اخر معلومة عرفتها من توكيل سيات عن الdsg (ارجو التأكيد)

بسم الله الرحمن الرحيم

مبدأيا احب اشكر قسمكم الجميل على التفاعل الدائم و الرد على الاستفسارت اللي مشجعني اكتر اني اكون عضو من اعضاء قسم سيات و امتلك واحدة من عربياتها الجميلة :)
انا كنت استفسرت كذا مرة هنا عن الفتيس الDSG و كانت الاراء بتتباين بين ناس بتشكر و ناس بتشتكي منه و عدد بيأكد ان الفتيس انتهت مشاكله من عام 2012 و اللي كنت مستغربله انتشار عربيات زي الجيتا و الباسات و الجولف و عربيات الاودي رغم الفتيس دا.
اخيرا بعد حيرة دخلت على موقع توكيل سيات و طلبت منهم test drive و بصراحة التوكيل كلمني على طول و دي حاجة محترمة منهم جدا و حددت معاد اروح فيه و لما قولتهم عايز استفسر على حاجة تم تحويلي لمهندس في التوكيل و كان سؤالي عن الفتيس فكان الرد ان المشاكل انتهت من 2012 و مجلناش مشاكل الا حالات فردية نادرة (بس طبعا دا ممكن يكون كلام عشان يبيعوا) فسألت ايه الضامن قالي الضامن ان في ضمان مدى الحياة عن الفتيس الDSG و ضمان سنتين على العربية !
ان شاء الله هروح التوكيل يوم الثلاثاء و اتأكد من المعلومة هناك لانها لو صحيحة هيكون خبر رائع جدا
و اسف على الاطالة :)

ضمان مدي الحياه !! أشك طبعا
اكيد الفتيس ليه عمر افتراضي و هينتهي نقول بعد 10 سنين .. تفتكر هيغيروه ؟؟ تمن الستبترونك 6 سرعات بتاع اوكتافيا كان 65 الف من فتره تخيل سعر dsg بعد 10 سنين هيكون كام
بالمناسبه الصين عامله عليه ضمان 10 سنين

اقتباس:

---

المشاركة الأصلية كتبت بواسطة adnfalcon

ضمان مدي الحياه !! أشك طبعا
اكيد الفتيس ليه عمر افتراضي و هينتهي نقول بعد 10 سنين .. تفتكر هيغيروه ؟؟ تمن الستبترونك 6 سرعات بتاع اوكتافيا كان 65 الف من فتره تخيل سعر dsg بعد 10 سنين هيكون كام
بالمناسبه الصين عامله عليه ضمان 10 سنين

---

ما هو انا هستفسر عن معنى كلمة "مدى حياة" و لو اني اظن ان المقصود بيها ضد عيوب الصناعة و دا بهدف انهم يحسنوا من سمعة الفتيس و لو حقيقة فهي خطوة كويسة جدا

في البداية أحب ارحب بيك في قسم سيات نايل موتورز ويشرفنا جداً انضمامك لأسرة سيات نايل موتورز
بالفعل الdsg مشاكله شبه انتهت من سنة 2012 او ابتداء من موديلات 2013
اما عن ضمان مدي الحياة فدة مبالغ فيه - القصة ان الضمان غير مرتبط بعدد كيلومترات لكن مش مدي الحياة
اخر مدة سمعتها كانت 7 سنوات

واحب اقولك ان النهاردة في مراكز خدمة بتعرف تعمله صيانة فما بالك بعد 7 سنين ؟؟؟

كمان الناس اللي سايقة عربيات موديلات 2013 وبتعامل الفتيس بالشكل الصحيح اللي المفروض يتساق بيه لم يشتكوا منه علي الأطلاق بل بالعكس مستمتعين جداً بعربياتهم - ربنا يبارك للجميع

حاول تسأل مرة تانية وتتأكد من الضمان قبل الشراء

تحياتي

اقتباس:

---

المشاركة الأصلية كتبت بواسطة amr_wael

ما هو انا هستفسر عن معنى كلمة "مدى حياة" و لو اني اظن ان المقصود بيها ضد عيوب الصناعة و دا بهدف انهم يحسنوا من سمعة الفتيس و لو حقيقة فهي خطوة كويسة جدا

---

عيوب الصناعه مش محتاجه "مدي الحياه" عشان تظهر
انا مش مقتنع بكلام المهندس دا .. روح اتأكد بنفسك و قلنا

اقتباس:

---

المشاركة الأصلية كتبت بواسطة Adnfalcon

ضمان مدي الحياه !! أشك طبعا
اكيد الفتيس ليه عمر افتراضي و هينتهي نقول بعد 10 سنين .. تفتكر هيغيروه ؟؟ تمن الستبترونك 6 سرعات بتاع اوكتافيا كان 65 الف من فتره تخيل سعر dsg بعد 10 سنين هيكون كام
بالمناسبه الصين عامله عليه ضمان 10 سنين

