الف مبروك يا باشا ربنا يديك خيرها ويكفيك شرها
عرض للطباعة
الف مبروك يا باشا ربنا يديك خيرها ويكفيك شرها
الف مبروك
الف شكر علي ردودكم
انا رايح للمعرض بالليل النهارده (اللي فيه نقطه علي ص) :))
هاقوله علي المشكله وهاستلم ورق العربيه... وما اعتقدش انه هايعمل حاجه غير انه يقوللي عادي لانه ماينفعش يخليني اجرب عربيه تانيه لان المشكله دي بتظهر بعد سير مسافه طويله بالعربيه يعني ماحستش بيها وانا راجع من روكسي غير في الدقي مثلا وطبعا مش هايخليني اعمل كده في عربيه عنده ماشيه23 كيلو وخاصه انها بتبقي فيها 3 ليتر في التانك بس... تاني نقطه ماينفعش استبدلها لاني سافرت بيها القاهره الفيوم ولما هارحله هاتبقي عامله 300 كيلو وفي نفس الوقت المشكله مش جوهريه قوي علشان يتعمل معاه مشاكل عليها
انا النهارده شفت عزل العربيه من جوا لما شيلت الموكيت لاقيت اللباد مغطي وعازل كويس من جوا العربيه ودي غالبا مشكله عزل بتظهر بعد المسافات الطويله والزحام يعني لو هاتلف بيها في الزحمه نص ساعه مش هاتظهر
السؤال دلوقت... هل لو اشتريت ضمان aaa وروحت التوكيل هايتعامل فيها والا هايخليني ادفع تاني والا هايقوللي عادي؟؟؟؟ يبقي اريح دماغي واوفر فلوسي واعملها بره والا اعمل الضمان لربما تكون مشكله كبيره والحكايه مش عزل
بعد تجربه عربيه زميل ليا لاقيت عنده نفس المشكله بس هوا مش بيحس بيها لانه دايما مشغل التكييف ومع التكييف احساس السخونه ده بيقل كتيييييييير
مصدر السخونه جاي من ناحيه الارجل سواء من عند السائق او من عند كرسي الراكب الامامي غالبا من سربنتينه الساخن بتاع التكييف ولو حطيت ايدك تحت ناحيه الدواسات ومشيت مع مصدر الحراره هتلاقي حاجه بلاستيك زي علبه ممكن لو العربيه واخده مشوار طويل درجه سخونه الجزء البلاستيك ده بتبقي رهيبه وهيا سبب السخونه...
بتحليلي المتواضع يبقي سبب السخونه جاي من سربنتينه التكييف السخن وده بيبقي فيها مياه متصله بدوره التبريد...
دلوقتي الحل حاجه من 2
1- فك الكونسول وعزل الجزء ده حراريا ويعتبر حل بسيط بس مش هايقضي علي المشكله دي وهايبقي فيه سخونه برده بس هاتقل نسبيا
2- فصل دوره التبريد الساخن اللي احنا اساسا مش محتاجينها عن طريق فصل خراطيم المياه الساخنه اللي داخله علي صدر العربيه وده حل غلس وعايز حد فاهم هوا بيعمل ايه ( عن نفسي مستعد اعملها ومش فارق معايا)
انا لما رجعت من عند جابر عبد الشهيد زي ما توقعت انهم مش فاهمين حاجه ومش هايدوني عقاد نافع ...بس اللي عملته اني خليتهم يدوني فرصه اسبوع افكر اني اعمل ضمان aaa والا لاء
تفتكروا التوكيل او مركز الخدمه هايفيدني في الموضوع ده والا هابقي دفعت فيه فلوس علي الفاضي واروح اعملها عند حد برا ؟؟؟؟؟
تعبتكم معايا بس فعلا الموضوع ده منكد علي الواحد
لما تحس ان الجو برا كويس وانت قاعد في ساونا ده احساس بايخ ....
اولاً ياباشا ان اسف جداً على الخطاء الاملائى الموش مقصود واللهى العظيم ، ياريت تقبل اعتذارى وكل الافاضل الشافوا الخطاء.
ثانياً ضمان aaa بيتعامل مع مراكز خدمة معينة ، لاكن موش من ضمنها مراكز الخدمة الرئيسية للتوكيل.لاكن برضة من ضمنها مراكز خدمة معتمدة من التوكيل (زى السبع فى زهراء المعادى)،وضمان aaaبيكون زى الضمان بتاع التوكيل حتى فى صيانة ال1000كم المجانية (المفروض).
لو هتروح التوكيل هيقبل العربية عادى بس التكلفة هتكون عالية جداً.
لاكن فى جميع الظروف حتى لو موش هتعمل ضمان aaa متخليش حد يقرب من العربية الا مراكز الخدمة المعتمدة.
النصيحة اعمل ضمان aaaوروح بعد كدة لمركز تابع ليهم ويكون معتمد من التوكيل زى السبع - والهتدفعة فى اى مركز هو الهتدفعة فى ثمن الضمان وهيكون معاك لمدة سنة لو ظهرت اى مشكلة لاقدر الله فى العربية هيعملها لك ....
اخيراً برضة لية مبترجعش للمعرض(اللي فيه نقطه علي ص) البعالك العربية؟ ولو وصل الحال تشتكيهم فى حماية المستهلك.
ياباشا انت شارى عربية زيرو ب158الف جم كورى
السخونه ألى بتيجى عند الدواسات و من عند تحت الكونسوا و كمان جنب الفتيس , تقريبا ديه سببها عدم جوده العزل بتاع عادم الموتور
عيب السخونه ده موجود فى معظم السيراتوا و الريو كمان (أنا بتكلم على الوكيل)
و كمان كان عندى فى الجيتز و أعتقد فى معظم الهيونداى كمان
و كمان أنك تحس بسخونه وأنت بتفتح الباب ده برضه عادى
و لما تفتح الباب
انا كشفت علي العربيه النهارده بشكل ودي ..شافها مهندس اخو واحد صاحبي شغال في البافاريه....قاللي السخونه دي من مواسير التكييف السخن اللي تحت التابلوه ....تحت التابلوه وخلف الكونسول ناحيه صدر العربيه من جوه فيه زي علبه بلاستيك دي اللي بيطلع منهلا الحراره...خلاني ادخل ايدي من فتحه صغيره جواها ولمست فعلا ماسوره وكانت نااااااااار...... وقاللي ياتفك الكونسول وتعزلها كويس دي موجوده في كل السيراتو يا اما تلغي الخراطيم اللي داخله علي التكييف السخن.
رايكم ايه؟؟؟؟؟؟ انا بصراحه عايز الغي خراطيم السخن لانها مالهاش لازمه فعايز مركز محترم يعمللي القصه دي ترشحولي مين ؟؟؟
الموضوع مش مستاهل مركز محترم ولا حاجه
هتبص على صدر العربيه هتلاقى ماسورتين جنب بعض طالعين من الكونسول ورا الموتور
هتشيل واحده منهم والتانيه هتوصلها فى الماسوره التانيه الخاصه بدورة التبريد
وهتقفل فتحة الماسورتين بطبه ميه زى بتاعت الحنفيه
العدد اللى هتستعملها
زراديه وسيليكون حرارى و2افيز و2 طبه
ولازم تزود الميه وتطلع الهوا من دورة التبريد