على سبيل المثال ايه أخبار السحب و التسارع؟
السحب جيد جدا لاهو فظيع و لا هو بطئ بس ال a113 كانت بتسحب اسرع و ال 516 كانت بمجرد مترفع رجلك عن الدبرياج تلائي العربية بتجري في الإنفي لازم تكبس بنزين شوية علشان متطفيش
عرض للطباعة
على سبيل المثال ايه أخبار السحب و التسارع؟
السحب جيد جدا لاهو فظيع و لا هو بطئ بس ال a113 كانت بتسحب اسرع و ال 516 كانت بمجرد مترفع رجلك عن الدبرياج تلائي العربية بتجري في الإنفي لازم تكبس بنزين شوية علشان متطفيش
التكيف؟
تلاجه (جربته في عز الضهر في درجة حرارة 42 أو أكثر) بس مش تاتش زي ال 516
كبداية ايه رايك في التقفيل المصري ؟ وسحب العربية ممتاز ولا جيد والعزل والخامات المستخدمة والتكيف قيم من ممتاز الى جيد او غير ذلك .. وربنا يباركلك فيها يا أ/ مؤمن .. تحياتي
نبتدي بالخامات و التقفيل:-
المصورة:
الخامات تكاد تكون ممتازة أفضل بكتير من 516
تصميم التابلوه عصري وشيك جدا و خاماته يبان انها مش رخيصة و التقفيل مظبوت متلاقيش خط معوج أو قفله مش مظبوطه أو جلدة مش في مكانها
الفرش:
جلد رمادي غامق وتقفيله ممتاز ملقتش فيه غلطة حتى الأن
العزل: جيد
ليه جيد بس طبعا زي أي عربيه وانت قافل الازاز صوت الشارع بيبقى ضعيف جدا وتحس انك منعزل بس المشكله لما بمشي على اسفلت خشن بسرعة فوق التمانين بسمع صوت اكتكاك الكاوتش بالاسفلت انا لاحظت الموضوع ده على كام طريق بس
التكيف: ممتاز
(تلاجة في عز الحر على درحة 42)
الفرامل: ممتازه
استجابه سريعة على جميع الاسطح
السحب: جيد جدا
باعتبار ان 516 السحب فيها ممتاز
لازم ال rpm يعلى عن 3000 علشات تحس بالعزم
ربنا يباركلك فيها ويكفيك شرها .. عندي كام استفسار كدا :
استهلاك البنزين اخباره ايه ؟
وبالنسبة للكنبة واسعة زي 516 ؟
وفيها فرامل abs , ebd ولا لأ ؟
اخبار العفشه ايه؟
اولا 1000 مبروك و ربنا يكفيك شر الطريق
ثانيا : انا شايف ان سحب ال 516 مش قد كده عموما .. كنت اعتقد ان سحب الانفى بما انها بوابة ثروتل على وير مش كهربا هيكون سحبها احسن بكتير !!!! يمكن علشان العربية معاك لسه بتلين ؟
بسم الله الرحمن الرحيم
احب الاول اقولوكوا كل رمضان وانتوا طيبين
كنت بس حابب انقللكم تجربتى الاولى مع الانفى ... فى البداية هى اول عربية ليا ربنا يحفظهالى ويكفينى شرها يا رب وعقبال كل واحد ان شاء الله يفكر يشتريها
اولا انا شاريها من يومين بس يعنى مقعدتش كتير معايا علشان احكم عليها اوى بس كنت حابب انقلكم الانطباع الاول ليها.....
العربية بسم الله ما شاء الله عاليه عن الارض ونظام التعليق الخلفى متعدد الوصلات حنين على المطبات المصرية :shine[1]: مبيحسسنيش ان العربية اتغربلت ولا حاجه مهما كان المطب غبى او متكسر
التابلوه تقفيلة جميل يمكن المشكله الوحيدة زرار فى الكاسيت بيعلق بس انما الشكل الداخلى عصرى .. التكييف انا جربته دقيقتين بس كان سريع فى رفع درجة البروده بدرجه كبيرة زى ما بيقولوا تلاجة
.. الفرش رمادى جلد تقفيلة جميل بس يمكن ناشف شوية فى الكنبة انما كرسى السواق واللى جنبه مريح عن الكنبة ... الموتور صوته هادى وسريع جدا فى الاستجابة انا جربته لحد 100 علشان لسه بليين العربية وال RBM بيكون من 2 ل 2.5 تقريبا لحد 100 والعربية بتسحب معاك على قد ضغطتك على دواسة البنزين يعنى لو عايز تطير هاتدوس زيادة شوية وهى مش هاتقول لا ... بالنسبة للفرامل abs & ebd جميلة جدا ولو ظغط كبس عليها بتهدى بسرعه جدا من غير ماتحس انك هاتلبس فى الدركسيون .. فيها سنتر لوك ووحدة رفع الزجاج بالريموت بس مش عارف ليه جهاز الانذار مش شغال ومش عارف مكان حساس الانذار فين علشان اعليه .. الدركسيون الباور بتاعه خفيف جدا مش عارف ازاى بس ممتع جدا فى التوجيه ... بالنسبة للكاسيت هو معقول يمكن علشان سماعتين بس اللى موجودين بس انا لقيت ورا الكنبة فى مكان يتركب فيه سماعتين كمان وموجود وصلات لحد المكان للسماعات يعنى لو حبيت تزود .. بالنسبة للبنزين انا كنت شاريها عاملة 86 كيلو بعد ما مونت دلوقتى عاملة 168 تقريبا والعداد لسه واقف عند ال F احسبوها انتوا بقى .. السنسور بارك بيحسب بال سم وبيظهر فى الشاشة الزرقا .. وفى النهاية احب اشكركم وارجوا انى اكون افدت الموجودين بتجربتى وانا الحمد لله راضى عن كل شئ فيها وربنا يباركلى فيها ويكفينى شرها