---

لييييييييييييييييييييييية
دة كدة بتمن عربياتنا a4
استيراد ب 10 الاف
ولا دة كلام توكيل
انا مش بشكك في كلام حضرتك بس فعلا مبالغ فية جدا

اقتباس:

---

المشاركة الأصلية كتبت بواسطة omaranes77

لييييييييييييييييييييييية
دة كدة بتمن عربياتنا a4
استيراد ب 10 الاف
ولا دة كلام توكيل
انا مش بشكك في كلام حضرتك بس فعلا مبالغ فية جدا

---

ايوه انا اتصدمت زيك بالظبط هههههه بس رقم مخيف مش كده !!
اطمن لو عايز واحد جديد راكب ف موتور عربيه test يعني زيرو بتاع فانتازيا كمان ب 25 ألف بس عند محل فالحرفيين:00020191:

اقتباس:

---

المشاركة الأصلية كتبت بواسطة Adnfalcon

ايوه انا اتصدمت زيك بالظبط هههههه بس رقم مخيف مش كده !!
اطمن لو عايز واحد جديد راكب ف موتور عربيه test يعني زيرو بتاع فانتازيا كمان ب 25 ألف بس عند محل فالحرفيين:00020191:

---

انا كنت عند مجدي بيومي من فترة وقالي ب 10
امال dsg بكام

اقتباس:

---

المشاركة الأصلية كتبت بواسطة omaranes77

لييييييييييييييييييييييية
دة كدة بتمن عربياتنا a4
استيراد ب 10 الاف
ولا دة كلام توكيل
انا مش بشكك في كلام حضرتك بس فعلا مبالغ فية جدا

---

انا جبت واحد حاله نضيفه جدا جدا استيراد ب 13 الف
والاسعار دلوقتي من 13 الف - 16 ألف و هتلاقي ب 16 الف كتير حاله تعبانه

dsg أخاف اسأل ع تمنه

اقتباس:

---

المشاركة الأصلية كتبت بواسطة syd

في البداية أحب ارحب بيك في قسم سيات نايل موتورز ويشرفنا جداً انضمامك لأسرة سيات نايل موتورز
بالفعل الdsg مشاكله شبه انتهت من سنة 2012 او ابتداء من موديلات 2013
اما عن ضمان مدي الحياة فدة مبالغ فيه - القصة ان الضمان غير مرتبط بعدد كيلومترات لكن مش مدي الحياة
اخر مدة سمعتها كانت 7 سنوات

واحب اقولك ان النهاردة في مراكز خدمة بتعرف تعمله صيانة فما بالك بعد 7 سنين ؟؟؟

كمان الناس اللي سايقة عربيات موديلات 2013 وبتعامل الفتيس بالشكل الصحيح اللي المفروض يتساق بيه لم يشتكوا منه علي الأطلاق بل بالعكس مستمتعين جداً بعربياتهم - ربنا يبارك للجميع

حاول تسأل مرة تانية وتتأكد من الضمان قبل الشراء

تحياتي

---

انا هحاول اتأكد ان شاء الله زي ما كتبت في الموضوع عشان نعرف تفسيرهم لكلمة مدة الحياة, بس فعلا اغلب اللي بشوفه ان مشاكل الفتيس انتهت و الناس بتستمع بيه و ربنا يبارك للجميع ان شاء الله و يبعد عنا المشاكل, ممكن برضه اسأل حضرتك لو تقدر تقولي نسبة تقديرية من خبرة حضرتك و رؤيتك و متباعتك عن عدد العربيات اللي عندها فتيس dsg و ظهرت فيها مشاكل من عام 2013 ؟
الشرف لي في الانضمام ليكوا :)

اقتباس:

---

المشاركة الأصلية كتبت بواسطة Adnfalcon

dsg أخاف اسأل ع تمنه

---

هههههههههه

اقتباس:

---

المشاركة الأصلية كتبت بواسطة amr_wael

انا هحاول اتأكد ان شاء الله زي ما كتبت في الموضوع عشان نعرف تفسيرهم لكلمة مدة الحياة, بس فعلا اغلب اللي بشوفه ان مشاكل الفتيس انتهت و الناس بتستمع بيه و ربنا يبارك للجميع ان شاء الله و يبعد عنا المشاكل, ممكن برضه اسأل حضرتك لو تقدر تقولي نسبة تقديرية من خبرة حضرتك و رؤيتك و متباعتك عن عدد العربيات اللي عندها فتيس dsg و ظهرت فيها مشاكل من عام 2013 ؟
الشرف لي في الانضمام ليكوا :)

