لازم تعمل سيرش وتبحث عن الفتيس dsg
وتعرف العيوب.قبل المميزات عشان لاقدر الله متتفاجئش
واقرا ف المنتدي الناس قالوا ايه عنه عشان تبقي الصوره واضحه
لازم تعمل سيرش وتبحث عن الفتيس dsg
وتعرف العيوب.قبل المميزات عشان لاقدر الله متتفاجئش
واقرا ف المنتدي الناس قالوا ايه عنه عشان تبقي الصوره واضحه
انا مش ف البيت حاليا كنت صورتلك البرشور
عامه متسالش معارض عشان تهت نفس حيرتك و محدش عارف
زي م قلتلك الزيادات هيا
مثبت سرعه
فتحه سقف بانوراما
الفتيس و الدركسيون جلذ
اتنين ايرباج زياده
فقط لا غير
مفيش اي حاجه تاني زياده
البودي بس مختلف شويه عن العاديه خصوصا من ورا و شكلها احلي بس الكتبه الخلفيه اضيق عرض و طول
حقيقة والله انا فعلا تهت ومبقتش عارف فيها ايه ومفيهاش ايه :Copy of majd(4):
شكرا جدا على المعلومات المهمة دي
بس حضرتك مجاوبتش على موضوع المرايات الكهرباء ؟؟ اذا كانت بتتقفل كهربا ولا يدوي في الاتنين لاني سمعت ان 2013 و 2014 نزلت منغير الاوبشن دا :11:
وياريت فعلا لو مفيش فيها تعب لحضرتك تصور البرشور وتنزله وشكرا مقدما :tumb:
كل الاوبشن اللي قلتهولك دا بس اللي موجود
اي حاجه تانيه مش موجوده زي مرايات ضم والزينون و الفرش الجلد
عشان لو حطوا الحاجات دي سعرها هيغلي ويقرب من الليون
أولا انا مش عارف أقولك التقرير بتاعك دا فادنى قد ايه وفعلا بشكرك جدا وثانيا انا بفكر اجيب الايبيزا جدا وركبتها فى التوكيل الى فى العبور و مستريحلها جدا بس الحاجة الوحيدة اللى مخوفانى موضوع الفتيس دا و قريت عنه كتير بس موصلتش لحاجة فياريت لو تقدر تفيدنى فى الموضوع دا و شكرا مرة ثانية
خالينا نتكلم علي العربيه الاول .. هيا الحمد لله عامل بيها 12000 لحد دلوقتي ومبشتكيش من حاجه الحمد لله
بالنسبالي احسن واحده في فئتها هاتشباك اكيد طبعا انت شفت شنطتها كويسه اد ايه والمساحه الداخليه معقوله جدا
القياده بتاعتها ممتع جدا وسهل جدا وتعرف تتحكم ف العربيه كويس
العربيه جرايه وبتسحب منك جامد وثابته ع الطريق لحد 205 ك\س
مش هتندم تماما عليها طبعا الكوبيه احلي بس مش عمليه
الفتيس متقلقش منه محدش من سنتين اشتكي منه سواء فولكس او سيات او سكودا والكلام مبقاش زي زمان لانهم فعلا عدلوا فيه
طب افرد مثلا لاقدر الله الفتيس حصله حاجه
تروح حضرتك ليهم من غير ميتكلم هيحطولك مكانه جديد ويقوله لحضرتك اتفضل
حتي بعد انتهاء الضمان
بيسموها good will
وهيقولك بس شرط تعمل صياناتك عندنا .. بس دي اشتغاله حتي لو خليجي غصب عنهم هيعملوها
بس نصيحه خاليك معاهم ف كل صياناتك عشان يركبولك الاصلي
ومبروك مقدما
يا باشا انا بشكرك مرة ثانية على تعاونك وانت طمنتنى بشكل كبير واتمنى لو اقدر اكون على اتصال معاك باى وسيلة وانا ناوى انشاء الله لما اجيبها اتابع على الصيانة معاهم
و معلش عندى سؤال ساذج شوية هي فيها ستيب ترونيك ولو فيها انت بتستخدموا ولا لا
ماشاء الله ربنا يباركلك فيهاااااا
ربنا يكفيك شرها و يديك خيرها ان شاء الله :)
انا بفكر و بقارن جديا بينها و بين الليون هي صحيح الليون حاجة تانية بس انا بفضل الابيزا عن الليون عشان حكاية البنزين دي و حاسس ان انا هدفع كتيير بنزين و ممكن يعملي مشاكل
بس برضه شكل الليون عاجبني اكتر و خصوصا الليدات اللي قدام وهم ده غير الماتور التربو !
