ارجو من السادة الخبراء التكرم بأفادتنا ... هل وضع مياة خضراء فى الردياتير الالومنيوم و ليس مياه حمراء خطر فى المدى القصير ؟؟ لأنى لسه عامل دورة غسيل كاملة و بدل ما الباشا يحط حمرا خضرها :blabla: ؟؟ ممكن استنى شهر على كده ؟؟ والا اغير لحمرا تانى ؟؟ وشكرا مقدما للأفادة
الموضوع ده انا احترت فيه ومش لاقى سبب علمى او تفسير يبين الفروق الكيميائيه بين الميه الخضراء والحمراء والزرقاء غير اللون واعتقد تاثر الاومنيوم ياتى نتيجه استعمال ميه خضراء مضروبه هى اللى بتتفاعل وتبوظ الالومنيوم
يعنى حضرتك شايف ان الميه الخضرا الاصلى تمشى الحال ... و متأثرش على السربنتينة ؟ ارجو ان يكون رأيك هوه الصواب ... لأن موضوع تغيير الميه بياخد على الاقل نص يوم ... اشكرك على الرداقتباس:
المشاركة الأصلية كتبت بواسطة rotanamasoud
المفروض انه مش مستحب
ولو تعرف غيرها
والموضوع بغسيل كل الدورة بماكينة غسيل وتفريغ المياه القديمة وغسل بمياه كتير يأخذ ساعة
ليه نصف يوم
ان شاء الله فى اقرب وقت هغير المياه ... المشكلة انى بتعامل مع مركز خدمة فى الحرفيين و علشان اخد ميعاد و انتظر و اخلص بيضيع اليوم تقريبا .... حضرتك لو تتكرم و تدلنى على المكان اللى بيغسل فى ساعة اكون فى غاية الامتنان ... تقبل احترامىاقتباس:
المشاركة الأصلية كتبت بواسطة a.saad
بنزينة موبيل
اول ش الطيران
بعد مسجد رابعة العدوية الجهة المقابلة
اسال على الاسطى جعفر
مواعيده من 9 الى 5
الجمعة شغال
بعد بحث مطول على النت بالانجليزيه
الخلاصه
المياه الخضراء عمرها الافتراضى حد اقصى سنتين(30 الف كيلو) تبدء بعدها تفاعلات كيميائيه تؤدى الى تاكل الالومنيوم
المياه الحمراء(تسمى برتقالى) عمرها الافتراضى حد اقصى خمس سنوات (100 الف كيلو)تبدء بعدها تفاعلات كيميائيه تؤدى الى تاكل الالومنيوم
يعنى التدمير يبدء عند انتهاء العمر الافتراضى للمنتج
شخصيا افضل عند كل دخول صيف غسيل وتغيير الدوره بمياه خضراء حتى لو الكيلومتر المقطوع قليل افضل من حمراء وتقعد مده طويله
المرجع
هو العربية ايه
والموديل سنة كام
والمياه الاصلى فيها كانت ايه
مش بس الاختلاف فى العمر الافتراضىاقتباس:
المشاركة الأصلية كتبت بواسطة rotanamasoud
المياه الخضرا مكونه الاساسى ايثلين الجليكول
الحمراء مياه عضوية ومكون تانى
واحدة للنحاس والاخرى للالمونيوم
فبالتالى الافضل الالتزام بالنوع الموصى به
اكيد طبعا الالتزام بالنوع الموصى به الافضل لاكن انا كنت باكد معلومه حيرتنى مده طويلهاقتباس:
المشاركة الأصلية كتبت بواسطة a.saad
اقتباس:
المشاركة الأصلية كتبت بواسطة a.saad
اقتباس:
المشاركة الأصلية كتبت بواسطة rotanamasoud
اقتباس:
المشاركة الأصلية كتبت بواسطة a.saad
اشكركم شكرا جزيلا على الاهتمام ... العربية فيرنا 2013 و المياة الاصلية المفروض حمراء ... انا عارف الينزينة دى تقريبا هى تقاطع الطيران مع يوسف عباس ..... ان شاء الله هغيرها فى اسرع وقت من باب الاحتياط ... لكن على ما اعتقد ان موبيل مفيهاش مياه حمراء ... اصحابى نصحونى بديلكو هحاول اخدها معايا و انا رايح .... تقبلوا تحياتى و احترامىاقتباس:
المشاركة الأصلية كتبت بواسطة a.saad
أنا قتلت موضوع المياه الملونة ده بحث ..وبعد البحث والتمحيص والتفحيص والدقيق الدقيق خلصت إلى الآتي ..
كل شركة بتعمل كولنت بتديله لون معين ..واللون ده يكون بيدل على مواصفه معينة للشركة نفسها ..إيه ده؟؟ ..إيه اللخبطه دي؟؟ ..أنا هدي أمثله أحسن ..
