مشكلة في كورولا 2015 رجاء الافادة من خبراء كورولا

السادة خبراء كورولا بعد التحية قمت باستلام سيارتي كورولا 2015 اليوم بس لقيت فيها شوية حاجات اولا عداد الار بي ام بيلعب والعربية في السلانسية مع اني سامع صوت الموتور مافيهوش تغيير هل دة عيب خطير؟ استني صيانة الالف ولا ارجع التوكيل علطول؟ عربيتي التانية نوبيرا 2008 وموش عارف لية حاسس ان الكورولا ناشفة في عفشتها مع اني اديت الكاوتش 33 ضغط نيتروجين؟ لقيت الفانوس الشمال اوطي من اليمين في الاضاءة واعتقد العكس هو الصحيح واخر سؤال عداد الحرارة طبيعتو علي اقل من النص شوية ثابت؟ (كان معايا كورولا 94 خليجي ) وكان الامبير بتاعها موش بيعدي الربع
وشكرا ليكم جميعا

مفيش مشاكل ولا حاجة يا فندم
العفشة ناعمه مش ناشفة اوى زى ما حضرتك بتقول
انا كان معايا العربية الغير معدله وكان العفشة انعم وكانت سوفت .. لما اتعدلت العربية بقت العفشة للخدمات الشاقة فبقت انشف سنه بس اعتقد لو ركبت من الاول المعدله مكنتش حسيت بالفرق وانا حاسس انها انعم من 2009 الخليجى لانها كانت معايا قبلها .

بالنسبة لهتزاز موشر الار بى ام فى الاول فى دة عادى عندنا كلنا بس بعد شوية الموشر بيثبت وزى الفل
بالنسبة لموشر الحرارة هو بيزيد خصوصا فى الايام دى لان العربية بتبقى واقفة فى الشمس وكدة
ولو بصيت هتلاقى درجة الحرارة كومبيوتر العربية مسجله 45 فيما فوق فبالتالى هتلاقى بالطبيعه ان موشر العربية يقترب من المنتصف ويمكن ان لسة يدوب راكب العربية وملحقتش تدور شوية علشان تسخن السخونيه دى ولكن حراره الجو وكمان لو كان معاك اى لون غامق الى بيتمص الشمس

يا فندم الف شكر انك طمنتني وخصوصا علي حكاية ال rpm لانها فعلا قلقتني جدااا

اقتباس:

---

المشاركة الأصلية كتبت بواسطة سامح سامي

السادة خبراء كورولا بعد التحية قمت باستلام سيارتي كورولا 2015 اليوم بس لقيت فيها شوية حاجات اولا عداد الار بي ام بيلعب والعربية في السلانسية مع اني سامع صوت الموتور مافيهوش تغيير هل دة عيب خطير؟ استني صيانة الالف ولا ارجع التوكيل علطول؟ عربيتي التانية نوبيرا 2008 وموش عارف لية حاسس ان الكورولا ناشفة في عفشتها مع اني اديت الكاوتش 33 ضغط نيتروجين؟ لقيت الفانوس الشمال اوطي من اليمين في الاضاءة واعتقد العكس هو الصحيح واخر سؤال عداد الحرارة طبيعتو علي اقل من النص شوية ثابت؟ (كان معايا كورولا 94 خليجي ) وكان الامبير بتاعها موش بيعدي الربع
وشكرا ليكم جميعا

---

انا بصراحة اتخضيت اول مقريت العنوان و قولت هلاقي مشكلة جامدة .

1. الار بي ام يلعب علي السلانسيه ده عادي لو مشغل التكييف و ده بيبقي حمل الكباس علي كهربة العربية , او لو المروحة بتاعة التبريد اشتغلت او اي تحميل علي الكهربا زي فتح الازاز مثلا هتلاقي الار بي ام نزل لتحت شوية و علي تاني ده طبيعي جدا لكن لو عمال يعلا لفوق و ينزل جامد لتحت ورا بعض و بتتكرر كتير قوي وانت ماشي دي تبقي مشكلة .
خصوصا لو صوت الموتور بيعلا او بيتغر لكن ده مش بيحصل
2.العربية جديدة لسة العفشة ناشفة مع الوقت هتلاقيها تمام و انصحك تقلل ضغط الكاوتش شوية خليه 31 او 32 و جرب
3. لأ الفانوس الشمال دايما بيبقي اضائته اوطي من اليمين عشان اللي بيبقي جاي في المقابل قدامك ميضبش النور في وشه و ده في كل العربيات و ممكن تقدر تتحكم في ارتفاع الانوار 5 درجات من البكرة اللي علي ايدك الشمال و لو حاسس انه واطي برضو ممكن يترجلش في التوكيل بس كدة هتعمي اللي قدامك.
4. الطبيعي انه اقل من النص حسب الجو و التبريد بتاع المروحة , تقلق لو عدي النص و دي مش هيحصل بأذن الله .

