العربيات المستعمله في مصر بقت عامله ز ي الدهب

**yyy** · 20-06-2014 04:44 AM

اسعار المستعمل في مصر بقت هبل اي واحد بيحط اي سعر و بعدين يجي واحد تاني يشوف سعرو يقولك لا انا عربيتي احلي فيقوم مزود عليه و يجي واحد تاني يزود لحد ما تلاقي ان سعر العربيه المستعمله بقي اغلي من سعرها زيرو
يعني زمان كانت اسعر المستعمل بتتحسب ان العربيه في اول سنه بتخسر 10% من تمنها حتي لو كانت علقت نمر بس ما مشيتش , و بعد كده كل سنه بتقل 5 % من التمن
لكن دلؤتي بقت بتزيد 10 -20 % من تمنها علي اساس انها مصنوعه من الدهب و او زي الاثار ما تقدم تغلي

**Adnfalcon** · 20-06-2014 05:21 AM

ازود كمان انهم بيستغلوا ارتفاع اسعار الزيرو عشان يرفعوا سعر المستعمل

**Ramadan Kader** · 20-06-2014 09:13 AM

السبب الناس الي بشتروا العربيات بيبعوها بعد سنه بتكون قسمه وسطه مصاريفو بيبقى عاوز يلم الى صرفه خصوصا لو عايز يشتري زيرو بعد القرف الى شافه من المستعمل وكمان المصنعيات بقت هبل و التوكيلات اغلى حاجه فالدنيا فمصر. وده كاه بيسمع فى سعر العربيات سواء جديد او قديم. ربنا يرحمنا .

**Ahmed Saad** · 20-06-2014 10:53 AM

والسبب التاني أن الناس اللي بتشتري بالسعر اللي مطلوب ماهو لو كل واحد ساب اللي يطلب يطلب هتتباع بسعرها الحقيقي بس برضه في مشكله تانيه أن اللي عارض العربيه مش هيهمه وهيقول هلاقي زبون ياخدها بالسعر اللي انا عايزه من الاخر المشكله ان الشعب المصري بقى فيه ناس الجشع بقى صفتهم الاساسيه علشان كده ربنا مبقاش مبارك لنا في البلد ياريت الناس تفوق وتتعظ

**المنسي** · 20-06-2014 11:30 AM

على فكرة كل ما الزيرو ثمنه ارتفع فطبيعى ان تلاقى المستعمل سعره رفع بس طبعا مش زى ماحضرتك بتقول يعنى لما عربية تمنها جديدة زيرو مثلا السنة دى 70000 والمستعمل سعره 25000 فطبيعى لما العربية الزيرو توصل ل 85000 هتلاقى المستعمل المفروض يزيد معاه بس مش يوصل مثلا ل 40000

**Survival** · 20-06-2014 02:42 PM

فعلا دى حقيقة صعبة - كنا بندور على عربية لاخويا الصغير و سمعنا اسعار غريبة
بس هتلاقى ناس بتبيع و تشترى فالمعقول و دول مش تجار طبعا. مع ان في تجار برضه بتتكلم فالمعقول يعنى زيادة بسيطة عشان يقلب العربية بسرعة و يدور الفلوس فى حاجة تانية لان طول ما العربية قاعدة في رقبته بتصرف فيجي فى الاخر يحمل كل دا عالمشترى.
اخر مرة روحت السوق لاقيت اوكتافيا a4 موديل 2009 او 2008 مانوال و عاوز فيها 110 الف !!!!!!!!!!!!

**ahmedelrayan** · 20-06-2014 02:56 PM

بس على فكرة اللى عمل كدة فى سوق العربيات المستعملة فى مصر هو النت باختصار شديد

**Mostafa.Mahran** · 20-06-2014 05:32 PM

الكورولا لحد 2007-الالنترا لحد2006- اللانسر السوبر اكشن

من اكتر العربيات المبالغ فى سعرها

**ahmedfor3** · 20-06-2014 06:02 PM

المشاركة الأصلية كتبت بواسطة المنسي

على فكرة كل ما الزيرو ثمنه ارتفع فطبيعى ان تلاقى المستعمل سعره رفع بس طبعا مش زى ماحضرتك بتقول يعنى لما عربية تمنها جديدة زيرو مثلا السنة دى 70000 والمستعمل سعره 25000 فطبيعى لما العربية الزيرو توصل ل 85000 هتلاقى المستعمل المفروض يزيد معاه بس مش يوصل مثلا ل 40000

لا معلش بقى دلوقتى فى مصر العربيه الزيرو ب80000 والمستعمله 850000

الموضوع: العربيات المستعمله في مصر بقت عامله ز ي الدهب

LinkBack

أدوات الموضوع

عرض

العربيات المستعمله في مصر بقت عامله ز ي الدهب - انشر الموضوع فى :

-

-

-

-

-

المواضيع المتشابهه

هى اسعار العربيات المستعمله اترفعت ؟؟؟؟؟؟؟

العربيات المستعمله

رايح سوق العربيات المستعمله ف القاهره بكرا -

ايه حكاية الجنيهات الدهب اللي مع العربيات

حد شاف اعلانات العربيات المستعمله المرفوعه

الكلمات الدلالية لهذا الموضوع

المفضلات

المفضلات

ضوابط المشاركة