اذيكوا ياهونداوية عاملين اية وكل سنة وانتم طيبين ورمضان كريم

بعد حيرة طويلة , من بعد قرار تحويل كل محطات بنزين شل الى محطات توتال , وانا بقول ياترى هحط زيت اية , وانا اصلا مش بثق غير فى زيوت شل من زمان بعد تجربة سيئة مع زيت موبيل

فدورت كتير على النت , عشان اشوف افضل بديل اية لان زى مانتوا عارفين محركات الهوندا ال b series محركات مش عادية وعايزة زيت قوى عشان يقدر يخدمك صح

فبالصدفة لقيت احمد belladona , حاطط فى عربيتة المينى زيت كاسترول gtx 20-50 وكان بيجربة , وعجبة جدااا فى العربية , وقالى جرب زيت ماجنتيك حلو ومالكش دعوة , وجرب انت مش خسران حاجة

قولتلة خلاص , هجربة طلع وحش , مش مشكلة ال 250 جنية فى سبيل انقاذ ماتور ب 13 الف جنية

والصراحة كنا مع بعض خطوة بخطوة , ونزلت على بنزينة طاقة اللى فى الهرم انا وهو , وببص على الزيت لقيتة انتاج 8-2011 , واخر تاريخ للصلاحية 2014 , فقلت لأ مش هينفع

راح احمد قالى عندى واحد بيبع الماجنيتك اصدار حديث وسأل علية لقاة انتاج 6-2013 وكان الوقت ساعاتها
شهر 3 -2014

وتوكلت على الله بعد ماهريت الراجل اسألة وشوفت عينة كمان قبل مااشترى الزيت عجبتنى جداااااااا عن زيت شيل بلس 7000

المهم تم تغير الزيت والحمد لله


* المواصفات :

الاسم : castrol magnetic

اللزوجة : 10w-40 semi-synth

السعر : 250 جنية

المسافة التى يقطعها الزيت : 10000 كيلو

الاداء :

فى اول الدوارة بعد تغير الزيت مباشرا : الصوت هدى عن الاول , لكن مش الفرق اللى الناس بتقول علية , وقولت عادى كدة كدة لسة الزيت ماخدش دورتة ولسة فى اثار للزيت القديم

- فى المشى : هنا بقى الاختلاف اللى عجبنى جدااا, المحرك بقى مستريح معاة جدااا فى المشى يعنى كنت مع الشيل بيبقى فية نتشة خفيفة لو طولت على الاول شوية او مابين 3 الى 4 الاف لفة , لكن مع الماجنيتك المكنة اصبحت ماشية على tone واحد يعنى مافيش اى نتشة

- الحرارة : هية هية مافيش اى اختلاف

- اللزوجة : افضل من الشل مع الحرارة والتحمل

- صوت المحرك مع المشى والقرص : الصوت اصبح صامت بكتير عن الشل وخصوصا فى القرص , وخصوصا بعد كام يوم فرق كتير عن ماكانت لسة حاطة

-استهلاك البنزين : مافيش فرق الا حاجات بسيطة مش هدخلها فى الحساب

- السحب : اتحسن , وبقى الماتور خفيف فى حركتة

- البخر : حتى الان الحمد لله مافيش

- لون الزيت بعد المدة دية : ذهبى بس غامق شوية عن ماكان جديد

من الاخر : تجربة ممتازة جدااااااا , والصراحة فرق عن شل فعلا فى حاجات كتير جدااا


عيوب الزيت : صوت الماتور بيكون عالى شوية لمدة 10 ثوانى تقريبا , وبعد كدة بيهدى , بس دة كان فى الشتاء , لكن لما دخلنا فى التوقيت الصيفى الموضوع دة اختفى

واى سؤال انا فى الخدمة ,وانا عملت دة عشان الناس تبقى عارفة تجربة كاسترول ماجنيتك على محرك ال b16a الرياضى من هوندا

انا عملت التقرير دة بعد 2200 كيلو من استخدام الزيت عشان احكم علية كويس ,ولسة كمان فية تقرير تانى ان شاء الله بعد 5000 كيلو بإذن الله