ﺍﻟﺎﺥ Karim Alaa
ﻣﻤﻜﻦ ﻣﻌﻠﺶ ﺗﻘﻮﻟﻲ ﺳﻌﺮ ﺍﻟﻬﺎﻳﻠﺎﻳﻦ ﻭﺻﻞ ﻛﺎﻡ ﻟﻤﺎ ﺣﺠﺰﺗﻬﺎ وﻭﺍﻟﺎﺳﺘﻠﺎﻡ ﺧﻠﺎﻝ ﻛﺎﻡ شهر
عرض للطباعة
السلام عليكم جميعا و كل سنه و حضرتكم طيبين
أحب اشكر حضرتكم علي التضامن مع الموضوع و الكلام الجميل و اطلب بس ان الموضوع ميتفرع الي خلافات شخصية أو اختلاف في وجهات النظر علشان اعتقد العربية اتكتب عنها مواضيع كتير جدا و أي حد عايز يشكر أو يذم فيها اخد فرصته في اكتر من موضوع ..
انا يحاول بقدر الإمكان اذكر كل التفاصيل و ألاماكن و أسماء الأشخاص علشان كل واحد يعرف هو بيتعامل مع مين لو لاقدر الله حصل معاه مشكلة في عربيته ..
انا استلمت العربية من نور الدين و طلعت بيها علي بيجو مرغم يوم الوقفة ، قابلني هناك مدير المركز المهندس \محمد فهمي و انطباعي عنه انه انسان في محترم و خلوق ، شرحت له المشكلة و قالي انه اول عربية تجيلوا بتشتكي منها و قالي انهم متعودين ان الناس مش بتعرفهم غير لما نور الدين ميعرفوش يتصرفوا و يرموها علي التوكيل ، و اكدلي ان لو فيها اي حاجة تتغير أو تتصلح حتتعمل ان شاء الله ...
بس هيا كانت حتتركن لغاية بعد العيد فانا فضلت انها تفضل معايا و اوديها بعد العيد مباشرا انشاء الله ..
احب أضيف ان لما مدير نور الدين الشريف /مجدي هلال قالي انهم مش وكلاء بيجو و الكلام الفارغ ده، انا سألته يعني اللي اتعمل في العربية عندكم الخمسة عشر يوم السابقين دول بيجو علي علم بيهم يعني و نزلين علي أي سيستم؟؟ قالي طبعا كله موجود...
و المهندس / محمد فهمي في بيجو انكر و قالي انا لازم اكلمهم علشان اعرف هما عملوا ايه ووصلوا فين ...
بسم الله الرحمن الرحيم
الإخوه الأفاضل جميعآ
على حد علمى نحن جميعآ هنا فى هذا المنتدى (الذى أعتبره ساحة للعلم و إكتساب الخبرات) للأسباب الآتيه:
1 - تقديم يد العون لمن يطلبها بالكلمه الصادقه و النصيحه المخلصه (و فى ثنايا ذلك نتبادل العلم و الخبرات)
2 - لسنا هنا ليثبت كل منا أنه وحده ينفرد بالرأى الصائب و يخطىء كل من يخالفه
3 - أن قدم أى منا معلومة فيها خطأ فيمكن للإخوه لفت نظره بهدوء و بدون تجريح أو تسفيه أو سخريه (لاضرر من ذلك لأن كلنا نخطىء و نصيب)
إن كل ما ذكرته سابقآ ليس له أى هدف سوى تهدئة جو النقاش الذى أوشك أن يفقد أهدافه و مقاصده.
الإخوه الأفاضل
جميعكم أصحاب رأى و بعضكم أصحاب علم و خبره. و أنا أتعلم منكم جميعآ. من الذين خالفونى فى الرأى قبل المؤيدين.
أسأل الله أن يعصمنى و إياكم فى الوقوع فى الإعجاب بالنفس و الحميه للرأى و ألا نتوه فى متاهات الخلاف ثم نظن أن الطريق يحملنا إلى مقاصدنا.