---

في المنتدي هنا ؟
تقريباً مفيش ولا حالة - الا لو في حاجة وانا ماشوفتهاش
لكن سمعت ان في ناس في التوكيل عندهم مشاكل
لكن بوجه عام مش العدد اللي يتقال عليه مشكلة عامة

علي عكس موديلات 2010-2012
كان الطبيعي ان الفتيس فيه مشكلة وحالة فردية اللي فتيسه سليم

استخير ربنا وان شاء الله ربنا يقدر لك الخير حيث كان

تحياتي

اقتباس:

---

المشاركة الأصلية كتبت بواسطة syd

في المنتدي هنا ؟
تقريباً مفيش ولا حالة - الا لو في حاجة وانا ماشوفتهاش
لكن سمعت ان في ناس في التوكيل عندهم مشاكل
لكن بوجه عام مش العدد اللي يتقال عليه مشكلة عامة

علي عكس موديلات 2010-2012
كان الطبيعي ان الفتيس فيه مشكلة وحالة فردية اللي فتيسه سليم

استخير ربنا وان شاء الله ربنا يقدر لك الخير حيث كان

تحياتي

---

كلام مطمئن جدا و مريح و ربنا يكتب اللي فيه الخير ان شاء الله
جزاك الله الف خير
تحياتي لحضرتك

ممكن يكون كلام بياعين
يعني حضرتك يقولك مدي الحياه
انا مثلا اشتريت خلاص هيقولي اخرك سمنتين الضمان
ياريت تتاكد لانه خبر هيبقي هايل

اقتباس:

---

المشاركة الأصلية كتبت بواسطة amr_wael

بسم الله الرحمن الرحيم

انا كنت استفسرت كذا مرة هنا عن الفتيس الdsg و كانت الاراء بتتباين بين ناس بتشكر و ناس بتشتكي منه و عدد بيأكد ان الفتيس انتهت مشاكله من عام 2012

لما قولتهم عايز استفسر على حاجة تم تحويلي لمهندس في التوكيل و كان سؤالي عن الفتيس فكان الرد ان المشاكل انتهت من 2012 و مجلناش مشاكل الا حالات فردية نادرة (بس طبعا دا ممكن يكون كلام عشان يبيعوا)

مين يابشا قال كده ,, مشاكل ال dsg موجودة لحد دلوقتى
ممكن تكون قلت فعلا بعد التعديلات المستمرة ف السوفت وير و وحدة الميكاترونك
لكن ما نقدرش ابدا نقول ان المشكلة اختفت ,,
و بعدين هو موديلات 2013/2014 لحقت تمشى ,, عشان المشكلة تبان فيها ؟
و for sure فولكس مش هتعمل recall لموديلات 2013/2014 ,,

فسألت ايه الضامن قالي الضامن ان في ضمان مدى الحياة عن الفتيس الdsg و ضمان سنتين على العربية !

idts
atmi ان اكبر مدة warranty ع ال dsg هى 10 سنين و دا ف الصين و امريكا
و دى اسواق ليها ثقل عالمى ,, فا مش منطقى ان vag هتخلى الضمان ف بلد زى مصر

---

اقتباس:

---

المشاركة الأصلية كتبت بواسطة adnfalcon

dsg أخاف اسأل ع تمنه

---

ال dsg يا باشا تمنه 10000$

اقتباس:

---

المشاركة الأصلية كتبت بواسطة monamize4

[/right]
[/center]




ال dsg يا باشا تمنه 10000$

---

ليه قولتلي ليه قولتلي ههههه:oops2:

كذا واحد هنا ف المنتدى اقترح ان نقل الفتيس ع التيب ترونك اثناء الزحمة بيقلل
من حدوث المشاكل ,,

الفكرة ممكن تكون مفيدة لكن اكيد مش دا الحل و احنا بنجيب العربية عشان نرتاح مش عشان
هى اللى تتحكم فينا و طبعا محدش ناقص وجع دماغ

imo ,,
الموضوع مش مستاهل مخاطرة و انا عمرى ما اشترى عربية DSG
و افضل حاطط ايدى على قلبى و خايف

اقتباس:

---

المشاركة الأصلية كتبت بواسطة adnfalcon

ليه قولتلي ليه قولتلي ههههه:oops2:

---

دى الحقيقية المؤلمة يا باشا ,,
و على ما اتذكر ان واحد صاحبى باظ منه الفتيس و سال عن سعره ف التوكيل
و كان 70 الف جنية ,, و الكلام دا من فتره كبيييرة
شوف بقى زمانه وصل كام !!!!!!!! و العربية اصلا تمنها كام ؟!!!!!!

