انا ليا سؤال ملوش دعوة بالمشكلة اللى عندك
انا معروض عليا كيا ريو موديل 2001 عاملة 160الف كيلو ب 40الف جنية
فبريكة برا وجوا
العربية مقارنة بالاكسيل هل هناك فرق
قطع غيارها متوفرة بالسوق
قطع الغيار غالية
عرض للطباعة
انا ليا سؤال ملوش دعوة بالمشكلة اللى عندك
انا معروض عليا كيا ريو موديل 2001 عاملة 160الف كيلو ب 40الف جنية
فبريكة برا وجوا
العربية مقارنة بالاكسيل هل هناك فرق
قطع غيارها متوفرة بالسوق
قطع الغيار غالية
أولا.. ضبط الزوايا من أهم الأشياء اللي بتظبط العربية. . وعلشان تظبط صح لازم العفشة كلها تبقى سليمة
بمعنى إن حضرتك محتاج تروح عند بتاع ظبط الزوايا وتقوله اكشفلي عالعفشة.. هو هيكشف ويقوللك إيه اللي العربية محتاجاه قبل ظبط الزوايا
احتمال كبير تكون محتاج جوز فرد كاوتش قدام.. ويستحسن تركبهم قبل الظبط مباشرة.
طبعا.. ما تنساش الترصيص... ﻹن ده من أهم الحاجات اللي بتحافظ على العفشة كلها.. مش البلية بس
عارف .. لو شفت منظر العجلة ساعة الرجة والغربلة بتتنطط ازاي وانت ماشي بالعربية هتقول أنا لازم انزل أرصص حالا.
بالنسبة لبلية العجل.. فنصيحة أخوية من مهندس اشتغل في الصيانة فترة مش بسيطة. ..
أي حاجة بايظة في عفشة العربية لما تيجي تغيرها .. غيرها بالجوز.. يعني لو عندك البلية الشمال بايظة.. غير معاها اليمين كمان.. ونفس الكلام في الكبالن والمقصات والمساعدين والفرامل والكاوتش.. وأي حاجة ليها ناحية يمين وناحية شمال
ده مبدأ عام.. علشان الأجزاء اللي بتغيرها تعمر معاك.. وما تفضلش كل شوية رايح جاي عند الميكانيكي
...
انتو خرجتو الراجل من موضوعه
المشكله عنده ان البلى بيخشن بعد لما بيتغير ممكن تكون مشكله فى الصره اللى بيركب فيها البلى
او البلى اتركب غلط او نوع البلى وحش
السلام عليكم
انا كنت عامل رابطة ملاك كيا ريو 2
وكنت اتمنى التفاعل لحل هذة المشاكل مع بعض وبخبرة الشغل فى السيارة
عل العموم انا كنت بعانى من مشكلة البلى دى بس الحمد لله دلوقتى تمام
لان البلى اللى فى السوق مضروب
1- وحضرتك بتقول بعد ما ركبت البلى بشهرين رجع خشن تانى ( يعنى كدة البلى متركب صح ) وكلة تمام ( يعنى الصرة مافيهاش عيب ) ودى الاهم
2 - راجع على العفشة كويس وظبطها ( واكشف على الكبالن الخارجية كويس جدا ) لان دى اللى كانت بتسبب ليا الرجه اللى حضرتك بتقول عليها من 80 الى 100 ولما ادوس فرامل كنت بحس برجرجة فى الدريكسيون ( ولما غيرت الكبالن راحت خالص)
3- لما تغير التيل الامامى امسح الطنابير عند الخراط
- انا كنت بغير البلى ببلى كورى وكان بيخشن بسرعة يعنى خلال 6 او 8 شهور بس الحمد لله غير بالبلى اليابانى وبقالة الحمد لله سنة وزى الفل
- لو محتاج اى حاجة فى العربية اتصل بيا ممكن افيدك
- العربية جميلة جدا بس محاتجة تاخد بالك منها شوية
انا جاى الاسكندرية الاسبوع الجاى لو عايز اى حاجة ممكن اجييبهالك معايا ان شاء الله
اخوك خالد ودة تليفونى لو احتاجت اى حاجة 01227327601
ودة رابط رابطة ملاك ريو 2 http://www.nilemotors.net/Nile/42680...03-2005-a.html
علشان الكل يستفيد وبالتوفيق ان شاء الله
السلام عليكم انا كان عندي المشكله ديه واكتشفت الحل بعد لف كتير
المشكله ان بلي الكيا ريو عباره عن بليتين وبينهم ورده ولازم الورده ديه تكون اصليه فممكن الميكانيكي يكون شال الورده وركب البليتين من غير الورده وفي الحاله ديه ممكن ميربطش صاموله الكوبلن للاخر وممكن يكون ركب الاويل سيل غلط فالبلي يضرب بعد فتره قصيرة
انا روجت مركز خدمة في المعادي وغيرت الصره والبلي الماني والجلبه واتكبسو في المخرطة ولغاية دلوقتي الجنب اليمين عامل 130000 كيلو من غير مشاكل والجنب الشمال اتعمل فيه نفس الموضوع بس بلي كوري اصلي واتغير بعد 70000 كيلو
ممكن لو بتحب قطع غيار استيراد تجيب جنب كامل وتغيره هايريحك برده بس الله اعلم يعد فتره اد ايه عشان مستعمل