ميتسوبيشى لانسر 1300

**bebo12125** · 14-10-2008 07:23 PM

كنت عايز اعرف ايه رايكم فى ميتسوبيشى لانسر 1300 تقربيا هى خليجى عشان
انا محتار بينها وبين هيونداى نيو اكسنت 1600 عشان السعر متقارب جدا

**mahmoudzaied** · 14-10-2008 11:15 PM

انا معايا لانسر 1300 مانيول خليجى
العربية زى الفل والله
بس التكيف بيأثر على السحب وفيه عربيات تانية بيبقى سحبها حلو مع التكيف زى الياريس والكورولا واللانسر الشكل الجديد
بس اعتقد ان النيو اكسنت ال 1600 برضو التكيف بيأثر على السحب لانها ببساطة كورى
وكان فيه عضو هنا عامل تقيم على هيونداى i30 وقال ان التكيف بيأثر على السحب
فأكيد الاكسنت بيأثر برضو عشان التكنولوجيا بتاعة ال i30 اعلى من الاكسنت
بالنسبة لاستهلاك البنزين اللانسر ال 1300 احسن
بس لو انت بتاع سحب وشد وجرى وكدة هات ال 1600 هتبقى جامد معاك
شوف احتياجاتك ايه وشوف انهى احسن بالنسبالك
اللانسر
سعر اعادة بيع اعلى
قطع غيار منتشرة
توكيل محترم جدا
توفير بنزين
سحب ممتاز بالنسبة لعربية 1300
يابانى 100 فى ال100
النيو اكسنت
سعر اعادة بيع اقل
توكيل (غبوووووووووووووووور)
اعلى فى استهلاك البنزين (رغم انها موفرة بس طبيعى انها 1600 اكيد اعلى من 1300)
سحب العربية حلو جدا جدا لو انت بتاع شد وجرى
كورى
وياريت اكون افادتك

**limo** · 15-10-2008 02:05 AM

المشاركة الأصلية كتبت بواسطة bebo12125

كنت عايز اعرف ايه رايكم فى ميتسوبيشى لانسر 1300 تقربيا هى خليجى عشان
انا محتار بينها وبين هيونداى نيو اكسنت 1600 عشان السعر متقارب جدا

الانسر 1300عربيه حلوه مش وحشه
استهلاكها فى البنزين 240 قى 20 لتر جوه البلد بدون تكيف
بالتكيف يقل 20 كم الى 40 كليو حسب الزحمه الى بتمشى فيها
كقارنه بينها وبين النيو اكسنت
هيه النيو اكسنت عربيه حلوه جدا بس الانسر تتفوق عليها حتى لو كانت 1300
اولا الانسر تستحمل عنها البهدله
ثانبا الانسر مطلوبه عنها فى البيع
ثالثا الانسر اوسع منها
رابعا :الانسر فيها اير باج لو خليجى
خامسا :الانسر تقفيل احسن وخامات انظف
سادسا :الانسر توافر فطع الغيار فى كل مكان