترناه بس للاسف....قالى ان الموضوع هيدخل فى 2600 (يعنى فرق كبير عن فكره السعر اللى كنت واخدها فى اول مقابله)
والمفروض ان السعر فرق كده عشان الخامات اللى انا مختارها غاليه....ما علينا....قلت طيب يمكن حاجه نظيفه ...وهو قالى مع الخصم بتاع نايل موتورز هيبقى 2000 جنيه + تنجيد 250 جنيه

نيجي بقى لفرش الابواب....
الابواب افاجيء انه حاسب ميزانيتها 1000 جنيه !!!!!!! بعد الخصم

دى اللى صدمتنى الصراحه....
يعنى انا هعمل فرش باب ب 1000 جنيه لييييييييييييييييييييييه ولما سالت ليه قالى عشان المصنعيه !!!!!!!!!!!
وفرش كراسي ب 2250 جنيه
وارضيه جلد 450

بصراحه استكترت المبالغ دى

مشيت وطلعت على سبير كار التجمع الخامس....ناس محترمه ما شاء الله...ولقيت نفس الخامات الموجوده بالظبط عند جينز كار....واتفقت على الاسعار والالوان نفس اللى كنت متفق عليه عند جينز كار وحجزت وكله بقى تمام

والاسعار كالاتى:

فرش الابواب....300 جنيه بدل من 1000 جنيه
فرش تفصيل نفس الخامات دبل خياطه (الدبل خياطه فى جينز كار له سعر لوحده) 1650 جنيه
الارضيه 300 جنيه.... بدل من 450

وخلص الكلام....انا حبيت انقل التجربه للافاده