عرض للطباعة
السلام عليكم ورحمة الله
عندي مشكلة سخيفة اليومين دول
العربية الحرارة بتوصل ل 100 وانا ماشي وبتسخن والمروحة بتشتغل فترات طويلة وده سبب مشكلة
ان لو بطلت العربية ما تدورش
ادور المفتاح كونتاكت يشتغل بس وما فيش اي حاجة من المارش ولا صوت تكة ولا صوت مارش بيشتغل لو العربية بردت شوية تدور عادي
او لو نزلت وفتحت الكبوت وهزيت السلك بتاع المارش وخبط عليه بالراحة بايدي وادور تشتغل عادي
تفتكروا المشكلة في ايه ؟؟
روح لكهربائى يشيك على وصلات الكهرباء كويس ويكشف على كتاوت المارش
اوتوماتيك المارش
انصحك لو ماغيرتش الرادياتير من فترة تشترى واحد صينى جديد وتغيره وتحط مية حمراء المفروض لو دورة التبريد 10/10 الحرارة ماتعديش ال90 حتى لو فى عز الظهر او ماشى على سرعة 130ك وده خطر لو ماصلحتش العيب ده واهم من عيب المارش اعتقد انه عيب فى الكابلات مملحه !!!
شربون المارش عاوز يتغير
لازم تحل مشكلة الحرارة
لانك بمزاجك او غصب عنك هتحلها
لانه لو الله لا يقدر الموتور جاب جوان وش سلندر
هيبقى غصب عنك هتصلحها
ده غير العطلة والبهدلة
اتصرف وحلها
العيب عندك يامه سلك ملحوم
او الكلبس اللى راكب فى المرش مهوى او مجنزر غيرو (برجح اووووى العطل من السبب ده )
راجع وربنا يكرمك
أنصحك الاول تحل مشكلة الحرارة وهيا بتغيير الردياتير وتركيب ترموستات 92
أما بالنسبة للعيب التاني فدة سببة اوتوماتيك المارش لسة مصلحة قريب
ألحق فكة دلوقتي هو محتاج تصنفر اطراف التوصيل
لان العيب دة اسمة على ما اعتقد ى الالكترونيات باد كونتاكت
يعني الاوتوماتيك سليم بس بيعلق
ابدا بدورة التبريد علشان الصيف والسخونة
شوف كدة وهية عاملة المشكلة دية انك تحط فوطة مبلولة على الموبينة ودور ودا طبعا ميغنيش انك لازم تصلح دورة التبريد