Would you buy another car from this manufacturer? Maybe
ربما, لو الموديلات الجديدة تناسب ذوقى
*Model Year2008
*First year of ownership
2008
*Engine and transmission
1.5 AT
*Performance marks
8/10 العربية ادائها جميل جدا, سواء كتسارع, ثبات, مناورة. اكتر حاجة بتضايقنى ان اقصى عزم لها على عدد لفات عالى نوعا ما, فبيحتاج انك دايما تبقى قريب منه علشان تاخد افضل اداء, بالاضافة الى نظام الاتوماتيك بتاعها مختلف شوية, و محتاج تعود
Reliability marks
8/10 العربية طبعا لسه هتكمل 20 الف كم, متقدرش تحكم بشكل كافى على اعتماديتها, لكن حتى الان مفيش شكوى غير موضوع الصوت اللى منتظرين حله ان شاء الله فى شهر ديسمير, و اتمنى فعلا ميكونش له تأثير على حاجة فى العربية؟
Comfort marks
7/10 كمساحة داخلية و راحة فى الجلوس العربية فعلا اكتر من ممتازة, لكن مع عفشتها الناشفة, و الدبة اللى بتحصل مع المطبات و كده مش مريحة مقارنة بأخواتها اليابانيين. يعنى تحس انها وسط, و لا هى ناعمة زى العربيات اليابانى معظمها, و لا هى واخدة النشوفية بتاعة الاوروبى (نشوفية الاوروبى و خاصة الالمانى مميزة شوية, و مش متعبة بالدرجة و لكن بتاخد ثبات منهم غير عادى). و ده سببه برضه صغر حجم قاعدة العجلات و التعليق المتصل بتاع العربية.
Dealer Service marks
7/10 التوكيل: معاملة اكتر من ممتازة, اهتمام بالعميل, متابعة اول بأول لرأيه فى الصيانات و خلافه, على قد ما يقدروا بيحاولوا يرضوا العميل.
لكن العجز اللى حاصل بسبب مركز الصيانة الصغير جدا, و تأخر مركز ابورواش بيعوق الموضوع ده.و ترتب عليه صعوبة فى حجز المواعيد و عدم توافر قطع الغيار بصورة كافية بأستمرار, ضيف على ده اداء متوسط من جانب الشركة اللى ماسكه ال call center.
حاليا فى تحسن واضح, و ننتظر تحسن افضل ان شاء الله مع افتتاح مركز ابورواش
Running Costs (higher is cheaper)
8/10
مقارنة بمثيلاتها اليابانيين فهى ارخص واحدة فى قطع الغيار, و مقارنة بمثيلاتها فى نفس الفئة السعرية, هى تعتبر وسط و لا غالية و لا رخيصة. لكن العمالة هى اللى غالية نوعا ما: على سبيل المثال صيانة ال 20 الف فى الميجان 200 جنيه مع العلم ان ال صيانة ال 25 الف كم مجانية كعمالة, اما فى السريون فصيانة ال 20 الف ب 260 جنيه و طبعا صيانة ال 25 الف كم مش مجانية.
---------------------------------------------------
المجمل العربية Best value for money لوحد بيبحث على حاجة سمعتها كويسة, معمرة, تقفيل محترم, بالاضافة لتوفر عوامل الامان اللى اصبحت لا غنى عنها, يعنى اقرب حاجة لها الياريس و الفرق تقريبا 15 الف جنيه