ما عليش تصحيح بسيط . موضوع زيت موتور الفلونس كان عيب صناعه فى دفعه من دفعات 2014 مش عيب تكنولوجى و فيه فرق كبير بين الاتنين . جزء منها نزل مصر و جزء لروسيا و مش فى كل عربيات الدفعه دى . كان فقط 10 % منها
عرض للطباعة
كورولا 2013 شكل قديم
1 .. ثبات وحش جداا و بعد ال140 العربيه بتعوم جدا
2 .. انتريور فقير جداا
3.. قطع غيار غاليه و سعر شراء مبالغ فيه
4.. مفيش esp
5.. ملتي فانكشن متخلف و للتحكم في ااكاسيت بس و كاسيت ضعيف مفيش ولا بلوتوث و لا حاجه
رجاء استاذى الكريم
عيوب البى واى دى اف 3 ويارريت الموديل 1500 سى سى لانى نويت ان شاء المولى انى اشتريها
شارك 2014
تزييقة في العفشة الخلفية مع واحد صاحبي ولما راح التوكيل لقي عربية تانية ذية ولما اشترك في جروب مالكي الشارك عالفيسبوك لقي ناس كتيير ذية عشان كدة قلت عيب (مش مصادفة فى عربية واحدة مثلا)
الخامات الداخلية ضعيفة جدا جدا مقارنة بموديلات 2008 مثلا (كلام الجروب)
صوت الماتور كأنة جوة الكابينة. (كلام الجروب)
شارك 2014 .. أكتر شكوي اتكررت صوت تزييق فالعفشه الخلفيه
موضوع مميز
يااااااااااااااااه , عاش من شافك يا ابو عبد الله :)
ما شفتنيش لكن انا شفت الخناقات و انا قاعد اقرا كل مواضيع الميجان قبل ما اشتري
فعلا الموديل الاحدث اقل بكتير , مع ان مشاكله اقل بكتير جدا من بتاع 2006
الفلوانس بالمناسبة التوكيل قال للناس ان رينو اتوصلت للجزء اللي عامل المشكلة و بقى بيتعاد برمجته او بيتغير بالكامل و المفروض انه مش هايتكرر مع الجديد على اساس انه بييجي عالبرمجة الجديدة , ما بقتش بتغير موتور خلاص
الفلوينس من ساعة ما نزلت من 2010 و حتى الان مافيش عيوب قويه . زيها زى اى عربيه فيها بعض الملاحظات و اقل من الميجان كتيررر و كان اكبر مشكله ظهرت هيه نقص زيت الموتور و اللى اتغير فيها عدد من المواتير للملاك و ما كانش العيب فى الموتور بس للاسف التوكيل كانت معلوماته فى المشكله و الموتور ضعيفه لانه لسه نازل و جديد عليهم من انتاج نيسان و رينو و لكن قدر الله و ما شاء فعل . الميجان الجديده الفيس ليفت لسه نازله و شوفت منها فى الشارع و هاتسمع كويس . انا معاك طبعا انه الاسم اتأثر
تجميع المختصر المفيد (ما قل و دل) لكن يبقى سؤالان و إقتراح:
متى نحس كمستهلكين بدور فعال لجهاز حماية المستهلك ليكون مثل أسمه؟
و السؤال الثانى: ما رأى حضراتكم فى بيجو 2008 موديل 2014؟
الإقتراح: كتابة تقرير آخر عن أفضل سيارات 2014 فى مصر و التى ينصح بشرائها (حتى نكون قد عرفنا ما نتجنبه و ما يمكن أن نشتريه) و يا ليت يكون بترتيب الأفضل من ناحية الجودة ثم من الناحية السعرية
مرة أخرى شكرا جزيلا لمعد التقرير و للقائمين على هذا الملتقى
موضوع جميل ومجهود رائع
وسؤالى عن بيجو 508 هل فيها مشاكل
طب لو سمحت و البوما 2013 _ 2014 يا ريت تقولي مشاكلها اية
و الهوندا سيتي ؟ الشكل القديم..
متابع
تجميعه رائعه
تقبل تحياتى
الواحد يشترى اية
لو معايا 130 الف اجيب جين 2 اوتو ولا اكسنت ار بي اوتو هاي لاين ولا اصبر واجيب ياريس؟
ياريت مقارنة بين ال3 ف كل حاجة مش انحياز وخلاص
تقرير جميل و محايد
و اتمني انك تدعمه ببقية الموديلات علي اساس حجم المبيعات في السوق.
جعله الله لك في ميزان حسناتك
تحياتي
بس انا اتقالي بلاش اكسنت وده نص الكلام
َّ>>الأخ الفاضل
سأخبرك برأى شخصى:
1 - أنا لا أفضل الأكسنت و خصوصآ الموديل الأخير و ذلك لقلة وسائل الأمان و ثباتها المتواضع فى السرعات العاليه و عفشتها ذات الآداء المتواضع أيضآ. فى المجموع أرى انها سياره متوسطه و لكن بثمن سياره من فئه أعلى
2 - لو نجحت فى التكيف و التأقلم مع مستوى التشطيب المتدنى و التقفيل السىء و صوت المحرك المرتفع فإن الجين 2 هى إختيارك الناجح لأن أدائها رائع و مميزاتها كثيره (محرك قوى+ثباتها فى السرعات العاليه شهد له الجميع+متينه+صالون واسع+أنيقه)
3 - لو تحملت أسعار قطع غيار الياريس و أسعار الصيانات (إذا إخترت هذه السياره فليس لديك رفاهية الذهاب إلى ميكانيكى) فهى بدون شك أفضلهم على الإطلاق
ايه رأيك؟
يعني لو قولتلك عربية ف حدود 140 الف فيها الاتي
- توفير بنزين كويس
- تكييف عالي
- عفشة ناعمة عشان معظم الطرق بتاعتي فيها مطبات ومش عايز ضهري يتقطم ^^
- ثابتة عالأقل لحد 120 ك/س
- سعر اعادة بيع كويس
- اعتمادية وانسي الميكانيكي اول 5 سنين
- معظم الوقت ف المدينة
- قطع غيار متوفرة ومش غالية اوي وليها اكسسوارات ف السوق
- صاجها مش ورق
- هاخد باللي هدفه مميزات كويسة مش اغلى من اللي تستاهله بكتير
ترشحلي ايه؟
كيا ريو