الموضوع: بخصوص مكمل غذائى لبناء العضل،ومكان بيعه بالاسكندرية

المشاركة الأصلية كتبت بواسطة abdulkhaleq

أنا مش ضد المكملات خالص على فكره
المشكله ان الناس بتعتقد انها سحر
ياخد منها كتير بدل الوجبات الاساسيه
يبقى كأنه معملش حاجه!
المكيال مايتشربش مره واحده لأنه كتير مش فاكر 16oz ولا حاجه كده
هو لو عمل اللي بتقول عليه ده واخد 3 مكاييل في اليوم
الشيكاره هتخلص في 9 ايام
يعني 800 جنيه بروكومبلكس جينر كل 8 ايام! لأ طبعا
ومش معقول هيجيب شيكاره كل 3 شهور مثلا كده هيفضل يزيد ويخس
ومعدل زيادة الوزن عمره ماكان 7000-8000 سعر, دي بتتحسب من كتلة الجسم والوزن.... الخ
انت متخيل 7000 سعر دول أكل قد ايه ؟؟ :)
وعموما انا مش بحب اشجع على مكملات زيادة الوزن دايما لأنها اردأ انواع البروتين والفكره ان مضاف اليها كاربوهيدرات
وبصراحه الكاربوهيدرات مايتدفعش فيها فلوس لأنها رخيصه جدااااا من الأكل الطبيعي
يعني زيادة الوزن على الميزان مش معناها زيادة عضليه اطلاقا

اكيد مش سحر واكيد الاكل الاساس ...لكن لما يكون بتاكل علي اد ما تقدر ( او اكلك الطبيعي ) ومش قادر تزود لسبب او ظروف ما ....يبقي الحل البروتين كعامل مساعد قوي جدا

المكيال كبير ...انا بقلك بالجرام لان المكيال حوالي 400 جرام لاني مش في البيت حاليا ...انا بقول لو عاوز يزود وزن مرة واحدة كبير ياخد 150 جرام 3 مرات يوميا ...

طبعا بعد كدا لما يزيد مثلا 5 او 6 كيلو ...بيبدأ يظبط مثلا مرتين او مرة في اليوم


ملاحظة .....الراجل متكلمش عن الميزانية وبالتالي انا بديلو افضل حاجة

لو هو عايز ميزانية اقل ...اكيد في بدائل اقل بس البروكمبلكس لانه في حاجات كتير جدا غير البروتين ...


Amount Per Serving
Calories 650
Calories From Fat 70
% Daily Value*
Total Fat 8g 12%
Saturated Fat 3.5g 18%
Trans Fat 0g
Cholesterol 60mg 20%
Sodium 360mg 15%
Total Carbohydrate 85g 28%
Dietary Fiber 4g 16%
Sugars 5g
Protein 60g
Vitamin A 20%
Vitamin C 35%
Calcium 50%
Iron 25%
Vitamin E 35%
Thiamin 15%
Riboflavin 35%
Niacin 20%
Vitamin B6 20%
Folic Acid 20%
Vitamin B12 20%
Biotin 20%
Pantothenic Acid 20%
Phosphorus 35%
Iodine 45%
Magnesium 30%
Zinc 20%
Selenium 10%
Copper 20%
Manganese 35%
Chromium 30%
Molybdenum 25%
Chloride 4%


تخيل كل دا في الاسكوب ال175 جرام !!!! ....في تقريبا كل الفتامينات والدهون والبروتين اللي مستحيل تقريبا حد يكتسبهم من اكله العادي



اما بخصوص موضوع ان 1 كيلو زيادة = 7000 الي 8000 سعر حراري ..اعتقد ( والله اعلم ) ان ملهاش علاقة بكتلة الجسم ...لان السعرات دي المقصود بيها فائض السعرات ....يعني بعد احتياجاتكم من السعرات وبالتالي مش هيكون ليها علاقة بالوزن لانها تحسب بعد معدل السعرات الطبيعي لديك

يالهووووووووووى
يعنى اروح انتحر يعنى ولا ايه ؟؟؟
وبعدين ياجماعه 800 جنيه كتيييييييييييييييير
انا مش داخل مسابقه
انا يادوب عاوز اظبط جسمى بمعنى ان التيشيرتات والقمصان تبقى مظبوطه عليا مش لازم كل لما اشترى حاجه ازهق من كتر ما هى عاوزه تتظبط علشان طبيعه جسمى
بس كده
اه انا ممكن اشترى مكمل غذائى لو ليه منفعه بس برضه مش بالاسعار ديه
وبرضه لو ممكن تدلونى على الاكل اللى ممكن اكله ويبقى فيه نفس كميه الفايده اللى فى المكملات ماشى