انت رأيك لو في مكاني هتجازف و تجيب الليون و زي ما تيجي تيجي ولا هتجيب الابيزا ولا تقترح ايه ؟
اكيد الليون تكسب طبعا
ومن ناحيه البنزين الاتنين بيشتغلوا ب 92
و موفرين ف البنزين جدا
من ناحيه قوه الموتور ف الاتنين قوه وعزم زي بعض
بس الابيزا اسرع من الليون
انما موتور الليون tsi
موفر جدا وهادي جدا
و واسعه عن الابيزا دا غير طبعا الاكسسوارات اللي فيها
هيا موجوده ف الابيزا بس مبتنزلش مصر
عامه خاليك ف الليون
احيك علي الموضع الرائع و تعبك بس عندس استفسار هو فية من ابيزا خليجى في مصر ولا مفيش .
لا مفيش منها خليجي
كل اللي موجود هتلاقي ف التوكيل وعدد محدود من المعارض
برجاء الأفادة أحمد باشا
لون أضاءة الشاشة الوسطي في لوحة العدادات في عربيتك
أحمر ولا أبيض
دة الأحمر المعتاد
http://nileup.com/up/watermark.php?s...318201.jpg&p=c
ودة الأبيض اللي بسأل عليه
http://nileup.com/up/watermark.php?s...318202.jpg&p=c
ولكم مني جزيل الشكر
العداد عندي والطابلوه والكاسيت كلها ابيض
الاحمر دا كان ف الموديلات السابقه
انا عندي الزراير بتاعه الكاسيت احمر
انما ف الابيزا الكوبيه ع ماتذكر كان كله ابيض
مو 2014
انا لسة جايب ال بيزلاين و فيها مثيت سرعة ازاى مفيش عندك
لا معتقدش ان موجود فيها
هو فيه صيانة 10 الاف ولا لأ ؟ انا دلوقتى 9 الاف كيلو والعربية زى الفل الحمد لله
والمرايه تعتيم ولا لاء
ومريات الجناب فيها تسخين ؟؟
بخصوص الصيانه فهيا بعد خمستاشر الف لانهم حاطين زيت توتال عشر الاف
العربيه فيها عداد سرعه ديجيتال
مفهاش سماعات ورا . فيه اربعه قدام
الزجاج الامامي فقط ون تاتش
وخده الرفع بالريموت موجوده
مرايات الجناب موجود فيها تسخين
والمرايات الجانبيه مفهاش تعتيم
بس انا معايا ال 2015 مختلفة شوية فيها سمعات في الابواب ورا و قدام و الزجاج كلو وان تاتش
كنت عاوز اقول رااى في العربية الصراحة العربية من اجمل العبيات الى سوقتها انا كان معايا قبلها ريو 2014 في فرق شاسع في العفشة ل الابيزا و موتور و الخاحات الداخلىة و كمان ثبات الصراحة العلابية مفيش فيها عيب لحد دلوقتى الغريب انها نفس سعر الكورى زى الريو
انا عندي فتحات ورا بتاعه السماعات .. انت متاكد انها بتطلع صوت.. اللي اعرفه انها موجوده عشان لو عاوز تركب زياده
اكيد طبعا ف فرق شاسع م بينها وبين الكوري .. تقارب الاسعار عشان الكوري فيه كماليات مش موجوده ف الابيزا
يعني انت لو حطيت زي الكوري مثبت السرعه وفتحه السقف و الليدات الامامي والخ .. هتلاقي سعرها عدي
العفشه والموتور اكيد فرق كبير
والثبات . هات بيها سرعه 200 وانت مستريح
يا جماعة من فضلكم لملاك الايبيزا عندى استفسارين الأول بخصوص أسعار الصيانة يعنى مثلاً ال ١٠٠٠٠٠ بكام وكدة و السؤال الثانى بخصوص موضوع البنزين هل عندها مشكلة فعلاً مع ٩٢ ولا لا وشكراً
لا مفيش تسخين ف المرايات الجانبيه .. كتبتها بالغلط
اسف انا كان قصدى ١٠٠٠٠ ههههههه
سعرها مش هيزيد عن 750 جنيه ان شاء الله
ما شاء الله تقرير جميل جدا
ربنا يرزقك خيرها ويكفيك شرها
احنا لسه مشتريين ليون ٢٠١٥ من كام يوم وقلقانين جدااا جدا من الفتيس بصراحه بس مقدرناش نقاوم جمال العربيه وشياكتها فكنت عايزة اتطمن من حضرتك اخبار الفتيس ايه بعد الفترة دى هل لا قدر الله ظهر اى مشاكل ؟ ولو ظهر اتعالجت ازاى وبنسبه كام ٪ ؟
ما شاء الله ربنا يطمنك
طيب انا سمعت ان فى الزحمة الطويله من الافضل نخللى الفتيس على مانيوال او سبورت مود هل فعلا حضرتك بتعمل كده ولا بتمشى بيها عادى
اصل انا ماليش فى المانيوال خالص فخايفه الموضوع يأثر على الفتيس
معلش اسألتى كتير بس حضرتك عارف روشه العربيه الجديدة
سلام عليكم
معليش كنت عايز اسأل عن اول صيانة بتكون عند كأم كيلو و هل مجانية ؟
ثانيا الحمد لله على كل حال الفانوس الأمامي انكسر ،أشتريه منين و بكام؟
اخير مراكز صيانة موجودة فين ؟
جزاكم الله خيرا