-
نقص المياه من القربة
عندى عربية جيتز 2007 ماشية 120 الف.. المياه نقصت من القربة حوالى لتر فى خلال شهرين و نص تقريبا لكن الرادياتير مليان.. مع العلم انى معنديش عداد حرارة هى لمبة بس.. و دة اللى مخوفنى الصراحة مع ان العربية مسخنتش منى خالص و المراوح بتشتغل و تفصل طبيعى.. وغيرت غطا الرادياتير و برده مفيش تأثير.. ارجو المساعدة و شكرا مقدما
-
لو انت عندك المية حمرا لما بتتحرق و تنزل على حاجة سخنة بيبقى ليها ريحة معينة جرب كده بعد مشوار طويل تفتح الكبوت و تشوف الريحة هى ريحة المية المحروقة ولا مفيش ريحة خالص
لو لقيت ريحة المية المغلية دى يبقى فى حاجة عندك بتسرب خفيف جدا مع السخونسة الجامدة انما لو مفيش ريحة يبقى ممكن يكون الجوان بتاع وش السلندر فين جزء بيسرب المية دى
ده حل و الحل الافضل اكبس دورة التبريد و شوف لو فى تسريب و حل تانى غير الغطا بواحد اصلى و شوف النتيجة و واحدة واحدة كده هتوصل لحل ان شاء الله
-
شكرا للمساعدة.. هو للأسف لما زودتها كانت مياه عادية.. بس إن شاء الله هاغيرها و اكبس دورة التبريد و اقولكوا ايه اللى تم.
هل موضوع جوان وش السلندر يخوف ولا حاجة بسيطة؟ هو الزيت مش مطحن ولا حاجة الحمدلله بس ممكن ينقص من العلامة اللى فوق للتحت خلال عمر الزيت 10000 كيلو، باحط شل 5-40 التخليقى.. فا دة طبيعى ان الزيت ينقص و ازوده ولا احط ال10-40 احسن؟
Content Relevant URLs by
vBSEO 3.6.0 PL2