حجزت انفي 2014 ومش عارف صح ولا غلط

**ameirnabel1977** · 20-06-2014 02:42 AM

انا حجزت النهارده انفي 2014 تقفيل صيني ومش عارف القرار ده صح ولا غلط ......
انا بصراحه كنت محتار بين اللانوس وال byd والانفي ونبتدي واحده واحده .....
اولا اللانوس:
عربيه شكلها قديم ماتغيرش بقاله اكتر من 10 سنين بس فى الوقت نفسه يعتمد عليها تماما وقطع غيار عند البقال بس المشكله بجد اني لما ركبيتها في كذا معرض ماكنتش مبسوط مش مستريح مستخسر فيها 78 الف بصراحه
ثانيا byd
العربيه زي الفل ومنتشره وكل حاجه بس سبحان الله كل ما اروح معرض علشان اقعد واجرب ماليقهاش فا في الاخر سلمت ان مافيش نصيب
ثالثا الانفي :
العربيه واسعه جدا من جوه وشكلها حلو من بره مش زي اللانوس خالص وارخص من اللانوس وال byd
انا مشكلتي بجد اني حاسس ان العربيه مش منتشره خالص مش عارف احكم عليها على المدي الطويل هاتكون عامله ازاي... اسعار قطع الغيار والصيانه ايه .... العربيه هاتعيش معايا ولا بعد سنه ولا اتنين هاكون لبست فى الحيطه وتفتح بقها ...
يا ريت اي حد عنده معلومه يفديني

**hardmind_doc** · 20-06-2014 04:27 AM

عموما الاسبيرانزا برضو سمعتها مش وحشة اوى
عندك التيجو و ال a11 والموديل اللى كان شغال تاكسى ده
هى معقولة على قد فلوسها بس الاعتمادية دى مالهاش حل الا الايام هى اللى هتقول
ومبروك على العربية مقدما وان شاء الله يبقى اختيار صائب

http://www.nilemotors.net/Nile/410648-2014.html

**shiko85** · 20-06-2014 05:24 AM

اللانوس شكلها مفهوش تغيير لكن الماتور بقى احسن
لو حضرتك بتدور على الأنتشار يبقى اللانوس و معروف ان كل حاجتها فالسوق و رخيصه و سعر البيع بتاعها معقول جدا
لو حضرتك تقدر تلغى الحجز و تحجز لانوس هيكون افضل او byd لانها منتشره اكتر من الأنفى

**MaZaGAngeE** · 20-06-2014 07:17 AM

انفي احسن من العربيتين التانيين ......... و قطع الغيار في اغلبها ان مكانش كلها بتاعة ال 516

**المنسي** · 20-06-2014 11:21 AM

byd الجديدة موتورها 1500 والقدرة الحصانية بتاعتها 108 حصان او 122 حاجة كده غير انها منتشرة اكتر من الانفى لو تقدر تلغى الحجز من رايى الغيه وهات byd عربية منتشرة وقطع غيارها مش غالية وغير كده وكده واسعة برده ممكن حضرتك تركب منها تاكسى واسال السواق اخبارها ايه معاه ولو عايزها هاتها من الموزعين لشركة الامل فى كذا فرع ليهم وربنا يكتب لك اللى فيه الخير

**abokoko** · 20-06-2014 12:53 PM

صلي استخاره
وعلى الله التوفيق

ال لانوس مهما تكن فهى عربيه قديمه
البي واى دى هتكون متفوقه فى الاتوماتيك والانتشار
الانفى شكلها عاجبنى وقطع الغيار هتكون متوافقه مع ال516
عيبها عدم الانتشار لو هتحتفظ بيها ومش بتفكر فى البيع
فان شاء الله تكون اختيار موفق

**Eng HateM** · 20-06-2014 02:42 PM

من كام يوم كنت في صالة عرض أبو الفتوح وشفت الإنفي بصراحة عربية تحفة ما شاء الله

إن شاء الله اختيار موفق , العربية صفقة رابحة مقابل سعرها ولا أعلم حقيقة سبب عدم انتشارها فلا توجد عيوب تقدح في السيارة كما رأينا في اميجراند

ملاحظة: معظم المتواجد حاليا من الانفي تقفيل مصري فئة واحدة بدون airbags وسعرها 76900

**hugan** · 20-06-2014 02:54 PM

شوف انت مرتاح لاءي اختيار
مبدئيا الانوس خارج المقارنه بين الانفي وال بي واي د ي
بعيدا عن صيني وكوري والكلام الفاكس ده
الانوس لن تصمد امام قوه الاثنين
الانوس ميزتها الانتشار وتوافر قطع الغيار استيراد
ال بي واي دي
انتشار افضل مفيش كلام
لكن شكلها تاكسي وانطبعت انها تاكسي
لكن لو هاتشتريها اوتو هي الافضل طبعا
الانفي انتشارها الضعيف مقلق
لكن اظن مع الوقت ها تحقق النسبه المطلوبه
انا شخصيا شايف انها افضل خاصه لو تجميع مستورد

الموضوع: حجزت انفي 2014 ومش عارف صح ولا غلط

LinkBack

أدوات الموضوع

عرض

-

-

-

-

-

المواضيع المتشابهه

حجزت اسبرانزا انفي 2014 ومحتاج مشورتكم

تقرير مبدئي عن اسبيرانزا انفي 2014 كاملة

حجزت لوجان 2014 اوتو

الحمد لله حجزت صنى شكل قديم 2014

كيا كارينز 2014 حجزت والاستلام يوم الاحد

الكلمات الدلالية لهذا الموضوع

المفضلات

المفضلات

ضوابط المشاركة