الأخ إيهاب عطيه
مازلنا جميعآ فى إنتظار ما سيحدث فمن فضلك لا تحرمنا المتابعه
السلام عليكم و رحمة الله و بركاته
أضم صوتى لصوتك وأتفق مع حضرتك في الرأي تماما
أستاذ إيهاب
إن شاء الله خير ونتعشم خير أن توكيل بيجو يحط ايده على المشكلة علشان يعرف يصلحها نهائيا وانا رائى ان فيه حاجة عاوزة تتغير مش مجرد اصلاح. لا تنسى متابعة تسجيل ال15 يوم في نور الدين وتاخذ تقارير او امر التشغيل او رقمه من على السيستم وتشوفه بعينك على السيستم علشان ضمان حققك لو الموضوع اتكرر.
ومتابعين اخبارك اول بأول.
تحياتى للجميع وكل عام وانتم بخير وصحة وسعادة.
السلام عليكم
اسف على التأخير ، معلش ظروف الشغل
العربية فضلت في التوكيل (مرغم) تقريبا 10 أيام ، و بعدين كلمني المهندس محمد فهمي مدير الفرع قالي انهم جربوا العربية اكتر من 150 كيلو و ومعملتش معهم أي حاجة و ان كل ال errors اللي الجهاز قارئها ليها علاقة بالبنزين و العربية كانت وصلت 19950 كيلو فاقترح نعمل صيانة ال20 و انا وافقت ، غيروا الفلتر و البوجيهات و تم تثبيت الشبكة الأمامية و استلمتها الحمد لله و تم الاتفاق ان لو اتكرر العيب اتصل بيه على الموبيل الشخصي و حتى الان محصلش حاجة الحمد لله ..
الدروس المستفادة حتى الان
توكيل مرغم ناس محترمة فوق الوصف في التعامل و الاهتمام و نور الدين ميستحقوش حتى الشتيمة .
واضح ان العربية حساسة فعلا للبنزين و المشكلة ديه اتكررت معايا كتير علشان السفر و التفويل من كل بنزينات مصر ، هما بينصحوا ببنزينة الوطنية بس .
قسم الشكاوي في بيجو ملوش لازمه انا جربتهم مرتين و قالوا الرد خلال 48 ساعة وحتى الان محدش عبرني .
أتمنى تكون اخر الأحزان إن شاء الله .
الموضوع مش البنزين الموضوع بوجيهات و ربنا يستر طريقك و طريقنا
طبعا تصرف محترم من حضرتك انك تقول على الموقف النهائي و انشاءالله تكون النهايه السعيده وفعلا البيجو و كل الاوروبي حساس بدرجه غريبه للبنزين و ده عن تجربه
عندك مثلا عربيه باسات غيرت كونترول خاص بالطرمبه و بعديها برضه مفيش فايده لغاية ما طرمبة البنزين اتغيرت و اتصرف عليها ٥٠٠٠ جنيه لانها كانت بره الضمان مع العلم انها بتحط ٩٥ من الزيرو لغاية النهارده تصور !!!
عضو زميل في المنتدى معاه مرسيدس ٢٠١٢ بتصقف
انا معايا ٥٠٨ زيرو حطيت بنزين من الامارات العربيه كانت طياره لما حطيت من موبيل الاداء قل بنسبه بسيطه
فياريت اللي عمال يقول بيكانتو و ماروتي مع فائق الاحترام لشخصهم الكريم يكونوا موضوعيين شويه لانهم بالطريقه دي ارائهم تقريبا هتبقى لنفسهم والا الماروتي و البيكانتو يبقوا برقبه الالماني الفاخر
و حضرتك خدها قاعده اي بنزينه على طريق سريع احتمال كبير جدا بنزينها مغشوش للاسف عشان زبونها طياري زي ما بيقولوا فمش فارقه معاهم و يستحسن على قد ما تقدر تثبت المحطه بمعنى لو مسافر و التنك ناقص حاجه بسيطه ابقى كمله عشان العربيه تروح و ترجع بنفس التفويله لو سفريه متوسطه ولو طويله اختار محطات موثوق فيها