احذر من طريق القاهرة اسكندرية الصحراوى

يا جماعة انا يوم السبت قولت اخد الاولاد كدة ونطلع يومين اسكندرية قبل رمضان وفوجئت من الطريق لدرجة انى كرهت اليوم انى فكرت اروح فيه اسكندرية الطريق عليه اصلاحات وغير أدامى بالمرة اول ما توصل للكارتة تلاقى زحمة جدا وعربيات النقل يفضلوا يرموا عليك عشان يخشوا قبلك وبعدين تمشى شوية الطريق مكسر بطريقة تضايق ومش عاملين الاصلاحات مثلا فى جزء وسايبين جزء لا فى الطريق كله وعاملين حارة كدة ولو عربية نقل كبيرة مشيت فيه تفضل ذلااك ورها بقى الله اعلم لحد امتى وبعد كدة مدخل العجمى عاملين الملف عبارة كدة عن كوم تراب وعليه زحمة بطريقة تخرجك عن شعورك وعربيات كتير اتعلقت فى الملف يعنى ولا العجل اللى قدام ولا اللى ورا طايل الارض انا شوفت كدة مبقتش عارف اعمل ايه روحت منزل جماعتى كلهم من العربية وبردو حكت من تحت انا قولت يا جماعة احذركم من الطريق والله المستعان

ياباشا الف شكر ليك والله انت راجل محترم انا كنت هسافر اسكندريه بالعربيه يوم الجمعه الجايه والحمد لله انك حذرت كده بقى اريح نفسي واسافر قطار احسن وأسرع واامن وشكرا ليك مره تانيه

كل شىء فيه عشوائيه حتى اصلاح الطرق ................. وشكرا للتحزير ..........

أولا شكرا لتحذيرك الناس ربنا يجعله في ميزان حسناتك
ثانيا أنا في واحد صديق ليا لسه من يومين عامل حادثة بعد قرية الأسد بسبب الطريق الزفت ده و العربيات اللي ماشية عكس في الحتة دي
و ربنا يحفظ الجميع

ده كده الطريق بقى لوز مقارنتا بيه من شهرين ده كان كله عباره عن دقشوم من غير اسفلت و بتمشي عل الأول حوالي 7 كيلو .. و المصيبه ان المقاولين مش عارفين يعملوا زي الجيش على الصحراوي (يسفلت طريق صغير و بعدين يحول عليه) لأ البهوات مكسرين الطريق كله و حاجه زفت لدرجه قولت لمهندس تعالوا القاهره نعلمكم ازاى تخطط لأصلاح طريق مش عيب انك تتعلم راح بصلي بقرف ولف وشه و كمان الطريق فى الخروج متاااااااااه بيطلع كوبري اسمه التعمير و يرجعك على العجمي و تخرج منطريق العجمي بعد أول يو تيرين علشانترجع اتجاه البوبات تقابل المصيبه الى ادام البوبات ده تفكير ناس عنداهش ريحه التخطيط و منغير يافطه واحده توحد ربنا تقولك انت هتمشي ازاى كل المكتوب يوفط صفرا مكتوب اتجاه القاهره يسلك محور التعمير . طيب فين محور التعمير مفيش طيب بعد ما تطلع المحور مش هتلاقى اي يافطه تولك انزل منيين و لا حتى حد تسأله .

لبست الحتة اللى بعد الكارتة واتخنقت لغاية ماعديت منها
حاجة تقرف والغريبة يقولك الانتهاء من تطوير الطريق فى 30-6

شكرا يا باشا علي نقل التجربه العصيبه :)
انا مسافر الجمعه الجايه باذن الله
لو ماكنتش حجزت ناكنتش سافرت .. الحمد لله

اقتباس:

---

المشاركة الأصلية كتبت بواسطة المنسي

لبست الحتة اللى بعد الكارتة واتخنقت لغاية ماعديت منها
حاجة تقرف والغريبة يقولك الانتهاء من تطوير الطريق فى 30-6

---

يوم 30-6 نهايه تطوير الطريق وبدايه تطوير الكفته

:hello::hello::hello::hello::hello::hello::hello:

اقتباس:

---

المشاركة الأصلية كتبت بواسطة m.abdou

يوم 30-6 نهايه تطوير الطريق وبدايه تطوير الكفته

---

ههههههههههههههههههه
الظاهر 30/6 هيبقي فيه مناسبات كثيره

شكرا ياباشا على التحذير

طب بالنسبه للي هيمشي من طريق العلمين يا ترى فيه مشاكل برضه ؟

مفيش فايدة والله !!

