الموضوع: سؤال بخصوص شراء بيكانتو 2015

المشاركة الأصلية كتبت بواسطة sozana

اولا متشكره جدا علي الرد انا فعلا نويت اجيبها من التوكيل ان شاء الله
بس هو ليه بعد ما العربيه تيجي بدفع وبعدين استلمها وورقها ب3 ايام ليه مش باخدها في نفس الوقت وايه راي حضرتك في توكيل المهندسين ؟؟ وبالنسبه لسعر التوكيل هل بيكون ثابت يعني باخدها بالسعر الرسمي ولا بيخفضوا في حاله الكاش زي المعارض؟؟

ممكن لو فلوسك جاهزة تستلمى العربية عادى بس الورق لأ علشان بياخد لفة على ما يخلصوه ويطلعوا المبايعه و شهادة البيانات باسمك ودى هى و ظروفها ممكن يومين او اكتر على حسب العربيات واصلة ليها كام يوم.

الوكيل مبيديش تخفيضات ،، المعارض باوفر برايس بس انت و شطارتك فى الاوفر برايس و ممكن تاخدى هدايا زى طقم دواسات.

الوكيل لما كنت بجيب كان عندهم ستوك الفئه الاولى ،، الفئة التانية انا جبتها من محمد زكى باوفر 600 جنيه و خللى الورق فى يومين و كانت عنه واحده فئة تانية لونها موكا

يستحسن تامنى مع التوكيل مع مصر للتامين وانتى بتستلمى العربية تدفعى تمن الوثيقه بتبقى 3.5% من تمن العربية ،، بتصلحى فى التوكيل لا قدر الله و بتدفعى 10% تحمل بس فى التوكيل.
بالتوفيق ان شاء الله

المشاركة الأصلية كتبت بواسطة eslamsubaru

لا طبعا سؤالك مفيهوش اى غلط و لا اى مشكلة .. ممكن بس الناس مخدتش بالها من الموضوع لأنه كان تحت فالصفحة ..

أولا : البيكانتو عربية حلوة جدا و خصوصا للبنات .. انا جايب اوتوماتيك اول فئة للمدام من التوكيل من 6 شهور.

التوكيل اتعاملت معاه فى صيانة ال 1000 حتى الأن فرع ابو رواش ( التوكيل جيد جدا و من اللى شايفه من تجارب الناس التوكيل محترم بالنسبة لتوكيلات مصر أه طبعا مفيش شئ كامل بالدنيا بس من افضل التوكيلات برضه)

رأى : العربية سعرها مش قليل فالأفضل تتجاب من التوكيل بضمان التوكيل حتى لو اوبشن أقل شوية من الخليجى بس طبعا عربية مضمونة عكس الخليجى اللى ملهاش ضمان و فيه ناس هتقوليك هتشترى ضمان من شركة ايه و ايه ( حقيقة من تجارب ناس : ضمان ملوش لازمة --- مفيهوش ضمان على أى عيب صناعة غير فالموتور غير كده و لا الهواء)

بالنسبة للمعارض : اوتو سمير ريان كويس .. و طبعا توكيل فرع روكسى افضل شئ و عنده انظمة تقسيط .

بالنسبة : للأوراق : البطاقة الشخصية , لو هتدفعى كاش يبقى مفيش اوراق تانية مطلوبة .. لو نظام تقسيط يبقى على حسب ناوية تدفعى اذاى و هل التقسيط بضمان وديعة ببنك و لا بضمان مرتب : اوراقهم هتطلب منك .

بالنسبة : للدفع : لو العربية مش متوفرة بالتوكيل : هتدفعى 5000 ج مقدم حجز و لما العربية تيجى بتدفعى الباقى و تستلمى العربية و الورق بتاعها بعدها ب 3 ايام و بيكون عبارة عن ( ورقة افراج جمركى + ورقة من مرور الدراسة مكتوب فيها اسم صاحب الترخيص و موجهة للمرور اللى هترخصى عنده + فاتورة شراء بسعر العربية مفصل بأسمك (او اسم اللى هتترخص العربية بأسمه)
و بعد ما بترخصى : بتروحة بصورة الرخصة و تستلمى كتيب الضمان.

لو من معرض : العربية اللى متوفرة هى اللى بتتباع : يعنى بتدفعى و تستلمى و الورق بيبقى بعدها ب 4-6 ايام.

ربنا يوفقك

كلامك مظبوط ،، بس الوكيل بصراحه مستهبلين فى حاجات مستاهلش ،، زى مثلا مفيش اشارات جانبية فى المرايات و لا سبويلر ستوب خلفى ،، حاجات متجيش ب 500 جنيه بس عدم وجودها ممكن يسبب حوادث لا قدر الله