اخواني الكرام انا معايا فانتازيا وعايز أجيب كاسيت وطبعا يكون فيه gps
فعايز رايكم اية أحسن حاجة موجودة فالسوق مجربة .
وهل الأجهزة الصيني مضمونة ؟
عرض للطباعة
اخواني الكرام انا معايا فانتازيا وعايز أجيب كاسيت وطبعا يكون فيه gps
فعايز رايكم اية أحسن حاجة موجودة فالسوق مجربة .
وهل الأجهزة الصيني مضمونة ؟
بيتهيالي كان في موضوع واحد عمله فيه نفس طلبك دور ممكن تلاقيه
اعرف واحد معاة a5 مركبة في العربية وفية gps ب 5000
مفيش غير صيني اصلا
الصينى هو اللى هيشتغل معاك جى بى اس وبجد حلو وزى الفل بيشتغل فيديو وتلفزيون وتشغل عليه كاميرا وبيعدل شكل الطابلوه
حتلاقيه فى حدود 3000 جنيه عند السجان فى شارع دمشق شامل الكاميرا الخلفيه و بالفيشة بتاعت ال ايه 5
لا انصح به تماما
لانه بيلغى البلوتوث الاصلى للسيارة
للاسف انا عندى فى العربية ايه 5 بس انا كنت شاريها كده
وطبعا لو وضعت السيارة على الجهاز بيبان مشكلة فى الكاسيت
بس للحق هو فى ميزه ال dvd لو عندك اطفال
لو تعرف تجيب الشاشه بتاعه الفانتازيا الهاى لاين يبقى تمام
شكرا لكم جميعا اخواني الكرام
بس هي شاشة الفانتازيا الهاي لاين الجي بي اس فيها شغال
شاشه الفانتازيا فيها جى بى اس لكن ملوش خرايط ومفيش امل انه يتفعل
والجهاز الصينى بيشغل البلوتوث تبعه وفيه كار كيت كامل
طبعا كاسيت الفانتازيا الهاى لاين راااااااااائعع لكن حضرتك عايز حاجه معينه تكون شغاله مش هتلاقيها غير فى الصينى زائد ان امكانيات الصينى كتيره
بصراحه كنت مركبه فى عربيه ايه فايف وكان مرضى جدا بالنسبه لى كصوت وصوره وموبيل وتلفزيون
شكرا طارق باشا
طيب في ماركات نظيفة ممكن تكون بديل الصيني
انا ممكن اجبها من برة
المشكله مش الكاسيت المشكله الخرايط
الكاسيت اللي من بره مش هايدعم الخرائط في مصر
الصينى كويس على فكرة و لاسف سمعة الصينى الكل بيخاف منها بسبب المستورد بيجيب حاجات معقولة عشان مكسبه لكن فى حاجات صينى تضرب الاوروبى بس محدش بيجيبوا
دور علي حاجه شغاله اندرويد
او ابعت هاتها من علي النت افضل
هوه ده المستقبل
متركبش حاجه خلاص اكل الدهر عليها وشرب
عشان التجار هنا جشعيين
تحياتي
عندك أمثله ابتدى بيها
أصل اللي انا شفته اجهزه بيونير و سوني وبيشتغلوه ios على الايفون بس ميركبش فالفنتازيا
وازاي اعرف ان الموديل هايركب عندي
علي موقع بيونيير في حاجات جامدة بس الابعاد اية
نفس التساؤل اللي محيرني ... فيه حاجات وهمية على النت واندرويد ,, والأنقح اللي بيتركبله شريحة داتا ويستخدم ك hotspot ... يعني تدخل منه على النت وكمان اللي معاه موبايل ياخد منه واي فاي ... لكن المشكلة في حاجتين :
1- هل الأبعاد الخارجية متطابقة مع الأصلي أم لا؟
2- هل وظائف المالتي ميديا في الدريكسيون وكذلك وظائف التكييف هتتوافق معاه؟
للأسف معرفش حاجه معينه
حد عنده فكره عن موديل Columbus اللي بينزل في a7
كنت اشتريت للجيتا عندي موديل ٢٠٠٩ قبل ما ابيعها جهاز ملتي ميديا كامل من المانيا و طبعا حاصل على شهادات جودة للسوق الاوروبي CE و فيه ال GPS و الخرايط في منها لمصر حاليا بس لازم تشتري الخريطة الاصلية و فيه كل الوظائف اللي تتمناها بس سعره كان عالي و في منه لكل موديلات السيارات الموجودة plug and Play لدون اي قطع في الضفيرة الاصلية و بيشغل كل ازرار التحكم في الدريكسيون لانه بيدخل عدى ال Can Bus الخاص بالعربية و هو حاليا افضل بديل لل RNS 500 الممنوعة من التوكيل للاسف لا تفاع سعرها و بتنزل في الخليجي فقط. ممكن حضرتك تراجع الموقع ده و تشوف الموديل الخاص ب A5 او A7 بس اوعى تدعي عليا لما تعرف السعر باليورو كام غير شحنه لمصر و جمركه الا لو ليك صديق خارج مصر او انت سافرت و جبته معاك في شنطتك لان ممكن الجمارك تطلب منك شهادة من جهاز تنظيم الاتصالات بالموافقة على دخوله البلد رغم انه جهاز عادي جدا. zenec.com