الموضوع: الدريكسيون تقيل جدا معنو باور

انا عندى مشكله فى الدريكسيون لفيت على كل الميكانيكيه وغيرت عفشه كامله واسكترا كامله وطلمبه باور جديده وبرضو نفس المشكله يريت حد يفدنى لانى زهقت والعربيه نوعها دايو لانوس موديل 2005 ياريت الناس تفدنى انا مفيش حاجه مش عملتها غيرت كل حاجه فى العربيه وبرضو نفس المشكله

انا بصراحه ما اعرفش في عربيتك بالذات بس في عربيات تانيه الموضوع كان بيبقي ليه علاقه بزيت الباور يعني النوع و اللزوجه من ناحيه او احتمال يبقي ناقص و محتاج يتزود او انه بينقص بسبب مشكله في الاولسيه و ده سهل تكتشفه لانك هتلاقي تسريب زيت و الحل انك تغير الاولسيه البايظ . مبدأيا ممكن تكشف علي زيت الباور و تشوفه كويس و لا ناقص و اذا كان ناقص تزوده و تقيسه بعد كام يوم تاني علشان تعرف اذا كان هيتسرب و لا لأ

شكرا لردك بس انا شوفت زيت الباور ومش بينقص والطلمبه جديده كمان

انا فعلا رحت لناس كتير وقلتلهم يمكن الطلمبه بايظه قلولى سليمه لانها لسه جديده وقلولى غير اسكترا وعفشه غيرت عفشه كامله من كلو وغير بطاحات

بما انك كشفت علي الاسكترة وطلعت سليمة وعن خبرة ممكن تكون البطاحات لانها علي بلي وبتلف مع الدركسيون

انا غيرت البطاحات وغيرت الاسكتره مش صلحت حاجه انا بشيل واجيب جديد وبرضو نفس المشكله شكرا لردك

هاقترح عليك حاجة تانية جرب تبدل الكاوتش واتاكد من ان سير الباور مشدود واتاكد من نوع زيت الباور وصلاحيتة للاستخدام وهل حضرتك مجنط ولا لا وهل علبة الدركسيون محتاجة حشو وبيض الدركسيون وباراتو كويسة اتاكد ان مافيش خرطوم متني او مسدود في الباور وممكن يكون السير ناعم وبيلف علي الفاضي او الطنابير اللي بيلف عليها السير عليها زيت وعلي فكرة العادي لو مغير جلب مقصات ان الدركسيون يتقل شوية

وشوف لانوس زيها برضو لان انا جربت الانوس وعارف ان الباور بتاعها تقيل موش زي النوبيرا عشان العربية وزنها اخف