نقول مثلا شركة موبيل ..بتعمل كولنت لونه أخضر ..وكلونت لونه أزرق...تقوم شركة موبيل تقول إن الكلولنت اللي لونه أخضر ده ..نسبة تركيزه مثلا يعني ثلاثين في المائة ..والكولنت اللي لونه أزرق ده نسبة تركيزه مثلا يعني 55 في المائة
تيجي لشركة تانيه مثلا زي شركة بريجوا ..وأنا عارف إنها شركة مغموره يمكن محدش سمع عنها قبل كده ..المهم تيجي شركة بريجوا دي تعمل كولنت لونه أحمر وأخضر وأزرق وأصفر ..وتقول إن كككككككل الألوان دي ملهاش أي دلالة غير إن الزبون يختار اللي يريحه حسب لون القربه عنده ..فالناس تسأل ..يعني مفيش فرق بين الأزرق والأخضر والأحمر والأصفر ..أقولك آه ..بس خلي بالك ..الكلام ده في شركة بريجوا بس ...لكن في شركات تانيه ممكن تلاقي إختلاف
تيجي شركة تالته ..تعمل كولنت لونه أخضر وأحمر ..وبعدين تقول الكولنت الأخضر ده للمحركات اللي بتعمل بنظام الكارب في التغذية ..والكولنت اللي لونه أحمر للمحركات اللي بتعمل بنظام الإنجيك في التغذية ..
أنا أقصد في النهاية إن الألوان بتاعة الكولنت دي عبارة عن أكواد الشركات بتستخدمها لتصنيف الكولنت بتاعها بمعرفتها هي ..كل شركة غير التانيه ..وممكن الشركة تعمل الألوان دي من باب الرفاهية بالنسبة للعميل زي كولنت بريجوا ..شفت منه الأزرق والأحمر والأصفر والأخضر ..وكلهم تركيز واحد وإضافات واحده ..ولما سألت البائع ..قالي با هندسه ده عشان تقدر تختار حاجه تبان من القربة بتاعة عربيتك ..عادي يعني ..هي الشركة بتحب تدلع الزبون مش أكتر
معنى كلام حضرتك ان موبيل مثلا مفيهاش لون احمر ده دليل على ان ممكن لون غيره يمشى عندى على حسب التركيز ؟؟!! يعنى لو انا تركيزى 33% على الاقل اجيب المياه اللى بالتركيز ده بغض النظر عن اللون ؟.... يعنى اللون الازرق بتاع موبيل ينفع عندى ؟!! انا كده اتلخبطت ... ولكن الاحوط انى اغير المياه ان شاء الله ....اقتباس:
المشاركة الأصلية كتبت بواسطة m_m_sh_a
يا سيدي الفاضل إيه اللخبطه في كلامي ..شوف حضرتك التركيز الموصى بيه في كتالوج السيارة بتاع حضرتك بصرف النظر عن موضوع اللون ده خالص ..إنسى موضوع الألوان ده ..إحنا عشان نقدر نحدد المياه المناسبة للمحرك بتاعنا بنشوف التركيز المكتوب على العبوة وبعد كده بنشوف اللي مكتوب في الكتالوج ..يعني من الآخر ..متتعاملش من منطلق الألوان ..إتعامل من منطلق المواصفه الفنيه للمنتجاقتباس:
المشاركة الأصلية كتبت بواسطة tareq mm
اللي انا عارفه ان المية دي لونين اخضر واحمر
الأخضر للمواتير المصنوعة من الزهر
والأحمر للمواتير المصنوعة من الألمونيوم
موبيل بتبيع فى المحطات علب احمر واخضراقتباس:
المشاركة الأصلية كتبت بواسطة m_m_sh_a
والاتنين تركيز ٣٣%
ليه بقى.......؟؟
انا دورت عالنت في الموضوع ده ولقيت ان موضوع اللون ده مجرد indicator عشان لو حصل تسريب
لكن الاختلاف بين الانواع المختلفه ( وليس الالوان المختلفه ) هو التركيز والاضافات
يعني ممكن ميا خضرا يبقى تركيزها ١٠٪ وممكن ميا خضرا نوع تاني يكون تركيزها ٣٣٪
وممكن ميا خضرا يكون عمرها الافتراضي ٤٠ الف كم وميا خضرا نوع تاني ١٠٠ الف كم حسب الاضافات اللي عليها اللي بتزود من عمرها الافتراضي
انا في عربيتي في الكتالوج ينصح بميا خضرا او زرقا .. التوكيل حاليا بقى بيتعامل مع توتال مش موبيل .. ومية توتال حمرا ماعندهمش خضرا .. لما سالت المهندس ( وانا بثق في كلامه مش بيفتي ) قاللي ماتفرقش اللون ده مجرد indicator ومش بيدل على التركيز او المواصفات
والله تعالى أعلم
المياه الحمراء أفضل طبعا من الخضراء لأن مكوناتها مختلفه بس المياه لازم تكون ماركه يعني توتال أو موبيل مش أي ميه وخلاص انا حطيت التوتال الحمرا في عربيتي الباسات وهي معتمده من فولكس فاجن وقريت على موقع توتال فرنسا أن صلاحية المياه الحمراء التوتال لعربيات الملاكي 250000كم أو خمس سنوات يعني عمرها طويل جدا وأفضل في التبريد من المياه الخضراء
اعتقد لاتسبب مكشله
موبيل بتبيع فى المحطات علب احمر واخضر
والاتنين تركيز ٣٣%
ليه بقى.......؟؟
اول مره اعرف معلومه دى