استمتع يا باشا بالعربية كل اللي قلته دي مفيهوش اي شوبهة مشكلة.

اشكرك علي المعلومات القيمة

السلام عليكم.. سؤالي للاستاذ سامح بصفته مالك للموديل الجديد من كورولا( مثلي) مع اختلاف التوكيل.. وللعلم امس نزلت موضوع اسال عنه وللحين لا يوجد رد فالرجا المشاركة بالاراء من الجميع ومن الاستاذ سامح الذي اتضح ذكاؤه من اسئلتة الذكية ومن الردود الاذكي التي اتفق معها من الافاضل ...الرجا الملاحظة العملية الدقيقة ثم الرد... السؤال بالنص كان كالتالي:

الحقيقة عندي سؤال محيرني سيارتي كورولا جديدة 2014 لما اشغل السيارة وهي باردة في الصباح الاحظ اشياء لم الاحظها من قبل في ال10000 كم الاولي .. الاحظ بالطبع ان الار بي ام يرتفع لحظيا (بمجرد التشغيل) الى ما يقارب 1500 لفة ف دقيقة او اقل.. ثم ينخفض الي ما يقارب 1100 او اقل شوي بسيط.. وبعدها بثلاث ثوان تقريبا يرتفع بسلاسة مرة اخري مع ارتفاع صوت المحرك المقبول نسبيا الي حوالي 1300 ثم ينزل بسلاسة مع ارتفاع مؤشر الحرارة حتي يصل الي 650 لفة في الدقيقة... لا اخفي عليكم بحثت كثيرا في المنتديات وفهمت من القليل جدا منها ان هذا النظام يسمي نظام cold start system وهذا في الموديلات الحديثة وغير موجود قديما وذلك لسرعة تدفئة السوائل (زيت او مية التبريد) بزيادة سرعة دوران المحرك عند التشغيل صباحا فهل ما فهمته صحيحا وهل يطبق هذا بطريقة صحيحة في سيارتي وهل احد من مالكي الكورولا الجديدة واجهته هذه المشكلة ان كانت مشكلة ؟

ملحوظة : انضممت للمنتدي المحترم حديثا وذلك للافادة والاستفادة من خبرات اعضاءه الكرام وفي حالة وجود معلومات حقا لن ابخل بالرد وذلك لافادة الجميع

اقتباس:

---

المشاركة الأصلية كتبت بواسطة كورولا 2014

السلام عليكم.. سؤالي للاستاذ سامح بصفته مالك للموديل الجديد من كورولا( مثلي) مع اختلاف التوكيل.. وللعلم امس نزلت موضوع اسال عنه وللحين لا يوجد رد فالرجا المشاركة بالاراء من الجميع ومن الاستاذ سامح الذي اتضح ذكاؤه من اسئلتة الذكية ومن الردود الاذكي التي اتفق معها من الافاضل ...الرجا الملاحظة العملية الدقيقة ثم الرد... السؤال بالنص كان كالتالي:

الحقيقة عندي سؤال محيرني سيارتي كورولا جديدة 2014 لما اشغل السيارة وهي باردة في الصباح الاحظ اشياء لم الاحظها من قبل في ال10000 كم الاولي .. الاحظ بالطبع ان الار بي ام يرتفع لحظيا (بمجرد التشغيل) الى ما يقارب 1500 لفة ف دقيقة او اقل.. ثم ينخفض الي ما يقارب 1100 او اقل شوي بسيط.. وبعدها بثلاث ثوان تقريبا يرتفع بسلاسة مرة اخري مع ارتفاع صوت المحرك المقبول نسبيا الي حوالي 1300 ثم ينزل بسلاسة مع ارتفاع مؤشر الحرارة حتي يصل الي 650 لفة في الدقيقة... لا اخفي عليكم بحثت كثيرا في المنتديات وفهمت من القليل جدا منها ان هذا النظام يسمي نظام cold start system وهذا في الموديلات الحديثة وغير موجود قديما وذلك لسرعة تدفئة السوائل (زيت او مية التبريد) بزيادة سرعة دوران المحرك عند التشغيل صباحا فهل ما فهمته صحيحا وهل يطبق هذا بطريقة صحيحة في سيارتي وهل احد من مالكي الكورولا الجديدة واجهته هذه المشكلة ان كانت مشكلة ؟

ملحوظة : انضممت للمنتدي المحترم حديثا وذلك للافادة والاستفادة من خبرات اعضاءه الكرام وفي حالة وجود معلومات حقا لن ابخل بالرد وذلك لافادة الجميع

---

الكلام اللي حضرتك قولته طبيعي ١٠٠٪ و يدل ان مفيش اي مشكلة.