اقتباس:

---

المشاركة الأصلية كتبت بواسطة hany63

طب بالنسبه للي هيمشي من طريق العلمين يا ترى فيه مشاكل برضه ؟

---

نفش السؤال
من القاهرة لطديق العلمين
اخبار الطريق اية

طيل حد عندو الطريق البديل للوصول للساحل الشمالى ؟

اقتباس:

---

المشاركة الأصلية كتبت بواسطة japrulez

طيل حد عندو الطريق البديل للوصول للساحل الشمالى ؟

---

مفيش طرق بديله للساحل . لازم تأخد اسكندريه الصحراوى لحد طريق العلمين

وخلوا بالكو يا جماعه للناس اللى مسافره مرسى مطروح او الساحل ان اليوتيرن اللى كان معمول عشان تلف منه وتدخل طريق العلميين اتلغى

ودلوقتى هتدخل طريق العلميين عن طريق كوبرى على اقصى اليمين هينزلك على طريق العلمين على طول بدل اليوتيرن .. وتوصلوا بالسلامه

اقتباس:

---

المشاركة الأصلية كتبت بواسطة elpasha1

نفش السؤال
من القاهرة لطديق العلمين
اخبار الطريق اية

---

من القاهرة لطريق العلمين فيه تحويلات كتير لكن الطريق كويس و مفهوش تكسير

المشكلة كلها من كارتة الأسكندرية لغاية الأسكندرية رايح راجع

تحياتى

في يفط توضح ولا الطريق عمياني

اقتباس:

---

المشاركة الأصلية كتبت بواسطة ahmedfathi

مفيش طرق بديله للساحل . لازم تأخد اسكندريه الصحراوى لحد طريق العلمين

وخلوا بالكو يا جماعه للناس اللى مسافره مرسى مطروح او الساحل ان اليوتيرن اللى كان معمول عشان تلف منه وتدخل طريق العلميين اتلغى

ودلوقتى هتدخل طريق العلميين عن طريق كوبرى على اقصى اليمين هينزلك على طريق العلمين على طول بدل اليوتيرن .. وتوصلوا بالسلامه

---

في يفط توضح الطريق ولا الطريق عمياني

اقتباس:

---

المشاركة الأصلية كتبت بواسطة elpasha1

نفش السؤال
من القاهرة لطديق العلمين
اخبار الطريق اية

---

من القاهرة لحد طريق العلمين الطريق زى الفل

اقتباس:

---

المشاركة الأصلية كتبت بواسطة ahmedfathi

مفيش طرق بديله للساحل . لازم تأخد اسكندريه الصحراوى لحد طريق العلمين

وخلوا بالكو يا جماعه للناس اللى مسافره مرسى مطروح او الساحل ان اليوتيرن اللى كان معمول عشان تلف منه وتدخل طريق العلميين اتلغى

ودلوقتى هتدخل طريق العلميين عن طريق كوبرى على اقصى اليمين هينزلك على طريق العلمين على طول بدل اليوتيرن .. وتوصلوا بالسلامه

---

فعلا اكتشفت الكوبرى ده وانا رايح بس انا كنت مكمل ومش واخد طريق العلمين وملقتش اى ملف خالص بعد كده

اقتباس:

---

المشاركة الأصلية كتبت بواسطة elpasha1

في يفط توضح ولا الطريق عمياني

---

لا يا باشا فى يفط والدنيا زى الفل

ياريت حد يقوللنا طريق العلمين اخباره ايه انا عمرى مارحت الساحل واخدت الطريق ده وكان كذا حد بيحذر من التثبيت عليه الفترة اللى فاتت ياترى اخباره ايه وهل فيه اعمدة انارة ولا زى ماسمعت انه طريق جيش

اقتباس:

---

المشاركة الأصلية كتبت بواسطة المنسي

ياريت حد يقوللنا طريق العلمين اخباره ايه انا عمرى مارحت الساحل واخدت الطريق ده وكان كذا حد بيحذر من التثبيت عليه الفترة اللى فاتت ياترى اخباره ايه وهل فيه اعمدة انارة ولا زى ماسمعت انه طريق جيش

---

كل الطرق فيها تثبيت........بس سافر فى النور اهم حاجه

تخيل إني بقى بسافر على الطريق ده كل 4 أيام رايح جاي بعربيتي !

أما أنا فالحمد لله مشيت عليه منذ شهر تقريبا، وكان معي الأولاد، والحمد لله ما من مطب إلا وحك في السيارة من أسفل، وبينما كنت في طريق الرجوع صوت الشكمان ارتفع، استحملت حتى وصلت للبيت، ثم ذهبت للكشف على السيارة، وكانت النتيجة إن الشكمان اتخرم، وقمت بتغييره، والحمد لله على كل حال.

ربنا يستر طريق الناس عليه