اقتباس:

---

المشاركة الأصلية كتبت بواسطة monamize4

دى الحقيقية المؤلمة يا باشا ,,
و على ما اتذكر ان واحد صاحبى باظ منه الفتيس و سال عن سعره ف التوكيل
و كان 70 الف جنية ,, و الكلام دا من فتره كبيييرة
شوف بقى زمانه وصل كام !!!!!!!! و العربية اصلا تمنها كام ؟!!!!!!

---

تمنه كده طبيعي لأن اكيد هيكون أغلي من التيبترونك ابو 65 الف اللي أكيد تمنه زاد هو كمان وعجبي !

هو تفسير ضمان "مدي الحياة" مش حياة المالك ولا العربية....دي حياة الموديل:Copy of m-s5::Copy of m-s5:

يعني لو مثلا جيتا الشكل القديم نزل في 2005 والشكل الجديد في 2012 يبقي الفرق 7 سنوات.....وهو ده فترة الضمان...بس كده:Copy of m-s5::Copy of m-s5:

والجيتا ال2012 لو الشكل الجديد نزل في 2020 مثلاً.....يبقي الضمان 8 سنوات.....وهكذا.
و بره عندهم ضمان مدي الحياة برضه علي فكره......وده عشان يريحوا دماغ العميل.

فعلا فولكس فاجن نزلت ضمان على الفتيس مدى الحياه . دى حقيقه . علشان تلم البهدله اللى حصلت لسمعتها و بالتالى التوكيل مش خسران حاجه طالما همه هايغيروا و يحاسبوه

لو المبيعات اكدوا لحضرتك انه ضمان مدى الحياه يبقى المفروض الجمله دي تحديدا تبقى مكتوبه في كتيب الضمان انما الواقع انه في مصر ضمانه تلات سنين بعد ما كان سنتين و اكتر من كده طق حنك من الوكيل لغاية الفاس ما تقع في الراس
و فعلا مشاكله قلت بصوره ملحوظه بس مش بسبب انهم عالجوا العيب بتاعه انما بسبب ان مبيعات مجموعة فولكس في مصر بقت في الارض

هحاول اتأكد ان شاء الله مع المعلومة لما اروح للتوكيل و هقول في المنتدى هنا

وصلتوا لايه

متابع

بعتذر جدا عن التأخير
رد التوكيل الضمان سنتين و لو بعد فترة الضمان حصل اي عيب صناعة احنا برضه المسؤولين عنه :)

اقتباس:

---

المشاركة الأصلية كتبت بواسطة amr_wael

بعتذر جدا عن التأخير
رد التوكيل الضمان سنتين و لو بعد فترة الضمان حصل اي عيب صناعة احنا برضه المسؤولين عنه :)

---

كلام فارغ . المسئوليه لازم تكون مكتوبه رسمى و قولهم فولكس نزلت عليه ضمان مدى الحياه

اقتباس:

---

المشاركة الأصلية كتبت بواسطة yasser100

فولكس نزلت عليه ضمان مدى الحياه

---

ياريت تفاصيا اكتر ياباشا , و يا سلام لو فى لنكات

thnx in advance

اقتباس:

---

المشاركة الأصلية كتبت بواسطة monamize4

ياريت تفاصيا اكتر ياباشا , و يا سلام لو فى لنكات

thnx in advance

---

حاضر . و الصين كمان حقوق المستهلك هناك بتتفاوض مع فولكس على 10 سنين ضمان للفتيس . تخيل الصين الشيوعيه اللى ما فيش فيها حقوق اصلا طالبه ايه

5 Year VW Driveline Warranty (includes DSG)

ده خبر زيادة ضمانه 5 سنين او 150 الف كم فى استراليا
و ده كان من اول 2013 و يتكلموا انه مش عجبهم و عايزينه 10 سنين زى امريكا
لازم الناس تتكلم مع التوكيل بضغط ووضع الحقايق اللى فى البلاد التانيه

فعلا يا باشا ,, الضمان ف امريكا و الصين 10 سنين

لكن Atmi ان مفيش بلد ضمان ال DSG فيها مدى الحياة

اقتباس:

---

المشاركة الأصلية كتبت بواسطة monamize4

فعلا يا باشا ,, الضمان ف امريكا و الصين 10 سنين

لكن atmi ان مفيش بلد ضمان ال dsg فيها مدى الحياة

---

و الله يا ريس سمعت كده فى اول 2014 لما الدنيا عكت مع فولكس . طيب يا ريت حتى التوكيل هنا يتعامل بضمان 150 الف كم زى البنى ادمين بره . ده الناس هنا بتدفع تمن فى العربيات دى اعلى من اى بلد . حرام

مدي الحياة ده صعب فرأي