طبيعي اول متدور العربية الصبح وهي باردة تلاقي الار بي ام عالي فوق ال ١٠٠٠ و يوصل ل ١٥٠٠ ده عادي.
و طبيعي انه تلاقيه بدأ يقل ل ١١٠٠ طالما انت ممور العربية و لو قعدت فترة اطول تسخن هيقل اكتر بس ده مش كويس عشان علبة البيئة.
لما بيرتفع شوية ده مع ارتفاع بسيط في صوت المحرك ده صوت مروحة التبريد بتاعة الردياتير و عشان تشتغل بتحمل علي العربية و تعلي الار بي ام نتيجة ان العربية سخنت.
و طبعا لو مشغل التكييف هيرفعه شوية برضو.
السؤال الاهم هنا ،
حضرتك لما بتجيب نقلة الكلام ده بيحصل ؟
الكلام ده بيحصل في نص اليوم بعد متسخن و لا الصبح بس ؟

لو اجابتك لأ علي السؤالين يبقي ده كله طبيعي.

اقتباس:

---

المشاركة الأصلية كتبت بواسطة كورولا 2014

السلام عليكم.. سؤالي للاستاذ سامح بصفته مالك للموديل الجديد من كورولا( مثلي) مع اختلاف التوكيل.. وللعلم امس نزلت موضوع اسال عنه وللحين لا يوجد رد فالرجا المشاركة بالاراء من الجميع ومن الاستاذ سامح الذي اتضح ذكاؤه من اسئلتة الذكية ومن الردود الاذكي التي اتفق معها من الافاضل ...الرجا الملاحظة العملية الدقيقة ثم الرد... السؤال بالنص كان كالتالي:

الحقيقة عندي سؤال محيرني سيارتي كورولا جديدة 2014 لما اشغل السيارة وهي باردة في الصباح الاحظ اشياء لم الاحظها من قبل في ال10000 كم الاولي .. الاحظ بالطبع ان الار بي ام يرتفع لحظيا (بمجرد التشغيل) الى ما يقارب 1500 لفة ف دقيقة او اقل.. ثم ينخفض الي ما يقارب 1100 او اقل شوي بسيط.. وبعدها بثلاث ثوان تقريبا يرتفع بسلاسة مرة اخري مع ارتفاع صوت المحرك المقبول نسبيا الي حوالي 1300 ثم ينزل بسلاسة مع ارتفاع مؤشر الحرارة حتي يصل الي 650 لفة في الدقيقة... لا اخفي عليكم بحثت كثيرا في المنتديات وفهمت من القليل جدا منها ان هذا النظام يسمي نظام cold start system وهذا في الموديلات الحديثة وغير موجود قديما وذلك لسرعة تدفئة السوائل (زيت او مية التبريد) بزيادة سرعة دوران المحرك عند التشغيل صباحا فهل ما فهمته صحيحا وهل يطبق هذا بطريقة صحيحة في سيارتي وهل احد من مالكي الكورولا الجديدة واجهته هذه المشكلة ان كانت مشكلة ؟

ملحوظة : انضممت للمنتدي المحترم حديثا وذلك للافادة والاستفادة من خبرات اعضاءه الكرام وفي حالة وجود معلومات حقا لن ابخل بالرد وذلك لافادة الجميع

---

بالظبط الكلام ده صحيح فى كل العربيات وده مش مشكلة خالص

Sent from my samsung GT-I9152 using Forum Runner

استجابة للنقاش وردا علي اسئلة الاستاذ هاني المشكور لردوده واسئلته الجميلة وشكر خاص ايضا للاستاذ حمادي.

