الضمان و التأمين ... و أسالة علشان مش مستريح للناس دى
الأخوة الأفاضل
سؤالى كالتالى
بعد ما إشتريت التويوتا ياريس بالتقسيط مع البنك المفروض المعرض يدينى أوراق إيه ؟
و الضمان اللى باخده للعربية بستلمه و لا لما بعمل أول صيانة زى ما قاللى مسئول المبيعات؟
يعنى المندوب اللى هايعمل الترخيص هايسلمنى إيه بالظبط ؟
و بالنسبة لبوليصة التأمين على العربية مش المفروض أنا اللى بمضى عليها ؟
و المفروض أراجع البنود اللى فيها و لا دى حاجات روتينية ؟
مسئول المبيعات فى المعرض خلانى فقدت الثقة فى كل كلمة بيقولها و حاسس انى بتسرق
بس المشكلة إنى ماعنديش خبرة نهائى فى المواضيع دى و و عايز اعرف بالتفصيل كل حاجة
من اجراءات التأمين لأنه هو اللى قاللى قيمة التأمين و الشركة اللى بيتعاملوا معاها
و انا كنت بدفع اللى بيطلبه !!! الموضوع مش هبل منى لكن أنا ماعنيش خبرة
و ماحدش بيتعلم ببلاش !!!
و للأسف كل مسئولى المبيعات بيعتبروا الزبون اللى زى حالاتى لقطة !! و يستنزفوه اعتمادا على
عدم خبرته و ثقته فى مسئول المبيعات اللى من المفترض انه أمين و محترم و بيحاول يكسب الزبون
مش يستنزفه و بس
و شكرا