المشاركة الأصلية كتبت بواسطة abdulkhaleq

طيب واحده واحده كده
انا هرد عالموضوع ده تحديدا لأخر مره بس عشان الراجل مايتوهش
هو اصلا لسه مابدأش
1- طبعا مكملات البروتين ضروريه وانا اشرت لكده خصوصا بعد التمرين
2- موضوع الأيض السريع والبطئ ده اخر الابحاث بتقول انه هجص, في واحد بيحرق اللي بياكله وواحد لأ
3-الزيادة (على الميزان) من مكملات الجينر عمرها مابتكون عضل صافي, وعشان كده انا اصلا مش بحبذها وبعتبرها فلوس في الهوا, وطبعا مش محتاج اقوللك ان بيزنس شركات المكملات الغذائيه بيخلليها تعمل المستحيل عشان تصفي جيبك, فشوف ان بتدفع فلوس في ايه :)
4- كل الكلام المكتوب عن المحتويات ده جميل, بس ده كلله ييجي من الأكل, تعالي كده نشوف المكمل ده تحديدا فيه ايه كبروتينات بغض النظر عن اضافات الكاربوهيدرات والكلام التاني

(whey protein isolate, whey protein concentrate, calcium caseinate, egg albumen, hydrolyzed whey peptides

زي ماحضرتك شايف, مش مكتوب النسب كام لكام, بروتين بيض (ارخص حاجه ومايتدفعش فيه فلوس)
كالسيوم كازينات (ارخص انواع الكازين)
واضافات الواي اللي مش معروف هي قد ايه

طيب الشيكاره 28 سيرف
والسيرف فيه 55 جرام بروتين
يعني الشيكاره كللها فيها 1540 جرام بروتين (الخلطه اللي قلتلك عليها دي)
ب 800 جنيه !!

طيب تعالى نبص على منتج تاني (بروتين بس) زي الأيزو 100 (مثلا)
واي بروتين هيدرولايزد فقط
فيه 81 سيرف
والسيرف 25 جرام بروتين
يعني العلبه فيها 2025 جرام بروتين
ب 600 جنيه
وأحيانا ب 550

يارب يكون المغزى وضح
شوف انت بتدفع في ايه بالظبط وماتخليش حركات الشركات دي تضحك علينا :)

وبالتوفيق في تمرينك وحياتك :)

طيب بخصوص الايض ووزيادة الوزن ...الكلام دا مش هجص ولا حاجة دي ابحاث من منظمات عالمية !!!! زي بالظبط لما واحد يعمل مجهود بسيط يتعب جدا ويعرق وواحد تاني لأ ؟

تاني حاجة انا مقلتش ان المكملات اصلا بتزود عضل صافي ...وطبيعي انها مش هتزود عضل صافي وحتي لو انتا بتاكل كل يوم عجل مش هتاخد عضل ...ألعضل بيجي بالتمرين لا بالاكل ولا بالمكملات ....هي بس عوامل مساعدة

لكن انا قلتله انتا عايز مكمل زيادة وزن في البداية ...لانه نحيف جدا يعني طول 180 ووزن 59 يعني عشان يوصل المعدل الطبيعي عايز حوالي 22 كيلو تقريبا ...وبالتالي انتا اصلا هتجيب منين عشان تبني عضل انتا لازم تكون زايد وزن عشان تبدأ تبني عضل والياف ...وبالتالي المكمل دا في فات عالي عشان يديلك وزن الاول وبعدين تبني عضل


تالت حاجة انتا بصيت فقط لية علي البروتين ...مبصتش علي الفات لية لانه نحيف واكيد محتاج برضو فات عشان يزيد وزن ومع الجيم يبني الياف عضلية + لية مبصتش علي الفيتامينات ؟؟!!
+

(((ممكن تقلي اية الاكل اللي اكله يوميا يديني 650 سعر حراري + 8 جرام فات + 60 جرام بروتين ؟ ))))



بخصوص الايزو ...فكل جسم وبتشوف اية ناقصة ..يعني الايزوا دا للناس اللي بتلعب جيم من فترة ووزنه مناسب مع جسمه او اقل شيء بسيط فبياخد نسبة عالية من البروتين عشان يبني عضل وينشف انما واحد اصلا ناقصة 22 كيلو عشان يوصل للمعدل الطبيعي ؟؟



ياريت تكون فهمت انا بتكلم في اية ...ان كل جسم الاول حتي قبل الجيم بتشوف الجسم دا محتاج اية ...