حضرتك لما بتجيب نقلة الكلام ده بيحصل ؟

اوتو 1.6 التغييرات الاوتو كويسة وكذلك تغييرات المانيوال اذا احتجت في المطالع معقوله

الكلام ده بيحصل في نص اليوم بعد متسخن و لا الصبح بس ؟

تقدر تقول الار بي ام في نص اليوم بعد ما تسخن وانت ماشي كويسة جدا واذا سبتها مش شغالة اقل من شوية ساعات وجيت دورتها يلعب العداد شوي ولكن بعدها يثبت بالمقبول والمعقول.والمشكلة الصبح بس.

شوف استاذ هاني مقطع اليوتيوب ده بتاع واحد من بره عنده موتوسيكل 4 سلندر يسال نفس سؤالي.. ليه ينزل العداد ثم يبدأ يرتفع ..تقريبا في حالتي بعد 3 ثواني مع العلم ان المروحه عمرها ما تكون شغالة في الوقت ده لان موية التبريد لسه ما سخنتش وكذلك التكييف مفصول..

Is this idle normal on cold start 2013 zx6r 636 - YouTube

ملحوظة: طبعا الار بي ام بتاعته مختلفة عني لاختلاف الغرض من الماكينه.

بس انا استنتجت من قراءاتي عن موضوع تشغيل المحرك علي البارد cold start system انه في بداية التشغيل حساس حرارة موية التبريد يعطي اشارة لكمبيوتر السيارة الحديثة والكمبيوتر يعطي لصمام الايدل الذي يفتح فيدفع بنزين لزيادة عدد لفات المحرك ليسرع عملية التسخين عشان كده يرجع العداد يرفع تاني من 1100 الي1300 تقريبا .... السؤال هل هذا يستلزم تأخيرال 3 ثوان دول لاستقبال ثم ارسال الاوامر ولا ده لازم يحدث لحظي وعندي مشكلة برمجة او تأخير في سرعة الاستجابة ..هذه الاجابة لم احصل عليها من خلال بحثي؟ .....لاحظ التوكيل عنده كل شئ عادي عادي وكله طبيعي طبيعي حتي اللي مش طبيعي....

يا جماعة هو المفروض الار بي ام ميلعبش هو بيرتفع مع التسخين الصبح لاكتر من واحد ونص انما اول العربية ما توصل لدرجة حرارتها المعتادة والى مفروض تفضل ثابتة -بغض النظر عن حرارة الجو ولون العربية-
-الار بي ام ينزل لمعدله الطبيعي ويثبت عليه ما يلعبشي
انما يتحرك تاني على حسب الاحمال الي على الموتور زي لقط كباس التكييف والمروحة او الزجاج ومجرد ما الحمل يفصل يرجع الار بي ام لوضعه الطبيعي
والمفروض ان حركته في جميع الاحوال بتكون مستقرة

استاذ وائل شكرا لك علي ردك ولكن للعلم في السيارات الحديثة فعلا يوجد نظام التشغيل علي البارد ودرجة حرارة مية التبريد التي تتأثر بالجو المحيط بعد ترك السيارة تبرد تؤثر علي ألار بي ام.

من اجابة حضرتك استنتج انك معتقد ان الموتور في المقطع فيه مشكله ولا يوجد نظام ولكن يوجد ظبط مصنع مسبق ولا يتغير الا لو فيه مشكله؟

عربيتي ال2015 زي عربية حضرتك 2014 تمام لدرجة اني حسيت انم بتوصف عربيتي ولاحظت ان الموضوع دة موجود في كل العربيات الكورولا 2014 ة2015

نفس الموضوع يا فندم كانك بتوصف عربيتي تمام وموش انا وانت بس علي فكرة

شكرا لردك الكريم.. واسف لاني لم ادخل النت من فترة نظرا لمرضي شفانا الله وعافاكم.

للعلم السيارة اللي معي تسمي في الخليج موديل 2014 (كورولا الشكل الجديد) وكما فهمت من اسئلتكم واجابتكم انها في مصر تسمي موديل 2015 يعني احنا ان شاء الله بنتكلم علي نفس السيارة اللي هيه برده لها نفس الموتور القديم اللي ما تغيرش (1600 سي سي).

اتمني منكم عدم الانقطاع ودوام الافادة والاستفادة .. وعلي فكرة انا زيك بحب الاحظ كتير ولو ان ده بيتعبنا... هل ظهر عندك الفيديواليوتيوب ؟ والفيديو ده بس للفكرة ولكن القيم هي القيم اللي ذكرتها واللي انت مشكورا اكدتها.

شكرا لك وفي انتظار اسئلتك واجاباتك الجميلة.