عرض للطباعة
لو سمحتم سؤال لملاك التريوس وخاصة ال2*4 وارجو ان تكون الاجابة بعد التاكد التام التريوس 2*4 دفع خلفي ام جر امامي خاصة ان هناك بعض الباعة بياكد انها جر خلفي واخرين العكس مش فاضل غير ان الواحد ينزل تحت العربية ويتاكد ان فيها عمود كردان
كما ارجو من حضراتكم تقيم للسيارة بعد فترة الاستعمال واي ملاحظات عنها خاصة اني قررت الشراء
اشاركك فى طلب التقييم للعربية خاصة بالنسبة لل 2wd لانى ناوى اشتريها ان شاءالله وعايز اعرف انطباع ماليكيها عنها..
اولا حتفرق ايه معاك ان كانت امامي وللا خلفي هل ده سبب يخليك تغير رأيك؟
كل السيارات الصالون في مصر تقريبا امامي ماعدا الشاهين
هل دة معناة انهم وحشين
انا مش حاجاوبك
روح اي معرض وشوف الموتور ان كان بالطول تبقى خلفي وان كان يالعرض تبقى امامي
انا عندي الاوتوماتيك 2008
باختصار شديد رائعة
لو كنت متعود على الاوتوماتبك مش حتحس غير بنعومة متناهية
اما ان كنت بتسوق عادي ييمكن تحس ان السحب بيقل مع التكييف ودة طبيعي
توكل على الله ومش حنتدم
اشكرك يا دكتور احمد بصراحة الفرق بين الاتنين كبير فان كانت العربية دفع خلفي فهي ميزة تضاف الي العربية لان ده بيديها عمر افتراض اطول وقوة تحمل وسؤالي ده هيفرق معايا لاني عندي مزرعة وبضطر ادخل في طرق ترابية وغير مرصوفة وضيقة جدا واول حاجه لا تتحمل هو الكاوتش البيغطي الكبالن البيتلف وبيتقطع ويبداء التراب في التسلل الي الكبالن وفي خلال مدة قصيرة تبداء الكبالن في التلف وتحتاج لتغير عشان كده كان سؤالي لاني مهتم اعرف ان كانت العربيه فيها الميزه دي ولا مش موجوده نفس الوقت ان مش عايز اجيب ال4*4 لانها اغلي في السعر ومش محتاجها وشايف ان ال2*4 كافيه جدا
اليوم احد الاصدقاء قالي تعالي اوريك عربيه جديده في توكيل اسبيرنزا اسمها تيجو علي مضض وافقت ورحت معاه لاني سمعت ان الاسبيرانزا عيوبها كتير بس بصراحة مندمتش شوفت عربية في منتهي الروعة والجمال والمتانة صاج شديد جدا ومتين و مساعدين خدمه شاقة ورفاهيات متلاقيهاش في الجيب شيروكي وفتيس اتوماتك ويمكن تغيرالقياده للمانيول فرش جلد فتحة سقف وجنوط اسبور وتابلوه فخم واتنين اير باج وفرامل ايه بي س وشنطه بحر وماتور 1971 سي سي بعزم 137 حصان كل ده بكام ؟
مش هتتخيلو
1080000 مائة وتمانيه الف جنيه يابلاش بصراحه العربيه جميله وانا هطلب تقيمها في قسم الاسبيرانزا وربنا يوفق للفيه الخير
اشكركم علي تعاونكم وليكم الاحترام والتقدير
الدايهاتسو على فكرة دفع خلفي
وانا شايف انها احسن سيارة في الفئة بتاعتها
السيارة بتنتج في دول كتيرة باسماء كتير
و الكماليات فيها ممتازة
اما التيجو انا للاسف مقدرش افيدك لاني مش موجود في مصر الان
بس لو انا مكانك مش ممكن افكر فيها وحشتري الدايهاتسو من غير تفكير لانها ياباني توكيلها ممتاز و سمعتها اكتر من ممتازة ومافيش فرق في السعر كبير
يبقى خليك في المضمون
وبالتوفيق إن شاء الله