مشروع طارة مالتى فانكشن للفيرنا

**ggaamm** · 19-06-2014 03:30 AM

السلام عليكم ورحمة الله وبركاته

انا طلعت فى دماغى اغير الدركسيون وعجبتنى طارة مالتى فانكشن بتاعت اكسنت بس شكلها جديد كده وغريب ونضيفة وكنت هشتريها بس البياع ماكنش متأكد انها تركب ع الفيرنا ولا لا عشان كده وقفت وقلت اسأل الاول

حد بقي يقولى زور الفيرنا ايه ممكن يركب عليه بدون تعديل وانا مش مهم عندى كل الزراير تشتغل المهم الشكل وتركب بدوت عك فى زور الدركسيون او الطارة

وشاكرين مهللين يارجالة

**shiko85** · 19-06-2014 04:52 AM

وعليكم السلام ورحمة الله وبركاته
لو حضرتك عايز تغير الطاره علشان الشكل فقط فده سهل ممكن تشترى طاره فقط بدون مالتى سواء اكسنت - النترا - i10 - i30 على حسب ايه اللى ينفع للفيرنا
لكن تركيب طاره مالتى ده موضوع كبير شويه
اولا هتشترى طاره مالتى و تغير كاسيت العربيه بكاسيت تانى ينفع يشتغل على الطاره
ثانيا هتحتاج تعدل فالضفيره علشان وصلات الطاره المالتى
هتحتاج 1500 جنيه تقريبا

**Salamonti** · 19-06-2014 07:17 AM

الفيرنا مافيهاش فتحة في الزور عشان تحدي منه شريط الكابل بتاع المالتي فانكشن

العربيات اللي ينفع يركب عليها مالتي فانكشن بيكون الزور بتاعها مفرغ من جوة عشان يعدي منه شريط التوصيل

هاتركبها منظر بس مش هاتعرف تشغل منها ولا حتى زرار واحد..
لأن الزراير كلها بتشتغل على فلاتة وحدة ولازم تعدي الفلاتي دي من مكان مخصص لها وبيبقا مصمم بطريقة بحيث ان الفلاتة دي تستحمل دوران الطارة بدون ما تتقطع

**ggaamm** · 20-06-2014 10:43 AM

يعنى يارجالة مش هعرف اشغل حتى زرارين بس .. انا مش عاوز لا كاسيت ولا غيره عاوز بس زرارين للشنطة والشبورة

**shiko85** · 20-06-2014 02:57 PM

المشاركة الأصلية كتبت بواسطة ggaamm

يعنى يارجالة مش هعرف اشغل حتى زرارين بس .. انا مش عاوز لا كاسيت ولا غيره عاوز بس زرارين للشنطة والشبورة

الشنطه ليها زرار منفصل ملهوش اى علاقه بالطاره
و الفوجات ممكن تغير دراع النور بس و خلاص
لكن الطاره تتحكم منها فالكاسيت و التليفون و مثبت السرعه

**ggaamm** · 20-06-2014 09:22 PM

المشاركة الأصلية كتبت بواسطة shiko85

الشنطه ليها زرار منفصل ملهوش اى علاقه بالطاره
و الفوجات ممكن تغير دراع النور بس و خلاص
لكن الطاره تتحكم منها فالكاسيت و التليفون و مثبت السرعه

ايوة معاك بس انا كنت هبدل الزراير منها شكل ومنها استخدام ده اللى طلع فى دماغى الحوا

**Hamada hozein** · 21-06-2014 06:44 PM

والله فكره ممتازه وياريت تنفع

**shiko85** · 21-06-2014 08:50 PM

المشاركة الأصلية كتبت بواسطة ggaamm

ايوة معاك بس انا كنت هبدل الزراير منها شكل ومنها استخدام ده اللى طلع فى دماغى الحوا

هى كفكره كويسه بس التنفيذ مش سهل زى ما انت متخيل
المالتى ليه شريط شبه كابل الـ data بتاع الـ pc هو اللى بينقل الـ signal و المفتاح ليه بورده و مش هتلاقى مفتاح عادى ينفع يركب كبديل للمفتاح الأصلى بتاع المالتى
و حتى لو ده كله نفع هتلاقى نفسك دافع مبلغ كبير كان ممكن توفره و تقدر تركب مفتاح الشنطه و الفوج فالمكان الفاضى يمين الأنتظار

**M.Elwan** · 22-06-2014 01:00 AM

انا رايي تشتريها الاول وبعدين تسيبها قدامك اسبوع تفكر انتا محتاج ايه وبعدين تبدء التنفيذ وعلى البركة مفيش حاجة مستحيلة وشوفنا على المنتدى هنا ناس عملت حاجات متتعملش اصلا
ان شاء الله تبقى اول واحد

**ggaamm** · 23-06-2014 12:13 PM

المشاركة الأصلية كتبت بواسطة shiko85

[size=5][color=blue]هى كفكره كويسه بس التنفيذ مش سهل زى ما انت متخيل
المالتى ليه شريط شبه كابل الـ data بتاع الـ pc هو اللى بينقل الـ signal و المفتاح ليه بورده و مش هتلاقى مفتاح عادى ينفع يركب كبديل للمفتاح الأصلى بتاع المالتى
و حتى لو ده كله نفع هتلاقى نفسك دافع مبلغ كبير كان ممكن توفره و تقدر تركب مفتاح الشنطه و الفوج فالمكان الفاضى يمين الأنتظار ]

ايزة فهمتك .. يبقى كده المشكلة الاكبر هى مرور الكابل من الزور عندى مش كده ؟؟
على العموم انا همشي فى الموضوع عمليا شوية واشوف واستأذنك لو فى حاجة معايا تانى اسألك
وشكرا لتعبك ياباشا

الموضوع: مشروع طارة مالتى فانكشن للفيرنا

LinkBack

أدوات الموضوع

عرض

-

-

-

-

-

المواضيع المتشابهه

تركيب طاره مالتى فانكشن

مشروع تركيب طارة مالتى فنكشن لنيو أكسنت

مالتى فانكشن الكاسيت ميجان ٣

طاره مالتى فانكشن

الكلمات الدلالية لهذا الموضوع

المفضلات

المفضلات

ضوابط المشاركة