السلام عليكم
انا عندى عربية 131 والبطارية بتاعتها سايلة . المشكلة انى لما اجى ادور العربية الصبح بدرى الساعة 6 صباحا مثلا مش بتدور خالص انما اجى ادورها الظهر او اى وقت تانى بتدور عادى جدا حتى لو مشش بتتحرك بقالها 4 او 5 ايام !!!!! اية دة بقى
السلام عليكم
انا عندى عربية 131 والبطارية بتاعتها سايلة . المشكلة انى لما اجى ادور العربية الصبح بدرى الساعة 6 صباحا مثلا مش بتدور خالص انما اجى ادورها الظهر او اى وقت تانى بتدور عادى جدا حتى لو مشش بتتحرك بقالها 4 او 5 ايام !!!!! اية دة بقى
اية ياجماعة مفيش ردود لية هو انا كدة محتاج اغير البطارية ولا اية؟؟
كان عندي نفس المشكلة غيرت البطارية بجافة المشكلة اتحلت
المشكلة مش في إن البطارية سايلة أو جافة.. المشكلة إن البطارية ضعيفة
هو البطارية بقالها قد إيه ونوعها إيه؟؟
...
نسر وانا شاريها من اللى اشتريت منة العربية وكان بيقولى جديدة لسة . بس اذاى البطارية ضعيفة وهى بتدور من اول مرة لو بشغلها فى الظهر او العصر انما المشكلة دية بتظهر فى الصبح بدرى اوى او باليل اوى !!!!!!
مش عارف
افحص الدينامو "" الاول "" لو كويس "تبقى البطارية ضعيفة "" زود مية مقطرة للبطارية وشوف "" لو لسة ضعيفة ""غيرها""
مشكلتك ليها تفسيرات كتيرة ... مبدئيا كده لما انت بتدور مفتاح العربية المارش بيسحب كهربا من البطارية عشان يدور المحرك ( عزم البدأ start ) لما بتكون الصبح بدرى او بالليل بيكون زيت المحرك مجمد وتقيل عشان كده المارش بيسحب كمية اكبر من الكهربا من البطارية انما الضهر بيكون الزيت سايل وساخن والمارش مش بيحتاج كهربا كتير من البطارية عشان يتغلب على لزوجة الزيت ... الاحتمال الاكبر ان شحن الدينامو ضعيف وده بيكون اما عيب فى الدينامو نفسه ( تاخد العربية وتروح لكهربائي يكشف على الدينامو ) او بيكون سير الدينامو مش مشدود اوى فالدينامو مبياخدش حركة كافيه عشان يطلع الكهربا الكافيه ... يعنى ممكن عيب فى سير الدينامو ... وفيه احتمال ضعيف ان تكون البطاريه نفسها بايظة وبتودع ... فى الحالة دى غيرها وهات بطارية جافة ... انصحك بالبطاريات الكورى عن تجربة ... ومستنى ردك ... ( م / كريم )